Romu 4:17 - Ka Lamana'a Monoꞌi Lu Mu Tifiꞌehina Ka Yabe

¹⁷ Koyapa'i Abalaha kumu mono bukugu fayahi ge'ahana: Nani babu noto noto bona'magihi afo'aniga kele'mo lolo nohube, luto Hu'mau ya luto lu molo'ehina. To Abalahau Hu'mamofihi bulo minoto ana kagamofihi keheli ule'ale hu'ehigo ana kaga molo'ehinauba huto hulatamo ni'ibe. Hu'mau fili'ahana bona'i enele'mo ho tilata nohina bouba to ana'ina asaga'na huto mehu'ehina alihi le'mo huto hilina bouba ya'ma kaga lu molo'ehina yabe.

Romu 4:17 ပူးပေါင်းရင်းမြစ်များ

Matiu 3:9

Lenali lenipatinigu ma lite mekehelilo: Abalahau ai afotifu yabe, lali mino fu luse bona'i Hu'mau lifisa meilibe. Nani lu nolepube, Hu'mau ai ka'ma nina efahi liloto Abalahahi pana'a lolo hilina bati nohibe.

Yoni 5:21

Afo'afu fili'ahana bona'i aku'i enele'mo ho ti kosaba hulata nohina'a ya'ma ana huto Pana'auba laga'a besilina bona'i fili'ahanaguti enele'mo ho tilina'mu yabe.

Yoni 5:25

Nani ma'naka lu nolepube, kana'a huto hilube'mu hu'ehina kana'a yatai ahuto hu'ehibe. To enali filise bona'magi Hu'mamofihi Pana'amofihi nogo'a kehelinogo luga bona'i kehelite li pili kalanamagi mino kosaba hilana'mu yabe.

Yoni 6:63

Sikalafu'uba ai'a aku'i bona'i enele'mo kosaba hulata nohibe. Fa'mene lugufauba nesi'asi lehe'molata nohibe. Ya'ma nani noluna kagaya mino kosaba huse'na hiti Sikalafu'i hiti nina ninamofihi lu nolepube.

Aposolo 15:18

Ya'mana kaga koyapa'i Sipi Bouba ai'a lu hokolo hu'ehina kaga yatai hiti ai'a nolibe.

Romu 3:29

To Hu'mau lali Yuta bona'magitalogako nominafi? O'e, ya huse'i meni'ibe. Ai fegutoga bona'magitoga hiti minolata nohibe.

Romu 4:18

Abalahau ai'a naga'a bu megose minoto Hu'mau ma'naka nolibe luto lulata to keheli ule'ale huto Hu'mamofihi huto hilina kana'a geba huto mino'ehina. Yamu'i Hu'mau aimo babu noto noto bona'i afo'anifu le'mo ho ti'ehina yabe. Ananamu'i mono bukugu fayahi mone ge'ahana: Bonaka tatakafu babu luto huto hilabe.

Romu 4:2

Ai hetofa suhi babu luto hulata mino'ehina'mu lamana bo nohane lutita Abalaha gufa'a limo titi hutita'mu yabe. To Hu'mamofihi bulo gufa'a limo titi mehilina'mu yabe.

Romu 8:11

To Hu'mamofihi Sikalafu'i Yesu fili'ehinaguti le'mo ho ti'ehinauba lenali komopatinigu nominenogomo ya'ma Kilisito le'mo ho ti'ehinauba komopatinigu minoto lenugufatini fililinalo kosaba'i le'mo huto hilina'mu yabe.

Romu 9:11

Yata'a etali huto mehi'aha'igo to hapa'atiti hetofanafi sibinafi huto mehuse Hu'mau Lepekahi ma luto lu emi'ehina: Yege pana'uba gona'amofihi kele kele'i hu etalibe luto lu'ehina. Ya huto Hu'mau mone pana'amofihi hapa'a bu goto bati huto yabe luto le'mo ho ti'ehifihe? O'e. Ai foya'a ni'igo mone pana'a fuku luto nani bona'ni yabe luto li gehe li'ehina yabe. Hena'mube? Hu'mau ya huloto asaga bona'magihi li gehe li'ehinamu enelepilube'mu nohibe.

Romu 9:26

To mone melugu bona kumu, lenali bona'ni menehabe luto yata'a lu'ehinago aku analo enali kumu Hu'mau minoba minoba hu'ehina bo, ai'a yagapana'a nehabe luto ya lilibe.

1 Koliti 1:28

To bona'magihi enubulo limite nehana'a ya'ma Hu'mau elesa molo epilata nohibe. Hena'mube? Bona'magihi enubulo enikibina lolo hite mina'ahana'a hiti to fa'menena'a hiti enali Hu'mau lukesa'ani sigilata hilibe luto enele'mo laba hilina'mu yabe.

1 Koliti 15:45

Ya hu'ehina'mu mono bukugu ma lite fayahi keye'ahanamo ni'ibe: Yege bo Atau ya'ma meha'a hiti lolo huto minolata hu'ehinamo yanamofihi afo'afu lolo huto mino'ehina. To aliha'a Ata tegi bo gi'a Yesu ai'a amuya moloto minoba minoba hilutanamofihi afo'afu lolo huto mino'ehina.

1 Timoti 6:13

Ana'ina li huto hu'ehina bo Hu'mamofihi gobisalo to gamani bo, Ponitiasi Pailatihi maha'aga ai'a hetofa hapa'amu lu huto hu'ehina bo, Yesu Kilisitohi gobisalo ya'ma luto lu moloto nolube.

Hibulu 11:12

To yamofihi ya'ma bona'i monekoluguti pulu tilatanamofihi amuya'a su ho'ehinalo aitogati yagapana'a pulu ti'ahana enali kokulumatoga sonofi'i mineme bite ete samahi netina yanamofihi babeyafalo to hege nagami beleha'aga kehe'i ni'ina ya suhi huto bona'magita leka so su mehaluta Abalahahi tata'amagihi legegeto huto helite bi'ahana.

Hibulu 11:3

Koyapa'i ya'ma Hu'mamofihi ka'alo metoga nasana kokulumagu nasana hiti bu golata nohuta nasana huto hu'ehinamo yamofihi bu megose suhi hinaguti huto hu'ehinamo ni'ibe, luto keheli ule'ale huto minototi keheliya ito keheli'ohune.

Hibulu 11:7

To Noa ai keheli ule'ale huse'na'a hiti bo mino'ehina Hu'mau alihi lipoti molo emilago ekesa kehelito kohe toto ka'a ekesa lito lu emigo Noau ya'ma kagalo keheli amuya moloto yagapana'a hiti enubuto bito minalabe luto ya'ma luloto nagamilugu boti sipi'a lolo hu'ehina. Ya huloto Noau Hu'mamofitoga agoya hu emito keheli ule'ale hilata yana'mu Hu'mau lamana bo nohane luto lu molo'ehina yauba ya'ma melugu bona'i foipana li'ahana'amagihi enifisa i'ehina suhi huto mino'ehibe.

1 Pita 2:10

Koyapa'i lenali Hu'mamofihi bona'a memine'ahana. Yatai ya'ma Hu'mamofihi naga'i lolo hite neminabe. Koyapa'i lenali mino bati hite memine'ahana. Yatai ya'ma Hu'mau ginaga fi limise bomofihi komopa'agu nehabe.

2 Pita 3:8

Komopa'ani lepi'ohuna bona'ise. Ana'ina mone ma'asi keheligopa napa mehilo. Sipi Bouba ai kana moneko'i keheligo kufu babu luto mone tauseni ya legi lolo higo lolo hulata nohibe. To kufu mone tauseni yamofi kumu keheligo kana'a moneko'i lolo hulata nohibe.