Romu 5:13 - Ka Lamana'a Monoꞌi Lu Mu Tifiꞌehina Ka Yabe

¹³ Yata'a asaga melugu bona'magihi foipa faipana hi'ahana. Alihi Hu'mau keya ka lu molo'ehina. To kohe toto keya ka lu meepina kanagu Hu'mau foipana'ani leka meso'ehibe.

Romu 5:13 ပူးပေါင်းရင်းမြစ်များ

Romu 3:20

To bona'i moneuba keya kalo mege'i moloba moloba nohigo keya kauba ana bomo Hu'mamofihi bulo le'mo bati mehilina'mu yabe. Ya'ma keya kauba ana bomofihi foipana'a lepilube'mu nohigo kehelilibe.

Romu 4:15

Ana keya ka ni'inogo bona'mofihi foipana'ani huto hilina'mu to Hu'mau hima muhi fi epalalibe. To keya ka meni'inogo bona'magi keya ka mege'i memelete pelesa ilatanamo meminalina'mu yabe.

1 Koliti 15:56

Foipa nasanauba ya'ma fililata nasanamofihi ufehe neka'a lolo hu'ehibe. To keya ka li'ahana kaga'mu yabe luto foipa nasanauba lelepito amuya hiti lolo hu'ehinaya Hu'mau ai Sipi Boti Yesu Kilisitohi lu emilago foipa nasana be ligilata nohina amuya limilata nohinagi, ya'mu fokehi nolune.

1 Yoni 3:14

Lali komopati ya'ma lalalutigihi epilata nohutamo ni'inagihe. Ya'mu lali filise'na kapo'aguti he'mito oto mino kosaba'nagu mino'ohutamo ni'ina keheli'ohune. To luga'amagi enali komopa'ani ai eminogo ai eminogo menehanamagi enali ya'ma filise kapogu nebana yabe.

1 Yoni 3:4

Foipa nasana lilata yanauba Hu'mau lu laga hu'ehina ka'a ligofa ho he'milata nasana ni'ina mone'amagi enali foipa nasana nelinogomo enali'i Hu'mau lu laga hu'ehina ka'a ya'ma ho hauta hi'ahabe.