Romu 4:11 - Ka Lamana'a Monoꞌi Lu Mu Tifiꞌehina Ka Yabe

¹¹ Alihi Abalahau gufa'alo laga hu ete'ahago mino'ehina. Anana hena ni'ibe? Abalahau Hu'mamofihi keheli ule'ale hu'ehigo Hu'mau lamana bo nohane lu'ehina. To ya'ma alipo gufa'a laga huto molo'ehinamofihi keya'a suhi huto hu'ehina. Ya huto Abalahau kohe toto asaga bona'i enugufa'ani laga mehuse'namagi Hu'mamofitoga keheli ule'ale hite mine'ahanamagihi afo'anifu nohibe. Ana bona'magi Hu'mamofihi bulo bebe sose'i nehabe.

Romu 4:11 ပူးပေါင်းရင်းမြစ်များ

Matiu 16:16

Ya ligo Simoni Pitau ka'alo nona'a lu'ehina: Kai Hu'ma nominanamofihi pana'a le'mo ho ti'ehina bo Mesia nohane.

Matiu 8:11

Lenekesu meheno. Asaga'i yege notinagati noliminagati fato fato hepatogati ete'ani Hu'mamofihi kapo'alo Abalahagi, Isakagi to Yakopugi li nupa hilete minete'ani nose'na nalabe.

Luku 19:9

Ya ligo Yesu ma luto Sakiasi kumu lu emi'ehina: Yatai kaika naga'i Hu'mau a'enele'mo'ehibe. Ya'ma bo hiti ai Abalahahi tata'afu nohibe.

Yoni 3:33

To bo moneuba kaga'a li pili kolotomo Hu'mau ma'nakago lulata bo nohibe lulata nohibe.

Yoni 3:36

Bo moneuba Hu'mamofihi Pana'a komopa'a emito gi'a liyafa hilina bati huto minoba minoba hilina'mu yabe. To bo moneuba Hu'mamofihi Pana'a kaga'a keheli meemilina to mege'i memalalina ya'ma Hu'mau hima muhi fi etenogo minoba minoba hepa'i melilina'mu yabe.

Yoni 6:35

Ya lite lago Yesu lu epi'ehina: Enele'mo mino kosaba huse beleti nani'ni nohube. Bo moneuba nanitoga alinamofihi kau'na mehalibe. To komopa'a nanitoga nimilina bomofihi nagami kumu mebesilina'mu yabe.

Yoni 6:40

Afo'nifu ma luto keheli'ehibe. Asaga bona'i pana'a bu gelete komopa'ani emilanamagi mino kosaba hepa'i lilabe. Ya hinogo nani kokuluma hiti me'i hiti su halina yupahi enele'mo ho ti kosaba hiluna'mu yabe.

Yoni 6:47

Nani ma'naka lu nolepube: Bo moneuba nani'i keheli nimilina ai minoba minoba hepa'i bati'a lilina'mu yabe.

Yoni 8:33

Ya ligo enali li'ahana: Lali Abalahahi tata'agitamo nohune. Koyapa'i mone'a bona'magi koko pana'ani lali memino'ohuta yabe. Lenali lenubuto bilabe luto nolataba ya hena'mu nolane?

Romu 10:11

Yanamofi kumu enali mono bukugu fayahi keye'ahana: Bona'i moneuba Hu'mamofitoga keheli ule'ale huto komopa'a emiloto lesa meluse hetofana huto minalibe.

Romu 10:4

Hu'ma ho lifi'ehina bo, Kilisito, ai huto hu'ehigo keya ka mege'i molose'namu enele'mo bati hilina asu ho'ehibe. Ya su ho'ehinamu aitoga komopa'ani emite keheli amuya malago Hu'mau bona lamana'i enele'mo lolo hulata nohina yabe.

Romu 10:6

Aku'i kai Hu'mamofitoga keheli ule'ale huto komopaka emi'ahatalo kele'mo bati hilina'mu ma fayahi mono bukugu goto lu'ehina: Kai kiyi'afu kokulumagu tiloto lalitoga ka lamana'a hapa'a lito alibe luto melubo. To ana huto kiyi'afu keligu limiloto lalitoga ka lamana'a hapa'a lito alibe luto ya melubo, lite keye'ahana. To ya'ma fayahi hapa'a ma ni'ibe. Kai Yesu Kilisito kokulumagutifi, fili'ehinagatifi oto lehe'malina ya'ma sa sa mehubo.

Romu 3:22

Bona'i moneuba komopa'a Yesu Kilisitotoga molo emigo Hu'mau ana bomo le'mo bati hilibe. Ai asaga bona'i komopa'ani Kilisitotoga mele emi'ahanamagihi enele'mo bati hilibe. Hu'mamofihi bulo silaga bona'i moneko babeyafa hite nehago bu golata nohibe.

Romu 3:26

Yatai kana'alo Hu'mau bona'magihi foipana'ani he'mi epoloto enele'mo bati nohibe. Ya nohuto hapa'a bati huse'na ni'inamofihi lelepi'ehibe. To ana huto bona'magi komopa'ani Yesuhi keheli ule'ale hi'ahana'mu Hu'mau enele'mo bati hulata nohibe.

Romu 3:30

Hu'mau loe lae nohina bo menohibe. Yuta bona'magi aitoga agoya hu neeminogo enele'mo bati hilibe. To ana huto fegutoga bona'magi aitoga agoya hu neeminogo enele'mo bati hilibe. To ana huto fegutoga bona'magi aitoga agoya hu neeminogo enele'mo bati hilibe. To ana huto fegutoga bona'magi aitoga agoya hu neeminogo ai enali hiti enele'mo bati hilina'mu yabe.

Romu 4:10

To ya'ma kaga hiya kanagu lu'ehibe? Gufalo laga hu'ehina kanagu lu'ehifi to yata'a gufalo laga mehu'ehina kanagu lu'ehibe? Yata'a Abalaha gufalo laga mehuse kanagu Hu'mau lamana bo nohibe luto lu'ehina yabe.

Romu 9:30

Ya'mu lali hena kaga lilune? Ya'ma nokehelune. Fegutoga bona'magi Hu'mamofihi bulo bebe sose foya melilata nehana, enali Hu'mamofitoga keheli ule'ale hilata nehago ai enele'mo bati hu'ehina.

Romu 9:33

Hu'mau koyapa'i Yesu kumu suguna ka luto ana efapomu'i lipoti lu epi'ehina'mu mono bukugu fayahi ge'ahana ma ni'ibe: Bu galo. Nani Yuta bona'magihi Yiona hepalugu mone sipi efahi nomolobe. Enali efatoti figana futite, he kete enahalibe. To bona'i luga'amagi aitoga keheli ule'ale hilana, enali lesa'ani melise enofokehi lilabe.

Romu 9:6

To ya huto ni'igo Hu'mau bona'magihi kaga molo'ehinana huto mehu'ehina nolufihe? O'e, ya melu'ohube. Hu'mau Yuta bona'magihi asaga'i enele'mo nupa huloto enali naga'i folaganuguti bona'a mone'a fuku lu'ehina.

2 Koliti 1:22

To ai'a bona'a minalune luto komopatigu keya'a molo leto'ehinamo ni'ibe. Ai aliha'a lele'mo laga hina huto mino baga ilinamofihi babeyafa'a lolo huto ya'ma ai Sikalafu'a komopatigu molo letago mino'ehinamo ni'ibe.

Galesia 3:22

Ya hu'ohutaya lali melugu bona'magita asaga'i foipanamofihi amuya nagalugu nohutogo yamofihi hapa'a mono bukuguti li huto hite mele'ahanamo ni'ibe. Ya hulago yana'mu ya'ma Yesu Kilisito kumu luto keheli ule'ale huto agoya hu emutogo lenubuto bilube luto lu molo leto'ehina yamofihi legeya'a liluta ahuto ni'ibe.

Galesia 3:29

Lenali Kilisitohi naga'i lolo hi'ahana ni'inogomo yana'mu Abalahahi panana'a lolo hite nehite Abalahahi yogo fe'nohi Hu'mau molo etalube luto lu eto'ehina ya'ma asaga'magita lenali'na lolo hilube'mu hibe.

Galesia 3:7

Ya'mu ma lite kehelilo. Hu'mamofihi agoya hu emilata nehana'a enalisigo ya'ma Abalahahi panana'a lamana'a nehabe.

Galesia 5:5

To lali ya'ma Hu'mamofihi Sikalafu'mofihi keheli ule'ale hu'ohuta'mu yabe luto foipanati meminenogo Hu'mau lele'mo bati hu'ehina bona'i minalune luto yamofihi agoya hu etoto minolata nohune.

Galesia 6:16

Yagu'ya mineme bite mine'ahana'a lenalitoga Hu'mamofitogati fuluna'a to keke'i luse'na'a lenele'mo bebe sese'na minomo tito minalibe. Ya nehinogo Hu'mamofihi yagapana'a silagatoga ya'ma minalibe.

Efeso 1:13

To lenali ana suhi hite ka lamana'a Kilisitou lenubuto bilata bo nohina ka kehelite Kilisitohi keheli ule'ale hite agoya eminogo Hu'mau nani bona'ni minalabe luto ai'a Hetofa Sikalafu'amo lepi'ehina yabe. Koyapa'i lu molo'ehina suhi huto lepi'ehina ni'inagihe.

Efeso 4:30

Hu'mamofihi Sikalafu'a le'mo ipagu sibina mehilo, yamofihi lenigiki ka lite le'mo felu kalu mehalo. Hena'mube? Hu'mau alihi kana napa'a huto hulenogomo lenalimoya gulu hoto fi hetofa hu letalibe luto Sikalafu'a yaga osahi tegi huto lepi'ehina ni'ibe.

Filipai 3:9

To nani yatai aitoga mino hepiloto Moseu lu laga hu'ehina kamofihi mege'i molo'ohunalo Hu'mamofihi bulo bati huto minaluna meni'ibe. O'e, Kilisitou nele'mo bati hilibe luto ai kumu keheli amuya molo'ohunalo Hu'mamofihi bulo bati huto nominobe. Hu'mau anana'mu foipana'ni li he'mi netoloto nele'mo bati hu'ehinagihe.

Hibulu 11:7

To Noa ai keheli ule'ale huse'na'a hiti bo mino'ehina Hu'mau alihi lipoti molo emilago ekesa kehelito kohe toto ka'a ekesa lito lu emigo Noau ya'ma kagalo keheli amuya moloto yagapana'a hiti enubuto bito minalabe luto ya'ma luloto nagamilugu boti sipi'a lolo hu'ehina. Ya huloto Noau Hu'mamofitoga agoya hu emito keheli ule'ale hilata yana'mu Hu'mau lamana bo nohane luto lu molo'ehina yauba ya'ma melugu bona'i foipana li'ahana'amagihi enifisa i'ehina suhi huto mino'ehibe.

2 Pita 1:1

Simoni Pita nani Yesu Kilisitohi koko pana'a to aposolo nohuna bo, nani fayahi ya'ma nokoyobe. Afotifu, Hu'ma lamana hiti nohina bouba to Yesu Kilisitou lubuto bilata bouba lenele'mo bati higo lali suhi hite aitoga keheli ule'ale hilata'na mina'a suhi huto tito nohina'a bona'ise. Ya'ma koyoto nolepube.

Huto Hilina Ka 9:4

To enali melugu kifi yafa haya'a ya'ma bauna fite menalabe luto lu laga hu epolo'ehina. Bona'i Hu'mamofihi omiha'a enogobisalo meni'ilina'a enaligo ya'ma luba fi epalalabe luto lu epolo'ehina.