Romu 6:10 - Ka Lamana'a Monoꞌi Lu Mu Tifiꞌehina Ka Yabe

¹⁰ Ai foipanamofi kumu amuya'a li he'milube luto moneko yupahi fili'ehinauba su ho'ehibe. To yatai ai Hu'mamofihi hiti hepito mino kosaba huto nominobe.

Romu 6:10 ပူးပေါင်းရင်းမြစ်များ

Luku 20:38

Ya hu'ehina Hu'mau ai filise bona'magihi Sipi Bo'anifu menohibe. Enali nehana bona'magi Sipi Bo'anifu nohibe. Ai Hu'mamofihi bu'alo asaga bona'i mefilise asaga'i ho tite nehabe, luto Yesu lu'ehina.

Romu 6:11

Ya'mana suhi lite lenalitini afili'ohune lite lilanauba foipanamofihi kele kele hu meminalana'mu yabe. Lenali Yesu Kilisito hiti hepite minete Hu'mamofihi mino kosaba huse'na limi'ehinalo minaluna'mu yabe.

Romu 6:9

Lali mana keheli'ohune. Yesu fili'ehinagati ho tito aku mone'a hiti mefililina'mu yabe. Filise'nauba aitoga amuya memolo'ehina to be meligilina'mu yabe.

Romu 8:3

Bona'magihi komopa'ani amuya memolo'ehinagi keya kauba lehe'mo'ehina bati mehu'ehibe. Hu'mau aigo lehe'mo'ehina. Yata'a ai bona'i foipa hapa'animu ka epekito enifisa i'ehina. Ya huto ai'a pana'a melugu ho lifigo bona'i enugufa amuya memolo'ehina suhi lolo huto minoto lali foipanatimofihi nona'a li pa salibe luto fili'ehina yabe.

2 Koliti 5:15

To bona'i asaga kumu yabe luto fili'ehinamofihi ya hu'ehina'mu lubu hiti nohuto yamofihi lalitisigo minoto lito mehuse ai kumu luto minoto lito hilune.

2 Koliti 5:21

Kilisito ai foipana'a meni'ina bo ya'ma Hu'mau lali kumu luto lali foipanati ai gupisa'alo molo eto'ehina. Hena'mube? Ya'ma lali Kilisito hiti i hepiloto Hu'mamofihi bulo fotogo huto minalune luto yamofihi lolo hu'ehina.

1 Pita 3:18

Kilisitou ai ana huto bo lamana'a mino'ehina bouba bo foipa'a lali kumu yabe luto fili'ehina. Ai Kilisitou asaga bona'magihi foipana'ani su halibe luto silaga bona'i foipana'ani'mu yabe luto kana'a moneko'i filigo su ho'ehina yabe. Yamofihi Hu'mamofitoga lenele'mo malalube luto lolo hu'ehina. Enali he'ahana'mu ai mega gufa'auba fili'ehinaya meha'a hetofa Sikalafu'uba le'mo mopo higo mino lito buto mino'ehina.

1 Pita 4:6

Yana'mu Kilisitou buto fili'ahana'amagihi ka lamana'a lu huto huto lu epi'ehinamo ni'ibe. Henabe lutobe? Enali'ya filise bona'magi asaga'i koyapa melugu minete enubu hiti mine'ehite ya hi'ahanamofihi hapa'animu Hu'mau kehelito guna moloto kaga'animu loko hu epolo'ehina yanamagi to enemeha'ani Hu'mamofihi kapolo nebite minoba minoba minolatana nasana mone lilabe luto lu epi'ehinamo ni'ibe.