Romu 7:14 - Ka Lamana'a Monoꞌi Lu Mu Tifiꞌehina Ka Yabe

¹⁴ To ya'ma keya ka Hu'mamofihi nasana ni'ibe. Ya'ma lali keheli'ohune. Ana kaga bati huto ni'igo nani mege'i malalube'mu nohube luto aku'i foipanamofihi koko pana'a nohuto'ni ana keya kamofihi kapolo menomolobe.

Romu 7:14 ပူးပေါင်းရင်းမြစ်များ

Matiu 16:23

To Yesu i behe huto Pitahi bu goloto ma luto lu emi'ehina: Sata, kai nanitogati bufa hubo. Kai kapo biluna'a hekini lo netalube'mu nohapihe? Kai kaga nolataya ma melugu bona'magihi kaga nolane, to ai Hu'mamofitogati meo'ehibe.

Matiu 18:25

Ya hago ana bo ai tina'alo he'milina efaha'a memino'ehina yabe. Ya higo ana bo hiti fe'noha'a hiti liha'a yagapana'a hiti fato bonatoga noepito efahi lilube lu'ehina. Ya hinogo tina hu'ehina efaha'ni he'mi'ehina okane'a baga ilibe.

Matiu 5:22

Ya hu'ehina yatai aku nani lu nolepube. Bo moneuba gona'a ipakafa halina ai ka foya lilina'mu yabe. To bo moneuba gona'amofihi kaiya fa'mene bati mehina bo nohane luto ka emekilina kanisole bolo ho tito ka foya lilina'mu yabe. To bo moneuba gona'amofihi negi nagi noto bati mehu'ahata bo nohane luto ka emekilina aiya loba loba logo kapogu bilina'mu yabe luto Yesu lu epi'ehina yabe.

Matiu 5:28

Ya hu'ehina nani yatai ma luto lu nolepube. Bo moneuba a'i mone bu goloto bulu'i hoto ipa'a emito minalina, ai komopa'agu ya huto kehelilinauba, ai alobo huto minosemofihi keya ka'a li gofa hoto komopa'agu foipana nohibe.

Luku 5:8

To Simoni Pitau huto hinana bu goloto lapusa nohi Yesuhi bulo melugu minoto lapusa filoto lu'ehina. Sipi Bo, he'mi netoto abufa hubo. Nani bo foipa'a nohube, luto lu'ehibe.

Luku 7:6

Ya lago Yesu ka'ani keheli epito ana bona'i hiti moneka bi'ahana. To ana bomofihi nohi kasitoga lebatosi nebago lalu'agihi enoho lifigo bite Yesuhi le'mo melete ma lite lu emi'ahana: Sipi Bo kai kosele kahalibe. To nani bati bo menohunagi noha'nigu kai metilane luto nokehelube.

Romu 3:9

Ya'mu henana ni'ibe? Lali Yuta bona'magita fegutoga bona'i enebe ligi'ohupi? O'e, ya huto meni'ibe. Foipanauba lali asaga Yuta bona'i hiti fegutoga bona'i hiti ifito leto'ehigo lali moneko suhi huto nohune.

Romu 6:6

Koyapa'i hapati Kilisito hiti malipu yafalo fili'ehina ya'ma lali akeheli'ohune. Hena'mugope foipanauba lugufagu foya nolinamofihi amuya'a su ho letalibe. Ya hulenogo lali foipanamofihi kele kele yagapana'a aku'i meminaluta'mu yabe.

Romu 7:18

To komopa'nigu to fegutoga nugufagu hiti hetofa hapa'a menominabe luto keheli fe nolube. To hetofana suhi hilunamofihi komopa'nigu ya ni'igo yana suhi hilube'mu nohube luto'ni amuya'ni bati mehu'ehigo hetofana mehulata nohube.

Galesia 4:3

Ana suhi ya huto lali koyapa'i Hu'mamofihi kagu olopa bona'magi suhi huto meminose melugu bona'magi lu laga hi'ahana ka mege'i mololata hu'ohuta yabe.

Efeso 3:8

To nani mono bona'i limite nehanaguti nani'i limito mino'ohunamofita nohunaya Hu'mau mehi nimise'na nanitoga huto higo Kilisitotoga keheli emilata bona'magihi enele'mo mino bati bati huse hapa'a leka soto soto su meholatanamofihi ka lamana'a ya'ma fegutoga bona'i lu huto huto lu epilane luto yamofihi foya kaga'a lu neto'ehinamo ni'ibe.

Hibulu 4:12

To Hu'mamofihi ka'a ya'ma amuya moloto mino kosaba'na huto minalina'mu yabe. To emita'i mone baga'a megesa'aga to okaba'aga heta pita huto ya'ma be ligito ni'ibe. Anatu laga humo limito lemehi komopati to felisati apilifati hiti i loko hulata nohibe. Ya huloto komopatitu kehelilatana to keheli laga hulatana yanamofihi hapa'a li huto hulata nohibe.