Romu 7:9 - Ka Lamana'a Monoꞌi Lu Mu Tifiꞌehina Ka Yabe

⁹ Koyapa'i nani keya kamoya mekehelise fa'mene mino'ohuna. To keya ka nanitoga huto hu'ehigo foipana'niuba hekele luto amuya molo'ehibe. Ya higo nani filise kapolo hapi fito moloto fililuta bu'ohube.

Romu 7:9 ပူးပေါင်းရင်းမြစ်များ

Matiu 19:20

Ya ligo neheya kola bouba lu'ehina: Ya'ma asaga keya ka nani liyafa huto mege'i amolo'ohube. Ana'ina mone'a henana hiti hilube?

Luku 15:29

ana pana'uba afo'afitoga ma lu emi'ehibe: Abo. Kaika lili'nakalo foya kana babu luto mino'ohuna yabe. To kaikamo kehelito minoto'ni akili mehu'ohunagihe. To kaimo meme yaga mone, lagaso'asi mone, menimise mino'ahata yabe. Nafalu'nifu hiti noloto yege fitita'mu yabe. Menimise mino'ahatagihe.

Luku 18:21

Ana bouba Yesuhi ma luto lu emi'ehina: Nani lagaso'asi nohuto'ni ana keya ka mege'i molomo molomo noona yatai hiti ana huto mege'i mololata nohube.

Romu 10:5

Bona'i moneuba keya kamofihi li pili kalina Hu'mamofihi bulo bona'i lamana'i hilinamu Moseu keya ka ma fayahi go'ehina: Keya ka mege'i malalina bouba minoba minoba huse'i lilina'mu yabe.

Romu 7:10

To ya'ma keya kamoya kehe'moto mino kosaba'na hu ketalibe nolina ya'ma keheliloto'ni keya kauba li tiligi soto noho fililata suhi lolo hu'ehina yabe.

Romu 7:11

Hena'mube? Foipana'niuba keya kamofihi nelepito nimi'i moloto komopa'nigu noho filigo mino'ohube.

Romu 7:4

Nalalu'nigitabe, lenali yana suhi hite nehabe. Lenali yatai Kilisito bomofihi gufa'a hepite nehana bona'magita keya kaloga fili'ahabe. Ya'mu keya kauba kaba hu meepololata nohibe. To ya'ma ai fili'ehinagati ho ti'ehina bo, Yesu, ai'a bona'a lolo hilete ai kumu Hu'mamofihi foya hetofa'a lilata hilabe.

Romu 7:6

To yatai keya ka nagaluguti Hu'mau gulu ho leto'ehina. Lali koyapa hapa'a keya kalugu koyo'ehinamofihi hapa'amu fili'ohuto yuhufa hapati li moloto nohune. Koyapa keya kamofihi foya'amo melise nohuta yuhufasi Sikalafu'i mege'i moloto foya'a nolune.

Romu 7:8

To keya kauba foipanamofihi hapa'a nelepi'ehigo ana foipanauba bona'i nasana'ani fato fato'i lilane luto nele'mo keheli keheli hibe. To keya ka meni'inogomo foipanauba amuya meminago legeso huto mino'ehina.

Romu 8:7

To bona'i enugufa'aniuba laga besise'nalo mege'i nemalanamagi nehago kehelise'na'aniuba kaba hu epalago enali Hu'mamofihi fateha'a nehana yabe. Henabe lutobe? Enali Hu'mau kaga lu molo'ehina'amofihi keheli he'mite pelesa i'ahana. Ya'ma Hu'mamofihi kaga'a amuya'anitu mekehelite to analo mege'i memelelata nehabe.

Galesia 2:19

To ya'ma keya ka lu laga huto lu'ehina kamofihi nagalugu mone memino'ohunaya keya kamu'i fili'ehina bo tegi huto lolo huto ana kamofihi nagalugu menominobe. Hu'mamofi kumu yabe luto minalube luto ho ti'ohunamo ni'ibe. Nani anamofihi foipana lilata nohuna'mu Kilisito hiti malipu yafalo fili'ehina moneka le'ehe'ahana lolo hu'ehinaya.

Galesia 3:10

To Moseu keya ka lu'ehina kagagu bi felelete ai mege mege nehana bona'i enali gumi'ani tinago salafa'a minalana'mu yabe. Hena'mube? Yamofihi mono bukugu ya'ma lite fayahi keye'ahanamo ni'ibe: Moseu keya ka lu'ehina kaga yege yege'na ni'inagi yamofihi mone nesi kegi'a mege'i memelese he'milana'a enali gumi'uba ho epalalibe.