Romu 4:1 - Ka Lamana'a Monoꞌi Lu Mu Tifiꞌehina Ka Yabe

¹ To lali tatatifu Abalaha ai kumu hena ka lilune? Ai Hu'mamofitoga hena hu'ehina?

Romu 4:1 ပူးပေါင်းရင်းမြစ်များ

Matiu 3:9

Lenali lenipatinigu ma lite mekehelilo: Abalahau ai afotifu yabe, lali mino fu luse bona'i Hu'mau lifisa meilibe. Nani lu nolepube, Hu'mau ai ka'ma nina efahi liloto Abalahahi pana'a lolo hilina bati nohibe.

Luku 3:8

To lenali foipanatiniguti i gelehe hilanana'muko kehelite minalo. Ya hilenogo nelepilata bu galube. Lenalitiniguti ka mone lu ho tite Abalaha tatatifu yabe lite melilo. Lenali lenegekesa kehelite Abalahau kaba hu letalibe lite ya melilo. To nani lu nolepube. Hu'mau ma efahi lito Abalahahi tata'afi lolo hilibe.

Yoni 8:33

Ya ligo enali li'ahana: Lali Abalahahi tata'agitamo nohune. Koyapa'i mone'a bona'magi koko pana'ani lali memino'ohuta yabe. Lenali lenubuto bilabe luto nolataba ya hena'mu nolane?

Yoni 8:53

Lali afo'tifu Abalahau fili'ehibe. To kai be ligilube'mu nolapihe? To kaga lu huto hulata bo ana hite fili'ahanamo ninaya kai hena huse bo lolo hilube'mu nolane?

Yoni 8:56

Lenali afotinifu Abalahau nani huto hiluna kana'a bu galube luto gelo bi'ehina abu goloto fokehi aho'ehibe.

Aposolo 13:26

Abalahahi tata'agita to ma fegutoga bona'i hiti Hu'mamofihi agoya hu emilata nehanamagita nalalu'nigitase. Hu'mamofihi kaga'auba lali'i lele'mo lubuto bilibe lu'ehinana alimi'ehibe.

Romu 1:3

Hu'mamofihi pana'a lali Sipi Boti Yesu Kilisito yabe luto ai kumu ya'ma hetofa ka lamana'a ni'inagihe. Ai Tebitihi nagatogati o'ehina'a lusi bo nohibe.

Romu 3:5

Nani bomagi enekesa yigilata nehana suhi luto kaga nolube. Lali foipa faipa hapatiuba Hu'mamofihi bebe sana hapa'alo huto hilina lali henabe luto liluta ni'ibe? Hu'mau lali'i osahi noliminogo bati mehina suhi nohibe luto liluta ni'ifiye? Lali foipa faipa hapatiuba Hu'mamofihi bebe sana hapa'alo huto hilina lali henabe luto liluta ni'ibe? Hu'mamofihi hapa'auba lali foipanatilo nona'amofihi mina'a limilina ai ya bati huto menifihe?

Romu 4:16

To Hu'mau lu molo'ehina ka hapa'a henana ni'ibe? Lali aitoga keheli ule'ale huse'na ya ni'ibe. To hena'mube? Ana kagamo fa'mene limi'ehina suhi huto Abalahahi yagapana'a asaga'magihi hiti ana kaga molo epolo'ehina. Lali Yuta bona'i keya ka mege'i nomalaluta bonatoga hiti to Abalaha suhi luto Hu'mamofihi agoya hu emise bonatoga hiti ya'ma kaga molo leto'ehina yabe. Abalahau ai lali asaga bona'magita afotifu nohinagihe. Hena'mube? Ai Hu'mamofihi keheli ule'ale hu'ehina yamofihi lelepi'ehibe.

Romu 6:1

Yana'mu lali hena ka lilune? Hu'mau lele'mo bati hu'ehinaya lali foipana liba liba hulenogo ai'a lehe'mose'na'auba mone hiti huto hu letalina'mu yabe luto ya lilupi?

Romu 7:7

Ya'mu lali hena ka lilune? Ya'ma keya ka sibina hu'ehifiye? O'e, ya mehu'ehibe. Keya kauba nani foipana'ni li huto hu neto'ehigo keheli'ohube. To keya ka mone'mofihi kaga lu'ehina: Kai bomofihi ana'ina'a ni'inogo bu goloto kubunaga'i mehobo lu'ehina. Ya melutita nani foipanamofihi hapa'a mekehelutita'mu yabe.

Romu 8:31

Ya'ma asaga'na hu leto'ehinamofihi hapa'a henana ni'ibe? Hu'mau to lali hiti nominenogomo kiyi'afu loho fi talina bo nohibe?

2 Koliti 11:22

Enali'ani'mu Yuta bo nohune lite lilata nelago, nani hiti ana huto Yuta bomo nohube. Enali'ani'mu Isilaeli bona'i Hu'mau lele'mo ho ti'ehina'a nohune lite lilata nelago, nani ana huto lulata nohube. Enali aku'i ana hite enali'ani'mu Abalahahi tata'agita nohune lite lilata nehago nani analo enemege'i moloto lulata nohube.

Hibulu 12:9

To mone lilugi, metoga afotigi enali ya'ma segi osahi lahago lali kegeiyo mehuse enele'mo hofa toto agoya hu epi'ohutamo ni'ibe. To komopati afotifihi ya'ma ai maha'aga limito nohuto ya'ma bati hilube'mu nohibe. Ya hulototi mino hetofa hilinaga mino moloto minaluta'mu yabe.