Romu 6:2 - Ka Lamana'a Monoꞌi Lu Mu Tifiꞌehina Ka Yabe

² O'e, ya huto meni'ibe. Lali foipana'mu fililata suhi huto foipana lisemofihi ahe'mi su ho'ohune. Henabe luto aku foipana liba liba huto minalune?

Romu 6:2 ပူးပေါင်းရင်းမြစ်များ

Luku 20:16

Ai buto enali enoho su holoto'a foyamo fato bona'mo epinogo kaba hilabe. Yesu ya luto lu epi'ehina kilihe'i yabe. Ya lu epigo boana'magi kehelilete ma li'ahana: Abo, ya'ma kaba bona'magi ya hilalafi? O'e, ya mehilabe.

Romu 5:11

To ya'ma anasigo meni'ibe. Yesu lali hiti Hu'ma hiti lele'mo hepito lalu'agita lolo hu'ehigo ya'mu luto lali sipi legelo nobune.

Romu 6:15

Henati hilune? Lali keya kalo memino'ohuta Hu'mamofihi lehe'mose'nalo nohuto fa'mene foipa faipana liluta ni'ifihe? Ya huto meni'ibe.

Romu 7:4

Nalalu'nigitabe, lenali yana suhi hite nehabe. Lenali yatai Kilisito bomofihi gufa'a hepite nehana bona'magita keya kaloga fili'ahabe. Ya'mu keya kauba kaba hu meepololata nohibe. To ya'ma ai fili'ehinagati ho ti'ehina bo, Yesu, ai'a bona'a lolo hilete ai kumu Hu'mamofihi foya hetofa'a lilata hilabe.

Romu 7:6

To yatai keya ka nagaluguti Hu'mau gulu ho leto'ehina. Lali koyapa hapa'a keya kalugu koyo'ehinamofihi hapa'amu fili'ohuto yuhufa hapati li moloto nohune. Koyapa keya kamofihi foya'amo melise nohuta yuhufasi Sikalafu'i mege'i moloto foya'a nolune.

Galesia 2:19

To ya'ma keya ka lu laga huto lu'ehina kamofihi nagalugu mone memino'ohunaya keya kamu'i fili'ehina bo tegi huto lolo huto ana kamofihi nagalugu menominobe. Hu'mamofi kumu yabe luto minalube luto ho ti'ohunamo ni'ibe. Nani anamofihi foipana lilata nohuna'mu Kilisito hiti malipu yafalo fili'ehina moneka le'ehe'ahana lolo hu'ehinaya.

Galesia 6:14

Nani ya'ma ana'ina'nimufi yana'mu melube. Sipi Boti Yesu Kilisitohi malipu yafalo fili'ehinamofihi ya'ma ka'a moneko kumu liyafa huto lu emilata nohube. Yana'mu yabe luto melugu nasana fulupa ito kisililatana'mu kehelinogo metilibe. To ana huto melugu nasana'mu kehelito mege'i molo'ohunamofihi bu nogogo nele'mo kefefe mehilina'mu yabe.

Kolose 2:20

To lenalimoya ma melugu bona'magihi hapa'aniguti ali gulufe su he'ahana. Kilisitou hiti ana hapamu'i afili'ahana yabe. Ya hi'ahanaya lenali ya'ma melugu bona'magi hapa'ani henabe lite aku'i mege'i nemalabe?

Kolose 3:3

Lenali fili'ahana bona tegi hite nehite ma melugu ni'ina nasana'a he'mitetini Kilisito hiti Hu'mamofitoga lenemehatini mele'ahana yabe.

1 Pita 1:14

Hu'mamofihi keheli emite minalo. Lenali koyapa'i nehite negi nete nehago lenugufa li sibina hise kapolo melete bi'ahana. Yatai ya'ma kanagu ya suhi hite meminalo.

1 Pita 2:24

Lali foipanati yauba ai gupisalo tigo ai'a he'mu kito malipu yafalo fili'ehinamo ni'ibe. Lali foipana lilutana'mu filise bona'i suhi huto mopo mehuse'na minoto bati bati huto minolatanamofihi minete lite hilabe luto fili'ehinamo ni'ibe. To ai fuhe'a li'ehinaloti'i komopatini le'mo kosaba hu'ehinamo ni'ibe.

1 Yoni 3:9

Luga'amagi enali Hu'mamofitogati huto hi'ahana bona'magi Hu'mamofihi meha'a lite mine'ahanamo ni'inaya, enali foipana lilete meminalana'mu yabe. Hena'mube? Enali Hu'mamofitogati lusi bona'a ahuto hi'ahanagihe.