Romu 4:14 - Ka Lamana'a Monoꞌi Lu Mu Tifiꞌehina Ka Yabe

¹⁴ Bona'i moneuba keya kasigo mege'i malalinaya Humau kaga molo'ehinamofihi keheli ule'ale huse'i hapa'a fenene hitita'mu yabe. To Hu'mau kaga lu molo'ehina'a hiti fenene hitita'mu yabe.

Romu 4:14 ပူးပေါင်းရင်းမြစ်များ

Romu 3:31

Ya nohina'mu lali agoya hu emiloto keya kamofihi lu laga hilupi? O'e, ya huto meni'ibe. Lali Hu'mamofihi agoya hu emiluta ni'igo to keya kamofihi le'mo ho ti fefe lilune.

Romu 4:16

To Hu'mau lu molo'ehina ka hapa'a henana ni'ibe? Lali aitoga keheli ule'ale huse'na ya ni'ibe. To hena'mube? Ana kagamo fa'mene limi'ehina suhi huto Abalahahi yagapana'a asaga'magihi hiti ana kaga molo epolo'ehina. Lali Yuta bona'i keya ka mege'i nomalaluta bonatoga hiti to Abalaha suhi luto Hu'mamofihi agoya hu emise bonatoga hiti ya'ma kaga molo leto'ehina yabe. Abalahau ai lali asaga bona'magita afotifu nohinagihe. Hena'mube? Ai Hu'mamofihi keheli ule'ale hu'ehina yamofihi lelepi'ehibe.

1 Koliti 1:13

Yamofihi hena hena hu'ehibe? Enali Kilisitohi loko hi'ahago pana'alobomagihi hiti loko hi epele'ahana ni'ifihe? To Poluita, nani lenali kumu yabe luto malipu yafalo fili'ohufihe? To Poluita nani nigi'niuba ho hauta holago mono nagami'i fele'ahafihe? Ya huto meni'ibe.

Galesia 2:21

Yesu nofilito Hu'mamofihi lehe'mose'na'a nele'mo hetofa hu'ehinamo ni'igo ya'ma li sibina huto he'miluna'a meni'ibe. Lu laga huto lu'ehina ka'a ema'alo keheliloto foipanati meminago Hu'mamofitoga lele'mo lamana higo mino'ehinalo ni'itita ya'ma Kilisitou ai'a fili'ehina'a fa'menena lolo hitine.

Galesia 5:4

Lenali luga'amagi keya ka kehelinogo foipanati meminenogo Hu'mamofihi bulo lamana bona'i nohune lite nelana lenali Kilisito hiti hepite mu tifi'ahanamofihi laga hilete nehago aitogati lenehe'mose'na'a nehe'mibe.

Filipai 3:9

To nani yatai aitoga mino hepiloto Moseu lu laga hu'ehina kamofihi mege'i molo'ohunalo Hu'mamofihi bulo bati huto minaluna meni'ibe. O'e, Kilisitou nele'mo bati hilibe luto ai kumu keheli amuya molo'ohunalo Hu'mamofihi bulo bati huto nominobe. Hu'mau anana'mu foipana'ni li he'mi netoloto nele'mo bati hu'ehinagihe.

Hibulu 7:19

Moseu keya ka lu'ehina kauba buto li hetofa hinogo minaluta nasana li huto holito mebu'ehina. To yanamofihi be liginogo fifa ilatana kosabaluguti manuhi epilatanamofihi lamana'a li huto hu'ehina yauba manuhi limigo Hu'mamofihi okaba'aga lebato bulata nohune.

Hibulu 7:28

Moseu keya ka lu'ehina ka'alo ya'ma bomagihi komopa'ani mone bati mehu'ehina bo enali mamufa gilata bona'i minalabe luto lu epoloto enele'mo ho ti'ehinaya, Moseu keya ka lu'ehina kamofihi gupisalo ya'ma Hu'mau le'mo amuya moloto lu laga hulata nohina kaga'a yauba ai'a pana'a ya'ma bu segito hetofa huto nominana bo minomo buto mino yatama huto minalina'mu yabe.