Romu 7:7 - Ka Lamana'a Monoꞌi Lu Mu Tifiꞌehina Ka Yabe

⁷ Ya'mu lali hena ka lilune? Ya'ma keya ka sibina hu'ehifiye? O'e, ya mehu'ehibe. Keya kauba nani foipana'ni li huto hu neto'ehigo keheli'ohube. To keya ka mone'mofihi kaga lu'ehina: Kai bomofihi ana'ina'a ni'inogo bu goloto kubunaga'i mehobo lu'ehina. Ya melutita nani foipanamofihi hapa'a mekehelutita'mu yabe.

Romu 7:7 ပူးပေါင်းရင်းမြစ်များ

Matiu 5:28

Ya hu'ehina nani yatai ma luto lu nolepube. Bo moneuba a'i mone bu goloto bulu'i hoto ipa'a emito minalina, ai komopa'agu ya huto kehelilinauba, ai alobo huto minosemofihi keya ka'a li gofa hoto komopa'agu foipana nohibe.

Luku 12:15

Ya luto luloto asaga boanatoga ma luto lu epi'ehina: Lenali kaba hu bati hilo. Lenali kaba hu bati hite nehite mole'ale'namu'i muyana'nise lite melilo. Yaga fe'noha'a babu lito minana bouba ya fe'nohi malana'a huto komopa'a bebe mesalata nohibe luto Yesu lu'ehina yabe.

Luku 20:16

Ai buto enali enoho su holoto'a foyamo fato bona'mo epinogo kaba hilabe. Yesu ya luto lu epi'ehina kilihe'i yabe. Ya lu epigo boana'magi kehelilete ma li'ahana: Abo, ya'ma kaba bona'magi ya hilalafi? O'e, ya mehilabe.

Aposolo 20:33

To nani mone bomofihi siliba efahifi goli efahifi gukete'afi laga'ni nebesibe luto gili gili huto loka meho'ohuna.

Romu 13:9

To keya kaluguti ma luto lu'ehina: A'i gumina mefolobo. Bona'i ho mefilibo. Gumina melibo. Bona'mofihi fe'noha'a lilube luto kubu naga'i mehobo. Ya'ma keya ka asaga'i li nupa hu'ehina'amofihi hapa'a ma ni'ibe: Kai kugufaka kaba hulata nohata supo huto asaga bona'magihi kaba hu epoloto kiginaga fi epibo.

Romu 3:20

To bona'i moneuba keya kalo mege'i moloba moloba nohigo keya kauba ana bomo Hu'mamofihi bulo le'mo bati mehilina'mu yabe. Ya'ma keya kauba ana bomofihi foipana'a lepilube'mu nohigo kehelilibe.

Romu 3:5

Nani bomagi enekesa yigilata nehana suhi luto kaga nolube. Lali foipa faipa hapatiuba Hu'mamofihi bebe sana hapa'alo huto hilina lali henabe luto liluta ni'ibe? Hu'mau lali'i osahi noliminogo bati mehina suhi nohibe luto liluta ni'ifiye? Lali foipa faipa hapatiuba Hu'mamofihi bebe sana hapa'alo huto hilina lali henabe luto liluta ni'ibe? Hu'mamofihi hapa'auba lali foipanatilo nona'amofihi mina'a limilina ai ya bati huto menifihe?

Romu 4:1

To lali tatatifu Abalaha ai kumu hena ka lilune? Ai Hu'mamofitoga hena hu'ehina?

Romu 4:15

Ana keya ka ni'inogo bona'mofihi foipana'ani huto hilina'mu to Hu'mau hima muhi fi epalalibe. To keya ka meni'inogo bona'magi keya ka mege'i memelete pelesa ilatanamo meminalina'mu yabe.

Romu 5:20

Hu'mau bona'i foipana'ani ni'igo bu goloto enelepilube luto keya ka lu epi'ehina. Ya keya kauba huto hu'ehigo foipana'ani samahi tito hu'ehibe. To foipana'ani babu luto huto hu'ehigo Hu'mau enehe'mose'na sipi'a mone hiti li huto higo be ligi'ehina yabe.

Romu 6:15

Henati hilune? Lali keya kalo memino'ohuta Hu'mamofihi lehe'mose'nalo nohuto fa'mene foipa faipana liluta ni'ifihe? Ya huto meni'ibe.

Romu 7:11

Hena'mube? Foipana'niuba keya kamofihi nelepito nimi'i moloto komopa'nigu noho filigo mino'ohube.

Romu 7:13

To ana hetofa kagauba nani'i noho fili kapogu nele'mo molo'ehifiye? O'e, ya mehu'ehibe. Foipana'niuba ya'ma hetofa keya ka li tiligi soto filise kapogu nele'mo molo'ehibe. Ya huto hetofa keya kauba foipanamofihi hapa'a nelepilibe luto ana hapa'a le'mo huto hu'ehibe. Ya'mu keya kauba foipana le'mo hofa tago nani ya'ma foipana mone hiti be ligi'ehinana sipi'a huto hilibe.

Romu 7:5

To lali yata'a komopatimofihi hapa'a mege'i moloto mino'ohutaya keya kauba komopatigu foipa faipana li huto higo lugufatiuba ana suhi mege'i moloto filisemofihi nagalugu mino'ohuta yabe.

Romu 7:8

To keya kauba foipanamofihi hapa'a nelepi'ehigo ana foipanauba bona'i nasana'ani fato fato'i lilane luto nele'mo keheli keheli hibe. To keya ka meni'inogomo foipanauba amuya meminago legeso huto mino'ehina.

1 Koliti 15:56

Foipa nasanauba ya'ma fililata nasanamofihi ufehe neka'a lolo hu'ehibe. To keya ka li'ahana kaga'mu yabe luto foipa nasanauba lelepito amuya hiti lolo hu'ehinaya Hu'mau ai Sipi Boti Yesu Kilisitohi lu emilago foipa nasana be ligilata nohina amuya limilata nohinagi, ya'mu fokehi nolune.

Efeso 5:3

To lenali'i moko huse'na to ai'i gumina folose'na to ananamo'mu yokolo ka luse'na to fato bomofihi nasana'a liba liba hilube luto lenipa huse'na lenali folagahatinigu huto mehino. To ananamo'mu kaga lumofa'na mehilo.

Kolose 3:5

Lenali ma melugu bona'magihi hapa'ani li he'milo. Moko lise'na yagi, ana'i gumina folose'na yagi, kolotananamofihi hapa'a yagi, lenipagu keheli sibina huse'na yagi, to foipanamofihi hapa'a asaga'i komopatiniguti li he'milo. To ma me'mofihi nasana asaga'i laga lepesise'na yana'mu lu laga hite he'milo. Ya'ma melugu nasana laga lepesise'namoya lugefa suhi huto ni'ina melugu bona'magi Hu'mamofihi le'mo laba hilata nehana ana'ina melugu nasana'a liyafa hite kanihi filata nehana. Lenali ya'ma hapa'aya mege'i memalalo.

1 Tesalonika 4:5

Moko lise lenegekesa kehelise bo alobo topa helatana yamofihi meni'ibe. Fegutoga bona'magi enali Hu'mamofihi hapa'a mekehelilata nehite ya'ma foipa suhi hilata nehago lenali ya suhi hi lalabe lutomo ni'ibe.

Hibulu 7:19

Moseu keya ka lu'ehina kauba buto li hetofa hinogo minaluta nasana li huto holito mebu'ehina. To yanamofihi be liginogo fifa ilatana kosabaluguti manuhi epilatanamofihi lamana'a li huto hu'ehina yauba manuhi limigo Hu'mamofihi okaba'aga lebato bulata nohune.