Romu 6:7 - Ka Lamana'a Monoꞌi Lu Mu Tifiꞌehina Ka Yabe

⁷ Bo mone fililenogo foipa hapa'amofihi amuya molo'ehina ya'ma asu halina'mu yabe.

Romu 6:7 ပူးပေါင်းရင်းမြစ်များ

Matiu 11:19

To yatai Kokulumaguti limi'ehina Bouba oloto nose'na noto nagami'i noto nohigo to lenali ma lite neli etabe: Bu galo. Ai nose'na lau'i iba iba bo yabe nelabe. To bai nagami'i ana huto babu luto noba noba bo yabe lite nelabe. To ai takisi nelina bo to foipa bona'magihi enalalu'anifu yabe lite lilata nehabe. To ya'mananalo bu golototi Hu'mamofihi keheli bati huse'na'a ma'naka ni'ibe luto liluta'mu yabe.

Romu 6:2

O'e, ya huto meni'ibe. Lali foipana'mu fililata suhi huto foipana lisemofihi ahe'mi su ho'ohune. Henabe luto aku foipana liba liba huto minalune?

Romu 6:8

Lali Kilisito hiti fili'ohuta keheli'ohune. To lali ana huto ho tito ai hiti minaluta keheli ule'ale hulata nohune.

Romu 7:2

Mone ka nesi'a ni'igi. A'i moneuba baha'a mefilise nohigo aitoga minalibe luto keya kalugu fayahi ge'ahana. To baha'a fililenogomo ya'ma keya ka alobole minala'ibe lu'ehina ka ya'ma a'i kumu su hoto fa'mene nohibe.

Romu 7:4

Nalalu'nigitabe, lenali yana suhi hite nehabe. Lenali yatai Kilisito bomofihi gufa'a hepite nehana bona'magita keya kaloga fili'ahabe. Ya'mu keya kauba kaba hu meepololata nohibe. To ya'ma ai fili'ehinagati ho ti'ehina bo, Yesu, ai'a bona'a lolo hilete ai kumu Hu'mamofihi foya hetofa'a lilata hilabe.

Romu 8:1

Yatai bona'magi Yesu Kilisitotoga hiti hepite minago moneko'na nehana yanamofihi Hu'mau enifisa meilina to osahi meepilibe.

1 Pita 4:1

Kilisito ai gufa'amo keke'i luse'namofihi gupisalo ti'ehina ni'inagi lenali ana suhi lolo hite lusa lite amuya lilo. Ya nehite ya'ma kehelilo. Moneubafi moneubafi ai gufa'amo keke'i luse'namofihi gupisalo tinogo nohilinauba foipa nasana li lalibe luto ekesa moloto minalibe luto lilune.