Romu 4:13 - Ka Lamana'a Monoꞌi Lu Mu Tifiꞌehina Ka Yabe

¹³ Koyapa kanagu Hu'mau Abalahahi kaga lu emi'ehina: Asaga hepa'i hiti me'mo hiti yagapanakamagihi epilube luto kaga molo'ehina. Abalahau mone keya ka mege'i molo'ehinamu'i Hu'mau ya'ma kaga molo emi'ehinafiye? O'e. Abalahau agoya hu emi'ehinogo lamana bo nohibe luto ya'ma Hu'mau kaga lu molo eto'ehina.

Romu 4:13 ပူးပေါင်းရင်းမြစ်များ

Aposolo 13:32

Ya'mu luto lali yatai lenalitoga ka lamana'a ma luto lu epilune luto noone. Ya'manana koyapa'i Hu'mau tatatigi epilube lu'ehinana yatai lali panana'animagita alimi'ehibe. Mono nama buku kupa'agu 2 enali keye'ahana Yesuhi le'mo ho tilibe luto mono kagu ma luto ni'ibe: Kai nani pana'ni nohane. Yatai'isi kai afokafita lolo hu'ohube.

Romu 4:12

To Abalahau ai ana huto bona'i luga'a enugufa'ani laga hi'ahanamagihi afo'anifu nohibe. Enugufa'ani laga hi'ahana yamofi kumu afo'anifu nohifiye? O'e, Yata'a Abalahau gufa'a laga mehu'ehina kanagu Hu'mamofihi keheli ule'ale huto mino'ehina suhi luto enali neminana'mu afo'anifu nohinagihe.

Romu 9:8

Ya'ma kaga hapa'a ma ni'ina, asaga Abalahahi yagapana'a Hu'mamofihi lusi bona'a menehabe. Hena'mube? Hu'mau Abalahahi pana'a moneko kumu kaga bebe sose ka molo'ehina yabe. To ya'ma pana'asigo ketalina yagapana'magihi enali'anigo Abalahahi lusi naga'i nehana yabe.

Galesia 3:29

Lenali Kilisitohi naga'i lolo hi'ahana ni'inogomo yana'mu Abalahahi panana'a lolo hite nehite Abalahahi yogo fe'nohi Hu'mau molo etalube luto lu eto'ehina ya'ma asaga'magita lenali'na lolo hilube'mu hibe.

Hibulu 11:7

To Noa ai keheli ule'ale huse'na'a hiti bo mino'ehina Hu'mau alihi lipoti molo emilago ekesa kehelito kohe toto ka'a ekesa lito lu emigo Noau ya'ma kagalo keheli amuya moloto yagapana'a hiti enubuto bito minalabe luto ya'ma luloto nagamilugu boti sipi'a lolo hu'ehina. Ya huloto Noau Hu'mamofitoga agoya hu emito keheli ule'ale hilata yana'mu Hu'mau lamana bo nohane luto lu molo'ehina yauba ya'ma melugu bona'i foipana li'ahana'amagihi enifisa i'ehina suhi huto mino'ehibe.

Hibulu 7:6

To Melekisitekiu ai ya'ma Libaihi li gehesaguti huto hu emi'ehina bouba ya'ma Abalahahi ana'ina'a silaga'i nayahi su hola hola higo ni'inaguti ya'ma moneko moneko'i li'ehina. Ya huloto'a Hu'mau lu eto'ehina nasana le'mo hetofa higo li keheli'ehina bo Abalahahi ya'ma lusa gito molo eto'ehina.