Romu 6:14 - Ka Lamana'a Monoꞌi Lu Mu Tifiꞌehina Ka Yabe

¹⁴ Lenali akeheli'ahabe. Foipanauba lenali kaba botini aku meminalibe. Hena'mugope yatai lenali keya kamofihi mege'i melete menehabe. Lenali Hu'mamofihi lenehe'mose'nauba yatai kaba hu lepalago nehabe.

Romu 6:14 ပူးပေါင်းရင်းမြစ်များ

Matiu 1:21

Ai pana'i ketolenogo kai gi'a Yesu yabe luto hobo. Hena'mugope ai boana'amagihi foipana'ani li he'mi epoloto hetofa kapogu enele'mo malalina'mu yabe luto Sikalafu'uba Yosefehi lu emi'ehina yabe.

Yoni 1:14

Kagauba ai bo huto huloto lali folagahatigu mino'ehina. Lali ai fana meha'a abu go'ohune. Ai ya'ma moneko pana'mofihi fana meha'a afotifu ho lifigo o'ehina aitoga fuluna'a hiti ka lamana'a hiti bai toto mino'ehibe. Ai fana meha'aya pana'a yege'a aigo afo'afitogati li'ehina.

Yoni 1:17

Hena'mugope Hu'mau keya ka Mosehi bagalo molo'ehina. Ya hu'ehinaya lehe'mose'na hiti to ka lamana'a hiti Yesu Kilisitotogati noabe.

Yoni 8:36

Ya hu'ehina pana'uba lenubuto binogomo ma'naka luto lenubuto bi'ehina bona'i nehabe.

Romu 11:6

Enali hetofa suhi lite mine'ahana bona'i nehago enele'mo'ehifiye? O'e, ai'a ginaga fi epolo'ehinalo enele'mo'ehibe. To hena'mube? Ai enali hetofa suhi lite mine'ahanalo enele'matita enali Hu'mau lusiga luto ginaga fi lepolo'ehifi ya mehu'ehifi lite mekehelitine.

Romu 4:16

To Hu'mau lu molo'ehina ka hapa'a henana ni'ibe? Lali aitoga keheli ule'ale huse'na ya ni'ibe. To hena'mube? Ana kagamo fa'mene limi'ehina suhi huto Abalahahi yagapana'a asaga'magihi hiti ana kaga molo epolo'ehina. Lali Yuta bona'i keya ka mege'i nomalaluta bonatoga hiti to Abalaha suhi luto Hu'mamofihi agoya hu emise bonatoga hiti ya'ma kaga molo leto'ehina yabe. Abalahau ai lali asaga bona'magita afotifu nohinagihe. Hena'mube? Ai Hu'mamofihi keheli ule'ale hu'ehina yamofihi lelepi'ehibe.

Romu 5:17

To moneko bo Atau foipana li huto hu'ehigo filise'nauba asaga bona'magihi kaba bo'ani lolo huto naga'i epi'ehina. To bo moneuba Yesu Kilisitou hu leto'ehinanauba filise'namofihi be ligi'ehinagihe. Asaga bona'magi Hu'mamofihi enehe'mose'na hiti to ai'a fa'mene enele'mo bati huse'na hiti komopa'anigu lilana bona'magi mineba mineba hilana Kilisitohi kapogu kaba bona'i lolo hilabe.

Romu 5:18

To bo monekomofihi foipana'auba asaga boana'i enifisa ito ka foyagu enele'mo molo'ehinagihe. To ana huto bo monekomofihi ya'ma Kilisito bebe sose suhi hu'ehinanauba asaga bona'i filise'namofihi nagaluguti gulu ho epoloto mino kosaba huse'na fa'mene epilata nohinagihe.

Romu 6:12

Ya hinogo foipana liseuba lenali lenugufatinimofihi kaba hu meepalalina ya'mana lenugufagu laga lepesilata nohinamofihi mege'i memalalo.

Romu 6:15

Henati hilune? Lali keya kalo memino'ohuta Hu'mamofihi lehe'mose'nalo nohuto fa'mene foipa faipana liluta ni'ifihe? Ya huto meni'ibe.

Romu 8:12

Nalalu'nigitabe, tafa hapatini foipa hapatiniuba kefefe hu nolepelenogo yamofihi mekehelise foipanamofihi mege'i memalalo.

Romu 8:2

Henabe lutobe? Sikalafu'mofihi kagauba lali'i Yesu Kilisitotoga lele'mo hepiloto foipana nagaluguti hiti to filise'na kapoluguti ahe'mi leto'ehigo mino kosaba husemofihi lilata nohune.

Galesia 3:23

Yuta bona'i lali koyapa'i ya'ma lali Yesu Kilisitotoga keheli ule'ale huto agoya hu emise kapo huto mehigo keya ka lu'ehina kauba naga'i limigo nagalugu mino lito buto nobutogo keheli ule'ale huse'namofihi kauba huto hu lamana hu'ehina.

Galesia 4:21

Moseu keya ka lu'ehinamofihi agoya hu etalune lite lilata nehanamagita, lenoloka nohenogo lu nimilabe. Lenali keya ka lu'ehinamofihi fayaha'a nasana leka sete keheli fotogo mehafihe?

Galesia 5:18

Sikalafu'uba lenele'mo lolo hu'ehigo Moseu keya ka lu'ehinauba ya'ma kibina botini lolo mehilina'mu yabe.

Taitasi 2:14

Ai ya'ma lali kumu yabe luto keke'i lu letoto foipana lito mino'ohuta yanaguti li he'mi letalibe luto minoto lito gulu gulu nehana bona'i lolo hilune luto ai'a yagapana'ago lele'mo eto hulenogo minoto hetofa hatofa nasanaloga mege'i amuya moloto minalune, luto keke'i lu letoto gufa'a he'mito fili'ehina yabe.

Hibulu 8:10

Koyapa kana'a bulago alihi Isilaeli bona'i enali hiti ma luto ka'a lu mu tifilube'mu nohube luto Sipi Bouba lu'ehibe. To nani lu laga huse kaga'ni enegekesagu melenogo'ni minalina'mu yabe. Ya huloto komopa'anigu fayahi koyo melenogo minalibe. To nani Hu'ma'anifita lolo huto minalugi enali yagapana'ni lolo hite minalanagihe.