Romu 4:5 - Ka Lamana'a Monoꞌi Lu Mu Tifiꞌehina Ka Yabe

⁵ To bona'i moneuba nani'ni bebe sanamofihi foya'a lolo mehilube'mu nani Yesuhi ai'asigo anasi keheli ule'ale hilube luto lulata bo yamofihi Hu'mau foipana'a li he'mi etoto lamana bo nohibe luto'a nolibe. Ya'ma keheli ule'ale huse'na'a Hu'mau bu goloto ana bomofihi le'mo bati hilina'mu yabe. Hu'mau ai'amo kehelito ana bo kumu ya luto lu molo'ehina yabe.

Romu 4:5 ပူးပေါင်းရင်းမြစ်များ

Maki 9:23

Ya ligo, Yesu ma lu emi'ehina: Kai henabe luto keheli bati nohapiye luto noloka hane? Nanitoga keheli ule'ale huto komopa'a nimilina bouba asaga'na bati huto li huto hilina'mu yabe.

Yoni 5:24

Nani ma'naka lu nolepube, kene'i moneuba nani ka'ni kehelito li pili koto'a to noho lifi'ehina bomofitoga komopa'a malalina yanauba mino bati huto minoba minoba huse'na ya'ma li'ehibe. To ai ka foya melilina filise'namofihi be ligito aku'i mino kosaba huse'i ali su hoto nominabe.

Yoni 6:29

Ya lago Yesu ka'anilo nona'a lu epi'ehina: Hu'mamofihi lili'na'a ma huto ni'ibe. Ai'a ho lifigo o'ehina bomofitoga komopatini emite minalo.

Romu 10:3

Enali Hu'mau bona'i le'mo bati huse hapa'a yamofihi mekeheli'ahabe. Enali enegekesa'ani keheli'ahanamofihi hapa'a mege'i nemalabe. Enali Hu'mau enele'mo bati huse hapa'a mekehelite aitoga agoya hu meemi'ahabe.

Romu 3:22

Bona'i moneuba komopa'a Yesu Kilisitotoga molo emigo Hu'mau ana bomo le'mo bati hilibe. Ai asaga bona'i komopa'ani Kilisitotoga mele emi'ahanamagihi enele'mo bati hilibe. Hu'mamofihi bulo silaga bona'i moneko babeyafa hite nehago bu golata nohibe.

Romu 4:24

Lali kumu hiti ana fayahi keye'ahana yabe. Sipi Boti Yesu fili'ehinaguti Hu'mau le'mo ho ti'ehinalo komopati emito keheli ule'ale huto minalutamofihi Hu'mau lamana bona'i nehabe luto lulata nohibe.

Romu 4:3

Mono bukugu fayahi ge'ahana: Abalahau Hu'mamofitoga agoya hu emi'ehinamu'i Hu'mau komopa'a bu goloto lamana bo nohibe luto lu'ehina.

Romu 4:6

To koyapa bo, Tebitiu ai ana ka hapa'aguti kaga lu'ehina. Hu'mau lamana bo yabe luto fa'mene le'malina bouba gelo bilibe luto, Tebitiu ma fayahi koyo'ehina:

Filipai 3:9

To nani yatai aitoga mino hepiloto Moseu lu laga hu'ehina kamofihi mege'i molo'ohunalo Hu'mamofihi bulo bati huto minaluna meni'ibe. O'e, Kilisitou nele'mo bati hilibe luto ai kumu keheli amuya molo'ohunalo Hu'mamofihi bulo bati huto nominobe. Hu'mau anana'mu foipana'ni li he'mi netoloto nele'mo bati hu'ehinagihe.