Romu 4:2 - Ka Lamana'a Monoꞌi Lu Mu Tifiꞌehina Ka Yabe

² Ai hetofa suhi babu luto hulata mino'ehina'mu lamana bo nohane lutita Abalaha gufa'a limo titi hutita'mu yabe. To Hu'mamofihi bulo gufa'a limo titi mehilina'mu yabe.

Romu 4:2 ပူးပေါင်းရင်းမြစ်များ

Romu 15:17

Ya hina'mu nani Yesu Kilisitotoga hepito nehe'mago Hu'mamofihi lili'na'a li'ohunana'mu negelo nobito nugufa'ni li saga nesi'asi nohube.

1 Koliti 1:29

To ya higo melugu bona'i moneuba Hu'mamofihi bulo gufa'a limo titi lalibe luto ya suhi hu'ehina ni'ibe.

1 Koliti 1:31

Ya'mu kaga mone mono bukugu ma lite fayahi keye'ahana ya'ma ule'ale hilibe: Lenali fokehi lilune'mu nehana bona'magi Sipi Botiuba hu lepolo'ehina'amofihi fokeha'a lilo.

1 Koliti 4:7

Ki'afu ligo lenugufa le'momo titi nehabe? Lenalitoga ana'ina bai toto ni'ina yamofihi Hu'mau ya nasana melepi'ehifihe? O'e. Hu'mau ana'ina silaga'i lepi su ho'ehinamo ni'inagihe. Lenali henabe lite nekeheligo Hu'mau ana'ina melepi'ehina lolo nohigo laliti li huto nohune nelite lenugufatini le'momo tilata nehabe.

1 Koliti 9:16

Ka lamana'a lu huto hulata nohube. Yana'mu lusi bo nohube luto liluna yamofihi bati mehilina'mu yabe. Lili'na'amofihi nani nugupisalo molo'ehinamo ni'ibe. Ka lamana'a lu yege mehotita akae, bati mehina suhi huto minotita'mu yabe.

2 Koliti 11:12

Lenalitogati mina'a melito aku'i kohe toto nasana lilata nohuta ya suhi huto minalube'mu hube. To yamofihi fa'mene'mu ni'igopa bona'i luga'amagihi Polu foya lilina yamofihi babeyafalo minalune lite lilata nehana enugufa lelite ti lalabe luto yamofihi lukesa'ani li sigilata nohune.

2 Koliti 11:30

To nani nasana mono kumu nugufa le'mo hofa talube luto noluto'nimo amuya memolo'ohuna yana'mugopa le'mo napa huto linogo'ni bati hilube'mu hibe.

2 Koliti 5:12

Lali ya luto linogoti keheli'ehinogo lali ya'ma ligiti le'mo ho tilune luto lu noleputa'a meni'ibe. Lenali fa'mene lali kumu keheli bati hinogo netinogo lenali bona'i luga'amagihi komopa'ani topa mehanogo minete enugufamofihi nasana'muko kehelite enigi'ani li ho tite minelata nehana'a yamofihi nani hapa'ni lu epinogo keheli bati hilabe luto nolune.

Galesia 3:22

Ya hu'ohutaya lali melugu bona'magita asaga'i foipanamofihi amuya nagalugu nohutogo yamofihi hapa'a mono bukuguti li huto hite mele'ahanamo ni'ibe. Ya hulago yana'mu ya'ma Yesu Kilisito kumu luto keheli ule'ale huto agoya hu emutogo lenubuto bilube luto lu molo leto'ehina yamofihi legeya'a liluta ahuto ni'ibe.

Efeso 2:9

To ya higo hena hena foya lito minenogo ya'ma suhi lolo hu leto'ehina ni'ibe? Yamofihi meni'ibe. Yamofi kumu lugufa lelito tise'namofihi meni'ibe.

Filipai 3:9

To nani yatai aitoga mino hepiloto Moseu lu laga hu'ehina kamofihi mege'i molo'ohunalo Hu'mamofihi bulo bati huto minaluna meni'ibe. O'e, Kilisitou nele'mo bati hilibe luto ai kumu keheli amuya molo'ohunalo Hu'mamofihi bulo bati huto nominobe. Hu'mau anana'mu foipana'ni li he'mi netoloto nele'mo bati hu'ehinagihe.