Romu 5:9 - Ka Lamana'a Monoꞌi Lu Mu Tifiꞌehina Ka Yabe

⁹ To ai fililoto golaha'atu mina fi letoloto Hu'mamofihi bulo lele'mo bati bona'i lolo hu'ehibe. Ya huto'a mone'a hiti lehe'menogo lali foipanatimofihi nona'a meliluta'mu yabe. Hu'mamofihi hima muha'aguti lele'mo lubuto bilibe.

Romu 5:9 ပူးပေါင်းရင်းမြစ်များ

Yoni 5:24

Nani ma'naka lu nolepube, kene'i moneuba nani ka'ni kehelito li pili koto'a to noho lifi'ehina bomofitoga komopa'a malalina yanauba mino bati huto minoba minoba huse'na ya'ma li'ehibe. To ai ka foya melilina filise'namofihi be ligito aku'i mino kosaba huse'i ali su hoto nominabe.

Romu 1:18

To bona'magi enali foipa faipana'ani babu lite liba liba nehite to hetofa kaga'a fala kite to hetofa kapo hekini lalibe. Hu'mau ya'ma foipana nasanamofihi bu goto sipi enipakafa halinamofihi ya'ma kokulumaluguti limi'ehina abu go'ohune.

Romu 5:1

Lali Hu'mamofihi keheli ule'ale hutogo ai lele'mo bebe so'ehibe. Yana'mu Sipi Boti Yesu Kilisitou lalitoga hu'ehinanamu'i Hu'mau yatai lele'mo fulu nohibe.

Romu 5:10

Koyapa'i Hu'mamofihi fateha'a lolo huto minota kana'agu ai'a pana'a fili'ehinauba fatehi huto minose'na li nohe'mito Hu'mau hiti lele'mo moneko koguna i'ehibe. Ya'mu luto yatai Hu'mau hiti koguna ito nohuta Hu'mau Kilisitohi le'mo kosaba hu'ehina'auba lali hiti lele'mo lubuto bilina'mu yabe.

Romu 8:1

Yatai bona'magi Yesu Kilisitotoga hiti hepite minago moneko'na nehana yanamofihi Hu'mau enifisa meilina to osahi meepilibe.

Romu 8:30

To Hu'mau ekesa kehelito enele'mo molo'ehina bona'magihi aitoga kehe igo e'ahabe. To ai kehe igo e'ahanamofihi foipana'ani he'mito bebe sose bona'i enele'mo lolo hu'ehina. To ya huto bebe sose bona'i enele'mo lolo huto ai hetofa fana meha'agu enele'mo molo'ehina.

Efeso 2:13

Lenali ana kanagu foto'i mine'ahana bona'i yatai Yesu Kilisitotoga hepite minago Kilisitohi golaha'auba lenele'mo gegisa'agu lenele'mo malago Hu'mamofitoga nehetite nehabe.

Efeso 2:3

Lali asaga'i koyapa'i enali tegi huto minoto komopatimofihi ka laga'a mege'i moloto mega lugufamofihi to kehelise'natimofihi kaga'a keheliya iloto mino'ohuta. Ya huto komopatigu foipa hiti nohutoti enali tegi huto Hu'mau foipana'mu ipakafa osahi limilina suhi huto mino'ohuta ni'ibe.

1 Tesalonika 1:10

Ya nehite pana'a fili'ehinaguti le'mo ho ti'ehina bo, Yesu minomo buto kokulumaguti limilina'mu geba hite nehabe. Ai Yesu, Hu'mau alihi foipana'momu'i osahi epilina'aloti lubuto bilata nohibe. Ya'ma kamofihi noto noto bona'i kehelilata nehite lu limilata nehabe.

Hibulu 9:14

Ya hu'ehinaya Kilisitou ai ya'ma minoba minoba Meha'auba fi hele hu etago ai komopa'a hiti gufa'a hiti bati huto mino'ehina yamofihi Hu'mamofitoga hetofa mamufa gi emi'ehina. Ya hu'ehina'mu Kilisitohi golaha'auba komopatilo i kolo'ehinamofihi okala huto foipa foya he'mi letoto lele'mo bebe solenogo mino kosaba huse bo, Hu'ma aitoga agoya hu emito foya'a lilata nohune.

Hibulu 9:22

Ya hu'ehina'mu ya'ma keya ka lu'ehina ka'alo ana'ina silagaloga mememagihi bulumakamagihi golaha'anitu okala hulata nohinamo ni'ibe. Golahi memalalana'a ni'inogo ya'ma bona'magihi foipana'ani li kele lilata'a mone meni'ibe.

1 Yoni 1:7

Hu'mau ai ya'ma fana meha'a hiti bo nohibe. To ana huto lali ai'a fana meha'agu mino moloto nohuto ai hiti moneko'na huto komopati hepito bati huto minaluta'mu yabe. To ya hinogo pana'amofihi Yesu, ai'a golaha'auba foipanati asaga'i okala hu letoto minomo buto minalibe.