Romu 5:19 - Ka Lamana'a Monoꞌi Lu Mu Tifiꞌehina Ka Yabe

¹⁹ To mone bo Atau pelesa ito Hu'mamofitoga agoya hu meemigo foipa bona'magi babu lite huto hi'ahana to ana suhi huto mone bouba Yesu Hu'mamofitoga agoya hu emigo bebe sose bona'i babu lite huto hilanagihe.

Romu 5:19 ပူးပေါင်းရင်းမြစ်များ

Romu 11:32

Ya hu'ehina'mu asaga bona'i, Yuta bona'i to fegutoga bona'i hiti, enali pelesa ite kegeiyo hi'ahago Hu'mau naga'i suhi huto epi'ohube luto nokehelibe. Nokehelito ya'ma ginaga fi epilube'mu hibe.

Romu 5:12

Yata'a kanaguti bo moneuba Atau nohuto foipana li huto hu'ehina. Ya hu'ehigo filise'nauba ma melugu huto hu'ehina. To ya higo yege yege bona'magitoga foipana huto higo filise'nauba ananamu'i tili tele higo analo bona'i fililata nehabe.

Romu 5:15

To etali moneko babeyafa bomale'i meneha'ibe. Hu'mau foipanati he'mi letoto lehe'malina hapa'auba Atahi foipana be ligi'ehina. Ya'ma bo Atau, foipana lilata hu'ehina ya'mu babu bona'i foipana lite fili'ahana. Aku'i Hu'mamofihi lehe'mose'nauba ya'ma foipanamofihi hapa'a abe ligi'ehina yabe. Ai bo'a moneko'isi nohina lalitoga fa'mene limi'ehina ana bo Yesu Kilisito yabe. Ai'a lehe'mose'nauba bona'magita lele'mo bati hu'ehina yabe.

Romu 5:18

To bo monekomofihi foipana'auba asaga boana'i enifisa ito ka foyagu enele'mo molo'ehinagihe. To ana huto bo monekomofihi ya'ma Kilisito bebe sose suhi hu'ehinanauba asaga bona'i filise'namofihi nagaluguti gulu ho epoloto mino kosaba huse'na fa'mene epilata nohinagihe.

2 Koliti 5:21

Kilisito ai foipana'a meni'ina bo ya'ma Hu'mau lali kumu luto lali foipanati ai gupisa'alo molo eto'ehina. Hena'mube? Ya'ma lali Kilisito hiti i hepiloto Hu'mamofihi bulo fotogo huto minalune luto yamofihi lolo hu'ehina.

Efeso 1:6

Hu'mau ya huto keke nolu letoto ai'a bita hu'ehina pana'a ho lifigo oto lali bati mehina bona'magita lele'mo lamana hu'ehibe. Ya huto hetofana hu'ehina'mu fokeha'a lilata nohune.

Filipai 2:8

Ai'a komopa'a lelito limito mololoto Hu'mau lu'ehina kagalo mege mege huto fililatanamofihi lito li tupa huloto malipu yafalo fili'ehinamo ni'ibe.