Romu 6:13 - Ka Lamana'a Monoꞌi Lu Mu Tifiꞌehina Ka Yabe

¹³ To lenali lenugufatini mone kegi'a foipana lili'nalo memalalo. Ma'naka, lenali asaga komopatini hiti lenekesa yigise'na Hu'mamofitogago molo emilenogo foipanamofihi fili'ahanagati ho ti kosaba hite minalana suhi huto yabe. Asaga lenugufatini komopatini Hu'mamofitogago eminogo ai lili'na'a hetofanamofihi li huto hilibe.

Romu 6:13 ပူးပေါင်းရင်းမြစ်များ

Luku 15:24

Ya'ma pana'nimo fili'ehina legita minoto aku'i nohibe. To fenene huto minoto yatai aku'i huto hu'ehibe. Ya ligo enali hapi fite nose'na nenete enegelo nebite mine'ahana yabe.

Luku 15:32

To ya'ma kogonaka fili'ehina legita minoto yatai nohibe. To fenene huto minoto yatai huto hu'ehibe. Ya hu'ehinana'mu lali bati huto yege fito lofokehi nolune, luto lu'ehina. Yesu ya lu epi'ehina kilihe'i yabe.

Yoni 5:24

Nani ma'naka lu nolepube, kene'i moneuba nani ka'ni kehelito li pili koto'a to noho lifi'ehina bomofitoga komopa'a malalina yanauba mino bati huto minoba minoba huse'na ya'ma li'ehibe. To ai ka foya melilina filise'namofihi be ligito aku'i mino kosaba huse'i ali su hoto nominabe.

Romu 1:29

Enali komopa'anigu li sibinana foipana fato fato'i babu lite bai tete minabe. Enali fe'noha'ani li moloba moloba nehite lalitisigo ni'inaga lite musufalo bomofihi meemise'na to kenasabo bise'na to bomofihi yogo fe'noha'a bu gelete lilube lise'na to enoho filise'na to luba hise'na to faga faga luse'na to enipakafa hoto enemegeka luse'na to bona'i mone kumu musi musi ka lilete faga luse'na nehana yabe.

Romu 12:1

Nalalu'nigitabe. Hu'mau sipi ginaga fi limi'ehina'mu nani lenoloka hoto buka tilube. Lenali lenugufatini Hu'mamofitoga molo emilo luto, hetofa kuguhi legi huto mino kosaba'natini emite li molo etalo. Lenugufatini ya emilenogo Hu'mau ai lenali kumu fokehi lilibe. Ya hu'ehina'mu lenali Hu'mamofitoga agoya hu emite to gi'amo liyafa hilata nehana yamofihi lusiga mono ka ni'ibe.

Romu 6:11

Ya'mana suhi lite lenalitini afili'ohune lite lilanauba foipanamofihi kele kele hu meminalana'mu yabe. Lenali Yesu Kilisito hiti hepite minete Hu'mamofihi mino kosaba huse'na limi'ehinalo minaluna'mu yabe.

Romu 6:16

Lenali mekeheli'ahafihe? Bo mone'mofihi lenali lenugufatini emilete baga liyafa hilana lenali koko pana'a lolo hite minalabe. Lenali foipanamofihi koko pana'a minelete ananalo filisemofihi lilana'a huto ni'ibe. To lenali ya mehitemo ka lamana'a mege'i molosemofihi koko pana'a minelete yanaloti mino bebe sosemofihi hapa'a lilana to Hu'mamofihi gobisalo minalabe.

Romu 6:19

Lenali komopatini lapa mebi'ehigo keheli bati mehi'ahanamo ni'inagi nani lu hokolo huto huto kaga lu lepi'ohuna. Koyapa'i lenali kolo tana hapatinimofihi lenugufatiniuba koko pana'a lolo hulago keya ka pelesa ite foipana babu lite li'ahana. Ana suhi lite lenali yatai lenugufa luga'atu hetofa lili'na lisemofihi eminogo koko pana'a lolo hite minenogo aliha'a lamana bona'i huto hilabe. p

Romu 7:23

To komopa'nigu ya nohugo nugufa'niuba fato hapa'a lolo huba huba nohibe. Ana hapa'auba hetofa negekesa'ni keheli'ohunamofihi luba nohibe. Keya kamu'i hetofana ni'ibe luto negekesa akeheli'ohuna yamofihi fato hapa'auba laba hu eto'ehina. Ya nohugo nugufa'nilo foipanauba le'mo sibina huto nugufa'nimofihi naga'i emilata nohibe.

Romu 7:5

To lali yata'a komopatimofihi hapa'a mege'i moloto mino'ohutaya keya kauba komopatigu foipa faipana li huto higo lugufatiuba ana suhi mege'i moloto filisemofihi nagalugu mino'ohuta yabe.

1 Koliti 6:15

Mega lenugufauba Kilisitohi gufa'amofihi nekisa'a ni'ina yamofihi menekehelifihe? To Kilisitohi gufa'amofihi nekisa'a mone kapolo a'i hiti le'mo moneko'na hilupihe? Ai ya huto meni'ibe.

1 Koliti 6:20

Hu'mau lenali mina'a fi lepolo'ehinamo ni'igo lenali lenugufamofihi ai'asigo ni'ibe. Ya hu'ehina'mu lenugufauba Hu'mamofihi gi'a fi hele hu eteno.

1 Koliti 6:9

Ana'ina foipana lilata nehana bona'magi Hu'mamofihi ai kapo'agu henetilana'a meni'ibe. Yamofihi mone keheli'ahafihe? Lenali komopatinigu keheli sibina mehilo. Moko takolo bona'i to nalisa lugefa bona'i to ibe sili abe sili bo to bo luga'a bomagihi enugufa li sibina nehite ana'magi suhi hite minese bo

2 Koliti 10:4

Mono kamofihi luba'agu foya lilata nohutamofihi metogati gimi mage'i huto nohuto meni'ibe. Ya'ma Hu'mamofihi amuya'a hiti nohuto yanatu fatehe bona'magihi fa'mene kaga'animofihi bihu gegisa'a tele bilata nohune. To enali amuya moloto li pigi binogo ni'igo,

2 Koliti 5:14

Ya hu'ehina'mu Kilisitou ai meha'a limilata nohinauba lele'mo hetofa higo lalitigo lugufati lelito tiluta'a meni'ibe. Lali ya'ma luto keheli emilata nohune. Ai bo moneuba lali bona'i asaga kumu yabe luto fili'ehinamo ni'inagihe. To lali asaga'i ana suhi huto tafa hapatimo'mu fili'ohuta'a ya'ma keheli'ohune.

2 Koliti 5:15

To bona'i asaga kumu yabe luto fili'ehinamofihi ya hu'ehina'mu lubu hiti nohuto yamofihi lalitisigo minoto lito mehuse ai kumu luto minoto lito hilune.

2 Koliti 8:5

Ya nehite ana'ina nesi'a lolo hilune'mu nelafihe, luto nokehelugo ya hi'ahana yabe. Yata'a ya'ma Sipi Bomofitoga komopa'ani keheli emilete Hu'mau lilina malalina'a hilune lite lilete lalitoga hiti komopa'ani limilete mine'ahana.

Efeso 2:5

Ya nohuto lali foipanatimomu'i lemehati filito bigo nohutogo Kilisitou fili'ehinagati le'mo ho ti'ahanalo lubuto bito lele'mo'ehina yabe. Ya huto ai ginaga fi lepolo'ehina'amu lenubuto bi'ehinamo ni'ibe, nekehelifiye?

Efeso 5:14

Yamofihi mono ka mone ma huto ni'inamo ni'ibe: Lenubu'i ke'ahana bona'i lenali ho tilo. Fili'ahanaguti aho tilo. Kilisitou ya'ma fi besa lo lepalalube'mu hibe.

Filipai 1:20

To minoba minoba'namufi to fililatanamufi komopa'ni keta mehuse honogo nugufa komopa'ni hiti Kilisitohi keheli eminogo'ni yanauba ule'alena'a lolo hu netalibe luto buto mino'ohunamo ni'ibe. To ya holito buto minalube luto nubuya hulatana li huto mehuse keheli lamana huloto Yesu Kilisitohi gi'a liyafa huto minalube'mu hube.

Kolose 2:13

Lenali koyapa Moseu keya ka lu'ehina kamofihi mekehelise fegutoga bona'i minete foipa faipa hapatini hilata hi'ahanaya Hu'mamofitoga filise'nalo mine'ahana yabe. Yalo Hu'mau Kilisitohi le'mo ho ti'ehina suhi huto lenele'mo ye ko'ehina. Hu'mau foipanati asaga'i li he'mi leto'ehinagihe.

Kolose 3:5

Lenali ma melugu bona'magihi hapa'ani li he'milo. Moko lise'na yagi, ana'i gumina folose'na yagi, kolotananamofihi hapa'a yagi, lenipagu keheli sibina huse'na yagi, to foipanamofihi hapa'a asaga'i komopatiniguti li he'milo. To ma me'mofihi nasana asaga'i laga lepesise'na yana'mu lu laga hite he'milo. Ya'ma melugu nasana laga lepesise'namoya lugefa suhi huto ni'ina melugu bona'magi Hu'mamofihi le'mo laba hilata nehana ana'ina melugu nasana'a liyafa hite kanihi filata nehana. Lenali ya'ma hapa'aya mege'i memalalo.

2 Tesalonika 2:12

To hetofa kaga'a enemegesa hi emite foipa nasanauba laga epesina bona'magihi enalitoga foipana sipi'a enali enugupisalo tilube'mu higo Hu'mau sipi huto enahalina'mu yabe.

2 Timoti 2:15

Hu'mau enali kumu kehelinogo bati hilibe luto amuya moloto minoto foya lilane. Ya nohuto Hu'mamofihi ka lamana'a fotogo huto lu noenelepito kubuya mehulata nasana ya'ma foyalo bo minalane.

Yemesi 4:1

Lenali henabe lite kenasabo bite luba hilata nehabe? Komopatinigu foipana lenibita hina nasanauba lenugufagu huto lilago luba huto hulata nohibe.

1 Pita 2:24

Lali foipanati yauba ai gupisalo tigo ai'a he'mu kito malipu yafalo fili'ehinamo ni'ibe. Lali foipana lilutana'mu filise bona'i suhi huto mopo mehuse'na minoto bati bati huto minolatanamofihi minete lite hilabe luto fili'ehinamo ni'ibe. To ai fuhe'a li'ehinaloti'i komopatini le'mo kosaba hu'ehinamo ni'ibe.

1 Pita 4:2

To yatai kanagu lenugufamofihi enumu fililatana yamofihi melise Hu'mamofihi bagaguti kaga'a kehelite ma melugu mineme bite minalabe.

1 Yoni 1:9

Ya hu'ehinaya to foipanati Hu'mamofitoga lu huto nohunogomo ai eto'ehina bo to faga melulata nohina bouba ai ka'a beto huto'a foipanati nokala huto asaga foipanati li he'mi leto su halina'mu yabe.