Romu 4:3 - Ka Lamana'a Monoꞌi Lu Mu Tifiꞌehina Ka Yabe

³ Mono bukugu fayahi ge'ahana: Abalahau Hu'mamofitoga agoya hu emi'ehinamu'i Hu'mau komopa'a bu goloto lamana bo nohibe luto lu'ehina.

Romu 4:3 ပူးပေါင်းရင်းမြစ်များ

Matiu 20:9

To enali yege limi falalube'mu nohigo ete lili'na li'ahana bona'i kohe tete ete mone kina mone kina li'ahana.

Maki 12:10

To ai ma luto ka mone hiti lu epi'ehina: Lenali mono bukugu ya'ma leka meso'ahafiye? Ma luto koyo'ehina ni'ibe: Lili'nalo bomagi ya'ma efapo bati mehina efahi yabe, lite he'mi'ahana.

Romu 10:11

Yanamofi kumu enali mono bukugu fayahi keye'ahana: Bona'i moneuba Hu'mamofitoga keheli ule'ale huto komopa'a emiloto lesa meluse hetofana huto minalibe.

Romu 11:2

Hu'mau koyapa'i fuku luto enele'mo'ehina bona'a he'mi meepolo'ehina. Hu'mamofihi kaga lu yege hose bouba, Elaiyau Isilaeli bona kumu lu'ehina ka mono bukugu ni'igo beto hilane. Ai ka foyagu enele'mo moloto ma luto Hu'mamofihi loka ho'ehina:

Romu 4:11

Alihi Abalahau gufa'alo laga hu ete'ahago mino'ehina. Anana hena ni'ibe? Abalahau Hu'mamofihi keheli ule'ale hu'ehigo Hu'mau lamana bo nohane lu'ehina. To ya'ma alipo gufa'a laga huto molo'ehinamofihi keya'a suhi huto hu'ehina. Ya huto Abalahau kohe toto asaga bona'i enugufa'ani laga mehuse'namagi Hu'mamofitoga keheli ule'ale hite mine'ahanamagihi afo'anifu nohibe. Ana bona'magi Hu'mamofihi bulo bebe sose'i nehabe.

Romu 4:5

To bona'i moneuba nani'ni bebe sanamofihi foya'a lolo mehilube'mu nani Yesuhi ai'asigo anasi keheli ule'ale hilube luto lulata bo yamofihi Hu'mau foipana'a li he'mi etoto lamana bo nohibe luto'a nolibe. Ya'ma keheli ule'ale huse'na'a Hu'mau bu goloto ana bomofihi le'mo bati hilina'mu yabe. Hu'mau ai'amo kehelito ana bo kumu ya luto lu molo'ehina yabe.

Romu 4:9

Ya'ma enegelo nebinamagihi Tebitiu lu'ehinana enugufalo laga hi'ahanamagi kumu anasi lu'ehifiye? O'e, Yege yege enugufa laga mehi'ahana bona'magi hiti kumu luto lu'ehina yabe. Nani mono kaguti lu'ohuna: Abalahau Hu'mamofitoga agoya hu emi'ehigo ananamu'i lamana bo nohibe luto Hu'mau ya lu'ehina.

Romu 9:17

To Hu'mau koyapa'i sipi bo Felohi lu emi'ehina ka fayahi ge'ahana: Nani Iyipi melugu sipi bo'ani henabe luto kele'mo ho ti'ohube? Sipi kaba bo lolo hu keto'ohunogo alipo sibina hiluna kanagu amuya'ni enelepilube'mu nohugo asaga noto noto bona'magi bu gelete nigi'ni liyafa hilabe luto lu'ehina yabe.

Yemesi 2:23

To mono ka bukugu ka mone ma luto ni'ibe: Abalahau ai Hu'mamofitoga agoya hu'ehina'mu yabe luto Hu'mau keheli emigo foipana'a meni'igo mino'ehinamo ni'ibe, luto lu'ehina. Hu'mau ai: Nibita hina nalalu'nifu nohibe, luto lulata nohibe. Abalahau ya'ma ana kagagu buto amuya molo'ehina yabe.

Yemesi 4:5

Lenali kehelilo. Hu'mau mono bukugu mone kaga luto lu'ehina ka'a yamofihi hapa'a futu'a meni'igo ana kaga ni'ibe: Nani ya'ma bona'magihi komopa'anigu molo epolo'ohuna enemeha'aniuba foipana enibita hina nasana amuya'a lolo hi etalifihe? luto lu'ehina yabe.