Romu 4:15 - Ka Lamana'a Monoꞌi Lu Mu Tifiꞌehina Ka Yabe

¹⁵ Ana keya ka ni'inogo bona'mofihi foipana'ani huto hilina'mu to Hu'mau hima muhi fi epalalibe. To keya ka meni'inogo bona'magi keya ka mege'i memelete pelesa ilatanamo meminalina'mu yabe.

Romu 4:15 ပူးပေါင်းရင်းမြစ်များ

Yoni 15:22

Nani enalitoga limito huto huto kaga lu meepi'ohunalo ni'itita enalitoga foipana'ani mino meepalatita'mu yabe. To ka foya melilina'mu yabe. Ya hu'ehinaya foipana'ani hena hena hite he'milana ni'ibe?

Yoni 3:36

Bo moneuba Hu'mamofihi Pana'a komopa'a emito gi'a liyafa hilina bati huto minoba minoba hilina'mu yabe. To bo moneuba Hu'mamofihi Pana'a kaga'a keheli meemilina to mege'i memalalina ya'ma Hu'mau hima muhi fi etenogo minoba minoba hepa'i melilina'mu yabe.

Romu 1:17

To ya'ma hetofa ka lamana'auba foipa bona'i Hu'mamofihi bu'alo enele'mo bati hilina ya'ma lelepi'ehina yabe. Hapa'a henana ni'ibe? Yata'a hiti to aliha'a hiti bona'magi Yesutoga komopa'ani emite nehago enele'mo bati hilina. Ya'ma ka lamana'a hapa ni'ibe. To koyapa'i mono bukugu fayahi ge'ahana ma ni'ibe: Bona'i moneuba Hu'mamofitoga keheli ule'ale huto agoya hu emigo, ya'ma bomofihi Hu'mau bebe sose bo nohibe luto mino kosaba huse'na emilina'mu yabe.

Romu 5:13

Yata'a asaga melugu bona'magihi foipa faipana hi'ahana. Alihi Hu'mau keya ka lu molo'ehina. To kohe toto keya ka lu meepina kanagu Hu'mau foipana'ani leka meso'ehibe.

1 Koliti 15:56

Foipa nasanauba ya'ma fililata nasanamofihi ufehe neka'a lolo hu'ehibe. To keya ka li'ahana kaga'mu yabe luto foipa nasanauba lelepito amuya hiti lolo hu'ehinaya Hu'mau ai Sipi Boti Yesu Kilisitohi lu emilago foipa nasana be ligilata nohina amuya limilata nohinagi, ya'mu fokehi nolune.

Galesia 3:10

To Moseu keya ka lu'ehina kagagu bi felelete ai mege mege nehana bona'i enali gumi'ani tinago salafa'a minalana'mu yabe. Hena'mube? Yamofihi mono bukugu ya'ma lite fayahi keye'ahanamo ni'ibe: Moseu keya ka lu'ehina kaga yege yege'na ni'inagi yamofihi mone nesi kegi'a mege'i memelese he'milana'a enali gumi'uba ho epalalibe.

Galesia 3:19

Yamofihi ya'ma keya ka lu'ehina ka'a ya'ma hena'mube? Lu laga hu'ehina'mu ana'ina foipana lolo hulata nohutamofihi hapa'a lu huto hilibe luto nolelepigo Hu'mau molo'ehinamo ni'ibe. To molo lito buto minoto yamofihi lele'mo hetofa hilibe luto lu eto'ehina bo Abalahahi pana'a Yesu Kilisito huto hulenogo keya kamofihi kana su halibe luto lu'ehinamo ni'ibe. To keya ka lu'ehina ka'amo ya'ma agelo luga'amagi kokulumaluguti limite folagahatigu nohina bo Mosehi yanugu melelago lu limi'ehinamo ni'ibe.

Efeso 5:6

To bona'i luga'amagi fi taga hi lepalalabe lite faga faga lite lu nelepinogo ka'ani mekehelilo. Foipa nasana yamofihi hite minelata nehananamu'i enali'i Hu'mamofihi keheli meemi'ahana bona'i enalitoga Hu'mamofihi ita bise'na huto hilina'mu yabe.

Kolose 3:6

To ya'ma suhi lite neminana bona kumu Hu'mau sipi ka epekilina'mu yabe.

1 Yoni 3:4

Foipa nasana lilata yanauba Hu'mau lu laga hu'ehina ka'a ligofa ho he'milata nasana ni'ina mone'amagi enali foipa nasana nelinogomo enali'i Hu'mau lu laga hu'ehina ka'a ya'ma ho hauta hi'ahabe.

Huto Hilina Ka 19:15

Bagaguti ya'ma emita'i mone yatamalo sage'a limito mino'ehina anatu ya'ma noto noto bona'i enohoto enebe ligilibe. To aeoni fatusa mone li'ohuto kaba hu epalalube'mu hibe to enali ya'ma bai nagami'i legeya'a i sala kolenogo nogoya'a limilata ya suhi huto Hu'mau amuya bo ai ita bise gofana laga mehinana'a li huto huto foipa bona'i i sala ko epoloto suhi huto pa solata foya lilube'mu hibe.