Romu 7:13 - Ka Lamana'a Monoꞌi Lu Mu Tifiꞌehina Ka Yabe

¹³ To ana hetofa kagauba nani'i noho fili kapogu nele'mo molo'ehifiye? O'e, ya mehu'ehibe. Foipana'niuba ya'ma hetofa keya ka li tiligi soto filise kapogu nele'mo molo'ehibe. Ya huto hetofa keya kauba foipanamofihi hapa'a nelepilibe luto ana hapa'a le'mo huto hu'ehibe. Ya'mu keya kauba foipana le'mo hofa tago nani ya'ma foipana mone hiti be ligi'ehinana sipi'a huto hilibe.

Romu 7:13 ပူးပေါင်းရင်းမြစ်များ

Matiu 28:8

Ya noligo ana a'male'i sipi koli hite aku etegepohi nelite muli'moguti he'mite hololu lite bite koko pana'aloga agelomofihi nona'a lu epilube'mu bi'aha'ibe.

Luku 20:16

Ai buto enali enoho su holoto'a foyamo fato bona'mo epinogo kaba hilabe. Yesu ya luto lu epi'ehina kilihe'i yabe. Ya lu epigo boana'magi kehelilete ma li'ahana: Abo, ya'ma kaba bona'magi ya hilalafi? O'e, ya mehilabe.

Romu 5:20

Hu'mau bona'i foipana'ani ni'igo bu goloto enelepilube luto keya ka lu epi'ehina. Ya keya kauba huto hu'ehigo foipana'ani samahi tito hu'ehibe. To foipana'ani babu luto huto hu'ehigo Hu'mau enehe'mose'na sipi'a mone hiti li huto higo be ligi'ehina yabe.

Romu 8:3

Bona'magihi komopa'ani amuya memolo'ehinagi keya kauba lehe'mo'ehina bati mehu'ehibe. Hu'mau aigo lehe'mo'ehina. Yata'a ai bona'i foipa hapa'animu ka epekito enifisa i'ehina. Ya huto ai'a pana'a melugu ho lifigo bona'i enugufa amuya memolo'ehina suhi lolo huto minoto lali foipanatimofihi nona'a li pa salibe luto fili'ehina yabe.

Galesia 3:21

To Moseu keya ka lu'ehina kauba ya'ma Hu'mau lu limito molo'ehina ka'a be ligilifihe? Ya huto meni'ibe. Keya kauba lali le'mo amuya moloto minolata nohuta nasana ni'itita yamofihi lama'naka luto keya ka lu'ehina kauba foipanati li he'mi letenogo Hu'mamofihi bulo lamana bona'i nehabe luto ligo minaluta kapoti huto hitine.