Romu 5:20 - Ka Lamana'a Monoꞌi Lu Mu Tifiꞌehina Ka Yabe

²⁰ Hu'mau bona'i foipana'ani ni'igo bu goloto enelepilube luto keya ka lu epi'ehina. Ya keya kauba huto hu'ehigo foipana'ani samahi tito hu'ehibe. To foipana'ani babu luto huto hu'ehigo Hu'mau enehe'mose'na sipi'a mone hiti li huto higo be ligi'ehina yabe.

Romu 5:20 ပူးပေါင်းရင်းမြစ်များ

Matiu 20:9

To enali yege limi falalube'mu nohigo ete lili'na li'ahana bona'i kohe tete ete mone kina mone kina li'ahana.

Matiu 9:13

Lenali bite ya'ma mono kamofihi hapa keheli bebe sete li buto hilo. Nani yagakafa enehe'ahanamagi nimite nehago menebesibe. To nani fulu huse'na'muko nebesibe Hu'mau lu'ehina ni'ibe, luto Yesu lu epi'ehina yabe. To nani komopa'ani bebe sana bona'i kehe ilube luto meo'ohube. Nani foipa bona'i kehe ilube luto o'ohuna yabe, luto Yesu lu epi'ehina yabe.

Luku 7:47

Yatai nani lu nokumube. Nani ya'ma a'mofihi babu foipana'a asaga'i li nohe'mi eto'ohunogo ai nani kumu sipina nobesibe. To bo mone'mofihi Hu'mau foipana'a nesi'asi li he'mi etalina aku'i ana bouba nani kumu'i nesi'asi nobesibe.

Yoni 10:10

Baukalo bona'uba tilube'mu nohuto sipisipi yagamagihi enele'mo sibina huto gumina liloto enoho fililina'mu nohibe. Nani enehe'malube luto enubuto bilube'mu o'ohunagihe. Ya nohuto mino kosaba huse'i epilube'mu nohugo enali minomo buto minose'na'a lilete asaga'i hetofa hite minalabe.

Yoni 15:22

Nani enalitoga limito huto huto kaga lu meepi'ohunalo ni'itita enalitoga foipana'ani mino meepalatita'mu yabe. To ka foya melilina'mu yabe. Ya hu'ehinaya foipana'ani hena hena hite he'milana ni'ibe?

Romu 4:15

Ana keya ka ni'inogo bona'mofihi foipana'ani huto hilina'mu to Hu'mau hima muhi fi epalalibe. To keya ka meni'inogo bona'magi keya ka mege'i memelete pelesa ilatanamo meminalina'mu yabe.

Romu 6:1

Yana'mu lali hena ka lilune? Hu'mau lele'mo bati hu'ehinaya lali foipana liba liba hulenogo ai'a lehe'mose'na'auba mone hiti huto hu letalina'mu yabe luto ya lilupi?

Romu 6:14

Lenali akeheli'ahabe. Foipanauba lenali kaba botini aku meminalibe. Hena'mugope yatai lenali keya kamofihi mege'i melete menehabe. Lenali Hu'mamofihi lenehe'mose'nauba yatai kaba hu lepalago nehabe.