Romu 3:31 - Ka Lamana'a Monoꞌi Lu Mu Tifiꞌehina Ka Yabe

³¹ Ya nohina'mu lali agoya hu emiloto keya kamofihi lu laga hilupi? O'e, ya huto meni'ibe. Lali Hu'mamofihi agoya hu emiluta ni'igo to keya kamofihi le'mo ho ti fefe lilune.

Romu 3:31 ပူးပေါင်းရင်းမြစ်များ

Matiu 15:6

Ya luloto ai ito'afinogo afo'afinogo etele'mo bati mehulata nohibe. Lenali ya'mana suhi li huto nehitemo Hu'mamofihi keya ka'a li gofa nehete lenali hapatinimofinogo li saga hilata nehabe.

Matiu 3:15

Ya ligo Yesu ka'alo ma luto lu emi'ehina: Ana'a hiligi ya meluto yatai kai lu nokumuna suhi hubo. Ya huto ya'ma kapolo li moloto hilu'inauba Hu'mau lu'ehinamofihi hinogo bati hilina'mu yabe. Ya ligo Yoniu Yesuhi kaga lina mege'i moloto nagami folo eto'ehina yabe.

Matiu 5:17

Lenali nani kumu'i Mosehi keya ka'a hiti to lu yege hose bona'magihi ka'ani hiti li he'milube luto o'ehibe lite mekehelilo. Nani li he'milube luto meo'ohuna ana kaga'a lu'ehinamofihi pa salibe luto o'ohuna yabe.

Matiu 5:20

Ya hu'ehina nani lenekesa nobube. Lenali Hu'mamofihi laga besina suhi hite hetofanaguti minalanauba Felosi bona'i hiti to keya kaga enelepise bona'magihi hapa'ani enebe liginogoko lenali kokuluma kapolo nehetilana'mu yabe luto Yesu lu epi'ehina yabe.

Luku 20:16

Ai buto enali enoho su holoto'a foyamo fato bona'mo epinogo kaba hilabe. Yesu ya luto lu epi'ehina kilihe'i yabe. Ya lu epigo boana'magi kehelilete ma li'ahana: Abo, ya'ma kaba bona'magi ya hilalafi? O'e, ya mehilabe.

Romu 10:4

Hu'ma ho lifi'ehina bo, Kilisito, ai huto hu'ehigo keya ka mege'i molose'namu enele'mo bati hilina asu ho'ehibe. Ya su ho'ehinamu aitoga komopa'ani emite keheli amuya malago Hu'mau bona lamana'i enele'mo lolo hulata nohina yabe.

Romu 2:20

To kai babafi bo, keheli sibina hu'ehina bona'mu kaga lu enelepito enehe'malapihe? To mone yagapanauba kaga mekehelise nominana'a suhi huto nohigo kai mono kaga lepilata nohapihe? Hu'mamofihi keya kaluguti lama'naka kaga hiti to keheli bati huse'na kaga hiti ya'ma bai tago ni'ibe luto lulata nohane.

Romu 3:4

O'e, ya huto meni'ibe. Fato fato bona'magi mi'i malalinafi, faga faga lilanaya aku'i Hu'mau ai'asigo ma'naka lulata bo nohinagihe. Mono bukugu Hu'mamofi kumu fayahi ge'ahana: Asaga kagaka fotogo huto ni'ibe. Ya hu'ehinago kai ka foyalo enele'mo ho tilata, kai kagauba enahalube'mu hibe. Enebe ligilina suhi huto ni'ibe.

Romu 3:6

Ya huto meni'ibe. Hu'mamofihi hapa'a bati mehitita asaga melugu bona'i kaga'ani loko mehitine.

Romu 4:14

Bona'i moneuba keya kasigo mege'i malalinaya Humau kaga molo'ehinamofihi keheli ule'ale huse'i hapa'a fenene hitita'mu yabe. To Hu'mau kaga lu molo'ehina'a hiti fenene hitita'mu yabe.

Romu 7:22

Nani Hu'mamofihi keya ka'amu komopa'nigu laga hina ni'ibe luto negelo nobube.

Romu 7:25

Lali Sipi Boti Yesu Kilisitou nehe'malina bo ai'asigo nohibe. Ai foipanamofihi hapa'auba amuya moloto he'mi netabe. Ya'mu Hu'mamofitoga negelo nobube. To nani ma huto nominobe. Nani Hu'mamofihi keya ka mege'i malalube luto keheli'ohuna nipa nohibe. To aku'i tafa komopa'niuba foipa hapa'alo mege'i moloto kele kele hu etolata nohibe.

Romu 8:4

To lamana ka molo'ehinamofihi liyafa hite mege'i malalabe luto lu'ehina. Hena'mugope lali koyapa'i mino'ohuta suhi huto yatai menohune. Lali kosaba kapolo mege'i nomolone. Sikalafu'mofihi kapolo nomolonogo keya kauba lamana suhi hilo lulata ya'ma hetofa kamofihi lali kehelito ya huto nominone.

1 Koliti 9:21

To fegutoga bona'i enali Moseu keya ka lu'ehina ka mekeheli'ahana bona'i Kilisitotoga enele'mo malalube luto fegutoga bona'magi enalitoga mino moloto keya ka mekehelise bo suhi huto lolo huto mino'ohuna. Ya'ma Hu'mamofihi bulo ya'ma ai'a lu'ehina ka'a mege'i memalalube luto melilube, nani'ni Kilisitou lu'ehina ka'a mege'i moloto keheliya i'ohube.

Galesia 2:19

To ya'ma keya ka lu laga huto lu'ehina kamofihi nagalugu mone memino'ohunaya keya kamu'i fili'ehina bo tegi huto lolo huto ana kamofihi nagalugu menominobe. Hu'mamofi kumu yabe luto minalube luto ho ti'ohunamo ni'ibe. Nani anamofihi foipana lilata nohuna'mu Kilisito hiti malipu yafalo fili'ehina moneka le'ehe'ahana lolo hu'ehinaya.

Galesia 2:21

Yesu nofilito Hu'mamofihi lehe'mose'na'a nele'mo hetofa hu'ehinamo ni'igo ya'ma li sibina huto he'miluna'a meni'ibe. Lu laga huto lu'ehina ka'a ema'alo keheliloto foipanati meminago Hu'mamofitoga lele'mo lamana higo mino'ehinalo ni'itita ya'ma Kilisitou ai'a fili'ehina'a fa'menena lolo hitine.