Romu 5:11 - Ka Lamana'a Monoꞌi Lu Mu Tifiꞌehina Ka Yabe

¹¹ To ya'ma anasigo meni'ibe. Yesu lali hiti Hu'ma hiti lele'mo hepito lalu'agita lolo hu'ehigo ya'mu luto lali sipi legelo nobune.

Romu 5:11 ပူးပေါင်းရင်းမြစ်များ

Luku 1:46

To Maliau ai lu'ehina: Nipa'niuba Sipi Bomofihi gi'a li saga nohibe. Nipa'niuba Hu'ma kumu yege nofibe.

Yoni 1:12

To bona'i luga'amagi be tigite le'mo bati hite agoya hu emi'ahana. To ya hi'ahanamagihi ya'ma Hu'mamofihi yagapana'a yabe luto ai enele'moto enebe tigi'ehina.

Romu 11:15

To Hu'mau Yuta bona'magihi enele'mo he'mi'ehinalo asaga melugu bona'magi Hu'mamofihi lalu'agi lolo hi'ahana yabe. Ya hu'ehina'mu alihi kana'agu Hu'mau aku Yuta bonatoga i behe huto enele'menogo legelo bise'na babu luto huto hilibe. Ana kanagu Hu'mau fili'ahanamagihi mino kosaba huse'na epilinagi minoba minoba nehana suhi lite minalabe.

Romu 2:17

To kaibe? Kai Yuta bo nohube nolapihe? Lali Yuta bona'i ya'ma keya ka keheli fe noluto ya'mu lali lamana bona'i nohune lula Hu'mamofihi hapa'a keheli bati nohune luto ya nolapihe?

Romu 5:1

Lali Hu'mamofihi keheli ule'ale hutogo ai lele'mo bebe so'ehibe. Yana'mu Sipi Boti Yesu Kilisitou lalitoga hu'ehinanamu'i Hu'mau yatai lele'mo fulu nohibe.

Romu 5:10

Koyapa'i Hu'mamofihi fateha'a lolo huto minota kana'agu ai'a pana'a fili'ehinauba fatehi huto minose'na li nohe'mito Hu'mau hiti lele'mo moneko koguna i'ehibe. Ya'mu luto yatai Hu'mau hiti koguna ito nohuta Hu'mau Kilisitohi le'mo kosaba hu'ehina'auba lali hiti lele'mo lubuto bilina'mu yabe.

Romu 5:3

To keta nohinauba lali'i huto hu letolenogo ana huto legelo bito minolata nohune. Hena'mube? Ya'ma keta nolebesinanauba lele'mo amuya melenogo mino lito bilune.

Romu 8:23

To asaga melugu neminana usegi asegi hite hilata neminago enali'anigo menehabe. Lali hiti Hu'mamofihi Sikalafu'i kohe toto limi'ehina bona'magita komopatigu yibi bena huto yibi huto usegi asegi ilata nohune. Ya nohuto Hu'mau lugufati kosaba'na lolo huto lele'mo bati hilina kana'amu geba nohunogo keta huse nagaluguti gulu ho letalibe.

Romu 9:10

To ya'ma kagago meni'ibe. To mone hiti ana huto ni'ibe. Lepekau loe lae pana'i eteketo'ehina to enali afo'atitifu Isaka lali Yuta bona'magita tatatifu yabe.

1 Koliti 10:16

Konugu ya'ma bai nagami'i Kilisitou lusa gito molo'ehinamofihi ya'ma nonototi Kilisitohi golaha'a lusa gito molo'ehina ya'ma guna ito lilata nohune. To beleti lusa gito molo'ehina ya'ma nonototi Kilisitohi gufa'a lusa gito molo'ehina ya'ma guna ito lilata nohune.

2 Koliti 8:19

Hu'mamofihi bona'a enali ana bomofi kumu komopa'anigu keheli bati hilana kefahi lelito buto enele'mo bati hinogo moneka bilabe lite le'mo mele'ahana. Ana foya ya'ma Sipi Bomofihi fana meha'a le'mo sipi hilibe luto to komopati babahi higo enehe'malube'mu nohune luto foya lilata nohuta yamofihi hapa'a huto hilibe luto ya'ma komopati epise foya lilata nohune.

Galesia 4:9

To yatai lenali Hu'mamofihi hapa'a bu go fotogo nehabe. Ya'mu ya'ma luto lu nolepube. Lama'naka. Hu'mau lenali'i bu lenogoto nohibe. Ya higo fa'menena gusunupa'a meni'ina felisa meni'ina yamofihi henabe luto aku'i lenogobisa emite ya'ma felemagihi nasana'mu agoya nehi etete neminabe?

Galesia 5:22

To Sikalafu'mofihi legeya'a ma suhi huto hulata nohibe. Mehi lepito komopatini lepilata nohina, lenegelo bise'na hulata nehana, mino fulu huse'na, kosele'i melenohose bati huto minose'na, lenele'mo bati hulatana, komopatini lamana hite minolata, foyagu agoya emilata nohuto Hu'mamofihi kaga'a mone kegi'a mehe'milata,

Filipai 3:1

Nalalu'nigita, ka mone ya huto lu su halube'mu nohube. Sipi Botiuba komopatinigu sabiyana lolo hu lepalalibe. Ana kaga ana suhi huto koyoto aku'i lu lepilube luto keheli'ohuna ya'ma kana keta mehu'ehina to lenalitoga ya'ma mino moloto nohuto lenele'mo hetofa hu lepalalibe.

Filipai 3:3

Ya'ma lugufati laga hilutauba Hu'mamofihi yagapana'i lele'mo lolo hilina meni'ibe. Lali Hu'mamofihi yagapana'i nohuta bona'i ya'ma lugufalo hu'ohutanamomu'i lamana huto minalune luto menolune. Lali Hu'mamofihi Sikalafu'uba nolehe'menogo Hu'mamofihi agoya emilata nohuta to Yesu Kilisitou lele'mo mino bati higo legelo bito nohuto nominone.

Filipai 4:4

Lenali asaga yupahi Sipi Bomofitoga i ke'mete yanamofihi komopa'agu minete lenegelo bite minalo. Nani aku'i lenegekesa lito lilube. Komopatinigu haya inogo minalo.

Kolose 2:6

Lenali Yesu Kilisito kibina boti minalibe lite aitoga komopatini mele'ahana suhi hite aitoga hepite asaga yegegu minalo.

1 Pita 1:8

Lenali Yesuhi meha'a bu mege'ehite sibi komopatini keheligopa hilata nehabe. To lenemehi emilata nehana yabe. Yatai kanagu ya'ma lenubutinitu ai'a bu mege'ehite ai kumu sibigopa keheli ule'ale hite neminabe. Ya nehite lenegelo bite laga'a fato'mofihi bona'magita lenabagaguti lu huto hilata menehanamo ya'ma kehelilata nehabe.