Romu 6:3 - Ka Lamana'a Monoꞌi Lu Mu Tifiꞌehina Ka Yabe

³ Menokehelipi? Lali nagami'i folo'ohuto Yesu Kilisito hiti lali moneko babeyafa hu'ohune. Yesu ai'a fili'ehinamu'i lali hiti moneko babeyafa suhi huto hu'ohuta yabe.

Romu 6:3 ပူးပေါင်းရင်းမြစ်များ

Matiu 28:19

Yamu'i lenali asaga melugu bonatoga bite nani naga'ni enele'mo lolo hilo. To ana bona'magihi afo'nifihi gi'alo hiti pana'amofihi gi'alo hiti to Sikalafu'mofihi enigilo li melete nagami'i folo epalalo.

Aposolo 19:5

Polu ya luto lu epigo enali ana kaga kehelilete Sipi Bo Yesuhi gi'alo nagami'i fele'ahana.

Aposolo 2:38

Pitau ka'anilo ma luto lu epi'ehina: Lenali mone'isi mone'isi komopatini i gelehe hilete Yesuhi gilo nagami'i falalana lenali foipanatini li he'minogo Hu'mamofitogati amuyana Sikalafu'a lepilibe.

Aposolo 8:16

Enali Yesuhi gi'aloko nagami'i fele he'migo Sikalafu'uba enalitoga melimi'ehina'mu lite yabe.

Romu 6:16

Lenali mekeheli'ahafihe? Bo mone'mofihi lenali lenugufatini emilete baga liyafa hilana lenali koko pana'a lolo hite minalabe. Lenali foipanamofihi koko pana'a minelete ananalo filisemofihi lilana'a huto ni'ibe. To lenali ya mehitemo ka lamana'a mege'i molosemofihi koko pana'a minelete yanaloti mino bebe sosemofihi hapa'a lilana to Hu'mamofihi gobisalo minalabe.

Romu 6:8

Lali Kilisito hiti fili'ohuta keheli'ohune. To lali ana huto ho tito ai hiti minaluta keheli ule'ale hulata nohune.

Romu 7:1

Nalalu'nigitabe, lenali Yuta bona'magi asaga keya kamu'i keheli keheli bati hi'ahana. Bona'i mone mefilise nomina kanagu keya kauba hu eto'ehina keheli'ahabe.

1 Koliti 10:2

Ya nehite Mosehi mege'i malalabe luto sopohuba to hege nagami'uba asaga'i mono nagami'i lolo higo fele'ahana.

1 Koliti 12:13

Sikalafu'i moneko'uba lalitoga limiloto mono kagu lele'mo nupa higo lugufamofihi suhi huto moneko'i lolo huto nohune. Sikalafu'i moneko'uba lali'i asaga'i mono'i folo leto'ehina lugufamofihi suhi huto moneko lolo huto minalune luto lele'mo nupa hu'ehibe. Ya higo lali Yuta bona'i to Giliki bona'i, kele kele bona'i to fa'mene nohuta bona'i lali moneko Hu'mamofihi Sikalafu'i lito komopatigu molo su holoto moneko'i lolo nohune.

1 Koliti 15:29

Lenalitogati luga'amagi fili'ahana bona kumu yabe lite mono nagami'i felelata nehabe. Fili'ohutaguti ho tiluta'a meni'itita ya'ma henabe lite nefalabe? Lenali fili'ahana bona'i luga'amu lenegekesa kehelite nagami'i folo epolo'ahana, keliguti ho tilata'a meni'itita henabe lite ya hi epelelata habe?

1 Koliti 3:16

Lenali ya'ma Hu'mamofihi sipi mono noha'a nehabe to Hu'mamofihi Sikalafu'uba komopatinigu minoto nohina yamofihi mekeheli'ahafihe? Ya'ma lenali akeheli'ahana.

1 Koliti 5:6

Ana'ina keta'a hiti lite minete lenugufa limo titi nehana yamofihi keheli sibina hulata nohube. Lenali beleti nose'na lolo nehana hapa'a nekehelifiye? Beleti nose'nagu mone yisiti kitili ketele'nauba i tili huto bula ola huto yeye bilina'mu yabe. Ya'ma mokolo bomofihi hapa'a yisiti tegi huto lenali folagahatinigu bula ola huto bati mehibe.

1 Koliti 6:19

Lenali ya'ma lite mekeheli'ahafihe? Lenugufatini ya'ma Sikalafu'mofihi sipi mono nohi ni'ibe. Hu'mau lenali lenugafamofihi komopa'agu minoto lito hilibe luto molo lepolo'ehina yabe. Lenali ana lenugufamofihi afo'agita menehabe.

1 Koliti 6:9

Ana'ina foipana lilata nehana bona'magi Hu'mamofihi ai kapo'agu henetilana'a meni'ibe. Yamofihi mone keheli'ahafihe? Lenali komopatinigu keheli sibina mehilo. Moko takolo bona'i to nalisa lugefa bona'i to ibe sili abe sili bo to bo luga'a bomagihi enugufa li sibina nehite ana'magi suhi hite minese bo

1 Koliti 9:13

Sipi mono nonugu foya nelina'amagi enali mono nonugutiko ite neana nose'na luga'a nelata nehabe. To logo'nogo hite kuguhi koyo emilata nehana bona'i logo'nogo hite nose'na laita hite nelata nehabe. Ya nehana'a ya'ma lenali menekehelibe.

1 Koliti 9:24

Lenali ma lite menekehelifiye? Yokolo'na lolata hepato ya'ma yagapana'magi enali yege yege'i hololu lilata nehana nasana ya'ma moneko'uba kohe toto hololu luba luba huto henetito mina'a lilata nohibe. Lenali ana hite Hu'mamofitoga bite sekele mamuti lilune lite hololu lilo.

2 Koliti 13:5

Lenali ya'ma lama'na ka mono kagu nehafi menehafi komopatinimofihi fi taga hi etete bu geletetini yamofihi hapa'a lu huto hilo. To Yesu Kilisitohi ya'ma komopatinigu le'mo malago nominanamofihi hapa'a akeheli'ahafi ya? To komopatinigu menominogomo lenali ka'a keheli fetaga hi'ahafi, kehelilo.

Galesia 3:27

Mono nagami'i felelete Kilisitotoga molo emi'ahana silaga'i Kilisitohi legegeto suhi molo emite hepi'ahana.

Yemesi 4:4

Ka mekeheli'ahana bona'ise. Melugu bona'magi kumu kehelilata nehana ya suhi hite laga lepesilina nasana'mu kehelilana ya'ma Hu'mamofihi fateha'a lolo hilabe lite lenali menekehelifiye? Mono'ani meni'ina bona'magi kehelilata nehana nasana'muko lepesilina ya'ma Hu'mamofihi bona'a meminalana'mu yabe.

1 Pita 3:21

Ya suhi hago luga'a ya'ma mono nagamilugu lenele'mo bati hulata bo nohibe. Mono nagami'uba mega lugufa'a kolo tanana nokala hilina meni'ibe. Lali mono nagami'i nofoloto komopati Hu'mamofitoga nomoloto ai komopatigu nokala hinogo gulu gulu lilibe luto nagami'i fololata nohune. To ya huto lubuto bilibe luto Yesu Kilisitou fili'ehinaguti aku'i ho ti'ehina yabe.