Romu 5:6 - Ka Lamana'a Monoꞌi Lu Mu Tifiꞌehina Ka Yabe

⁶ To lali amuya memolo'ohutaya Hu'mau mone kanagu lu kehelito Kilisito melugu ho lifito foipa boana'magihi fili epalalibe luto molo'ehina yupahi melugu limi'ehina.

Romu 5:6 ပူးပေါင်းရင်းမြစ်များ

Romu 11:26

Hu'mau asaga Isilaeli bona'magihi enele'menogo bati hilanamofihi kaga mono bukugu ma lite fayahi ge'ahana: Enubuto bilina bouba Yiona hepa'mofihi kosaguti huto hilibe. Ai Yakopuhi yagapana'magihi foipana'ani asaga'i li he'mi epalalibe.

Romu 4:25

To Yesu lali foipanati li he'mi letalibe luto Hu'mau ho lifigo oto fili'ehina. Ya hulago aku'i Hu'mau fili'ehinagati le'mo kosaba holoto lali kumu bebe sana bona'i lele'mo lolo hu'ehina yabe.

Romu 4:5

To bona'i moneuba nani'ni bebe sanamofihi foya'a lolo mehilube'mu nani Yesuhi ai'asigo anasi keheli ule'ale hilube luto lulata bo yamofihi Hu'mau foipana'a li he'mi etoto lamana bo nohibe luto'a nolibe. Ya'ma keheli ule'ale huse'na'a Hu'mau bu goloto ana bomofihi le'mo bati hilina'mu yabe. Hu'mau ai'amo kehelito ana bo kumu ya luto lu molo'ehina yabe.

Romu 5:10

Koyapa'i Hu'mamofihi fateha'a lolo huto minota kana'agu ai'a pana'a fili'ehinauba fatehi huto minose'na li nohe'mito Hu'mau hiti lele'mo moneko koguna i'ehibe. Ya'mu luto yatai Hu'mau hiti koguna ito nohuta Hu'mau Kilisitohi le'mo kosaba hu'ehina'auba lali hiti lele'mo lubuto bilina'mu yabe.

Romu 5:7

To bati bo mone'mofito bo moneuba fili etenogo lali topa halune. Bati bo mone'mofihi bo moneuba fili etalifi mefili etalifi ya'ma keta huto'i ni'inaya ana huto mehilibe luto lali lekesa kehelilata nohune.

Romu 5:8

Lali foipana lito nominonogo Kilisitou lali kumu fili'ehina. Yana'mu Hu'mau sipi keke'i lu letoto lelepigo bu go'ohune.

Romu 8:32

Ai koyapa'i pana'a nu ki pili koto meminose lali kumu asaga'i ho lifito bona'magihi enayanugu epi'ehigo fili leto'ehina, ya'ma limi'ehina bo, Hu'mau, ai loe sana sana mina'a meni'inamofihi fa'mene limilina'mu yabe.

Romu 8:34

Kiyi kiyi'afu lifisa iloto ka foya lilube'mu nohibe? Yesu ai'asigo lali kumu fililoto ho tito aku Hu'mau lamaga'aga le'mo'ehigo nominabe. Analo nominoto lali kumu Hu'mamofihi amuya loka holata nohibe.

Galesia 2:20

Ya hu'ohunaya yatai ya'ma minoto lito nohuna ya'ma nani'nigo minoto lito mehube. Kilisitou komopa'nigu minoto lito nohigo nugufaloti minoto lito nohuna. Ya'ma Hu'mamofihi pana'amu keheli ule'ale huto minolatana nohuto minoto lito nohube. Ai ya'ma komopa'a nanitoga mololoto minoto lito hina'a nani kumu yabe luto gufa'a he'miloto fili'ehinamo ni'ibe.

Galesia 4:4

Ya hulago aliha'a ya'ma kana'a molo'ehina ya'ma su nohago Hu'mau pana'a ho lifigo limito melugu o'ehina yabe. Ana pana'mofihi ito'afu melugu a'i yabe. To ana pana'uba huto huloto ai Mosehi keya kamofihi agoya hu etoto mino'ehina.

Efeso 5:2

Ya nehite asaga bona kumu leniginaga fite minalo. Kilisito ai ana huto lali kumu yabe luto ginaga fito gufa'a sibi he'mi'ehina yamofihi Hu'mamofihi kuguhi koyo eminogo Hu'mau tu'a keheligo bati hu'ehinagihe.

Kolose 2:13

Lenali koyapa Moseu keya ka lu'ehina kamofihi mekehelise fegutoga bona'i minete foipa faipa hapatini hilata hi'ahanaya Hu'mamofitoga filise'nalo mine'ahana yabe. Yalo Hu'mau Kilisitohi le'mo ho ti'ehina suhi huto lenele'mo ye ko'ehina. Hu'mau foipanati asaga'i li he'mi leto'ehinagihe.

1 Tesalonika 5:9

Yamofihi hapa'a ya huto ni'ibe. Hu'mau siko hu letoto osahi limilibe luto lele'mo'ehina meni'ibe. Ai Sipi Boti Yesu Kilisitou lubuto bilata hinogo li bati hilabe luto lele'mo eto hu'ehinamo ni'ibe.

1 Timoti 1:9

Le'ali ya'ma keheli'ohu'ibe. Keheli'ohu'ibe luto lu'ohunaya to ya'ma keya ka foipana mehise bebe sete neminana bona kumu huto hu'ehina meni'ibe luto nolune. Ka keheli he'mite nehana bona'i, to kegeiyo hilata nehana, to Hu'mamofitoga agoya hu meemise nehana, foipana hilata nehana, mono kamofihi kapo'a mebilata nehana, mono'i laga mehina bona'i, ito'anigihi afo'anigihi to fato bona'i enoho fililata nehana bona'i,

Taitasi 2:12

Ya higo ai lehe'molata nohinauba lemehati haya kolo'ehina lele'mo bebe solago ya'ma melugu fegutoga nasanalo libita hu'ehinana ya'ma he'mito ma melugu komopati lugufa kaba hu bati huto mino fotogo huto minoto mono bona'i lolo huto minalune'mu hune.

Hibulu 8:3

Le'mo mamufa gi emilata bo asaga'naloga enali gomolu nose'na to fato nose'na laita hilata nehabe lite keheli eto hi'ahana. Yana'mu lali mamufa gi emilata bo Yesu ai hiti Hu'mamofihi lokiya fi emi'ehinalo mino'ehina ya nohibe.

Hibulu 9:26

Yana'mu Kilisitou ai gufa'a komopa'a kana'amu kana'amu he'mi leto'ehina ni'itita ai me'mofihi lolo hu'ehina kana'a huto hu'ehinaloti ema'aga keke'i luse'i lito filito buba buba huto nesi'a meminotita'mu yabe. Ai'a ya'ma ya suhi hu emito Hu'mau molo'ehina kana'a su halube'mu nohinogo kana'a moneko'i ai'a gufa'a komopa'a nehe'mito foipanati su halibe luto huto hu'ehinamo ya'ma su ho lamana hibe.

1 Pita 1:20

To koyapa'i kokuluma'i me'i huto mehina kanagu Hu'mau le'mo ho tito ho lifigo limito bona'magihi foipana'ani'mu fili'ehina. Yanauba aliha'a kanagu su halube'mu nohinogo lenali kumu yabe luto ligo huto hu'ehina yabe.

2 Pita 3:7

To ai yatai ana huto Hu'mamofihi kaga'auba kokuluma hiti me'i hiti kaba nohuto'a to alihi ai molo'ehina kanagu logo lo su halibe luto kaba nohibe. Bo foipana'ani'mu kaga guna molo epalalina kana'a huto nohinogo enali nona'a guna melete ya hilana'mu me'i hiti kokuluma hiti geba hite neha'inabe.

Yute 1:15

Ya huloto asaga bonatoga hapa'ani lu huto nohuto kegeiyo bona'i Hu'mamofitoga meneminana'a enali kegeiyo'na'animofihi hapa'a nona'a foipana epilina'mu yabe. To kegeiyo bona'magihi Hu'mamofitoga meneminana'amagi enali Hu'mamofihi kaga li sibina sabana hite ka laga mehina'a lilana ananamofihi nona'a epilina'mu yabe.

Yute 1:18

Enali ma lite lu lepilata hi'ahanamo ni'ibe: Kana'a sipi tupa higo komopa'anigu foipanamofihi nasanalo ya'ma laga epesise'namo amuya melelata nehana bona'i huto hilete kalana'i mele lepelete mono katini lite mumusopa ilana'mu yabe.

Yute 1:4

Hena'mube? Bona'i luga'a Hu'mamofihi keheli'ahana'a enali folagahatigu fenene hite ti'ahana. To enali moko foya lilata nehanalo Hu'mau ka melemekilina'mu yabe lite ai hetofa bo nohinagihe lite nelana enali ya lite Hu'mamofihi lehe'mose kaga'a li sibi hite to lali moneko kaba boti, Yesu Kilisitohi enemegesa hu emite ibe fitebe hi etelata nehabe. Enali ya'ma bite li he'mila ete li he'mila nehanamofihi hapa'anilo Hu'mau osahi epilina ka koyapa'i mono bukugu fayahi keye'ahanamo ni'ibe.