Romu 3:25 - Ka Lamana'a Monoꞌi Lu Mu Tifiꞌehina Ka Yabe

²⁵ Hu'mau pana'a Yesu Kilisito ho lifigo malipu yafalo fili'ehinamo'mu bona'magi aitoga komopa'ani neeminogo ai enele'mo bati hilina'mu yabe. Koyapa'i Hu'mau foipa bona'i enegeba huto foipana'ani bu go falaga falaga moloto osahi meepise fa'mene mino'ehina.

Romu 3:25 ပူးပေါင်းရင်းမြစ်များ

Yoni 6:47

Nani ma'naka lu nolepube: Bo moneuba nani'i keheli nimilina ai minoba minoba hepa'i bati'a lilina'mu yabe.

Aposolo 14:16

To ma'naka luto koyapa'i Hu'mau asaga boana'i enemeha'anilo he'mi epalago bila ela hite fato fato'i mine'ahana.

Aposolo 15:18

Ya'mana kaga koyapa'i Sipi Bouba ai'a lu hokolo hu'ehina kaga yatai hiti ai'a nolibe.

Aposolo 17:30

Koyapa'i kaga keheli bati mehuse kanagu yatai kana'alo li huto nehanamofihi li huto nehanamofihi li huto hilata hi'ahana Hu'mau bu go he'mi'ehina yabe. To yatai ai asaga bona'i ma luto lu noepibe: Lenali foipana li huto nehana he'mi su helete komopatini i gelehe hilo.

Aposolo 2:23

Koyapa'i Hu'mau ai'a ekesa yigito mololoto ai ya'mana bo Yesuhi lenali lenayanugu molo'ehina yabe. To enali kaga li gofa hose bomagihi enayanugu meleletetini malipu yafalo hago fili'ehina yabe.

Aposolo 3:18

Ya hi'ahana koyapa'i Hu'mau kaga mone ma luto kaga lu yege hose bomagihi enabagalo lu'ehina, Mesia'nifu ai gabu gise'na li kofilibe. Ya lu'ehinalo lenali ya'ma suhi li huto hi'ahanauba ana kaga baga i'ehibe.

Aposolo 4:28

Enali asaga'i monekolugu li nupa hilete asaga'na koyapa'i li huto hilabe luto amuya kaga lu'ahata ai anana huto hilina'mu yabe.

Romu 2:4

Hu'mau bona'magihi hetofa hu epalalina hiti eniginaga filata nohina hiti ni'ina'mu kai o'e luto kemegesa hu emito nominane ya huto ni'ifihe? Hu'mau kai kumu keke'i nolu ketoto komopa'a i gelehe hilibe luto noluna yamofihi kegeba huba huba nohinaya menokehelipi? Komopaka i gelehe huse'naka yamofihi geba huto yatama kana nominabe.

Romu 3:26

Yatai kana'alo Hu'mau bona'magihi foipana'ani he'mi epoloto enele'mo bati nohibe. Ya nohuto hapa'a bati huse'na ni'inamofihi lelepi'ehibe. To ana huto bona'magi komopa'ani Yesuhi keheli ule'ale hi'ahana'mu Hu'mau enele'mo bati hulata nohibe.

Romu 5:1

Lali Hu'mamofihi keheli ule'ale hutogo ai lele'mo bebe so'ehibe. Yana'mu Sipi Boti Yesu Kilisitou lalitoga hu'ehinanamu'i Hu'mau yatai lele'mo fulu nohibe.

Romu 5:11

To ya'ma anasigo meni'ibe. Yesu lali hiti Hu'ma hiti lele'mo hepito lalu'agita lolo hu'ehigo ya'mu luto lali sipi legelo nobune.

Romu 5:18

To bo monekomofihi foipana'auba asaga boana'i enifisa ito ka foyagu enele'mo molo'ehinagihe. To ana huto bo monekomofihi ya'ma Kilisito bebe sose suhi hu'ehinanauba asaga bona'i filise'namofihi nagaluguti gulu ho epoloto mino kosaba huse'na fa'mene epilata nohinagihe.

Romu 5:9

To ai fililoto golaha'atu mina fi letoloto Hu'mamofihi bulo lele'mo bati bona'i lolo hu'ehibe. Ya huto'a mone'a hiti lehe'menogo lali foipanatimofihi nona'a meliluta'mu yabe. Hu'mamofihi hima muha'aguti lele'mo lubuto bilibe.

1 Koliti 5:7

Ya hu'ehina'mu yisiti'mu sa sa hite loko hite li he'mi su henogo nebinogo legeya'a laga'a hiti lolo hilo. Lenali ya hilete yisiti nasana meni'ina beleti, Pasa nose'na nalana yupapogu nonotanana hetofa suhi huto minalabe. To hena'mube? Lali lubuto bilatana sipisipi yaga Kilisitohi ya'ma lali foipana'mu yabe luto fili'ehinamo ni'ibe. To ya'mu aiya lali Pasa nose'na nalata yupapogu holata nohuta sipisipi yaga suhi huto nohibe.

2 Koliti 5:21

Kilisito ai foipana'a meni'ina bo ya'ma Hu'mau lali kumu luto lali foipanati ai gupisa'alo molo eto'ehina. Hena'mube? Ya'ma lali Kilisito hiti i hepiloto Hu'mamofihi bulo fotogo huto minalune luto yamofihi lolo hu'ehina.

Efeso 1:7

Kilisitou aiya golaha'atu mina fi letoto foipana nagaluguti gulu ho letalibe luto foipanati li he'mi letalibe luto fili'ehinamo ni'ibe. Ya'mu Hu'mau lalitoga mehi limise'na'a sipi nohina keheli'ohune.

Efeso 2:13

Lenali ana kanagu foto'i mine'ahana bona'i yatai Yesu Kilisitotoga hepite minago Kilisitohi golaha'auba lenele'mo gegisa'agu lenele'mo malago Hu'mamofitoga nehetite nehabe.

1 Timoti 1:15

Yesu Kilisito aiya bona'i foipana'aniloti enubuto bilube luto melugu limi'ehina yanamofihi legeya'a lamana'a ni'ibe. Asaga'i kehelilata nasana'a ni'ibe. Ana'ina foipa lilata nehana bona'magihi nani enebe ligi'ohuna bo nohube.

Hibulu 10:4

Kuguhi koyolatana'mu to lokiya fi emilatana'mu mememagihi to bulumakamagihi golahi heki'ahana yanauba bona'magihi foipana'ani nokala hu epalalina'a to he'milina'a mone meni'ibe.

Hibulu 11:14

Kaga'a ya'ma lite lilata nehana bona'magi koto hepa'ani mone li huto hilune'mu komopa'anitu kehelite mine'ahana yamofihi mino kosaba huse hepa'i huto hilina'a geba nehabe.

Hibulu 11:17

To Hu'mau Abalahahi fi taga hu etago keheli ule'ale hulata bo nohibe luto Isakahi lepa ito kuguhi koyo emilube luto keheligo amuya molo'ehina. Ai'a yagapana'amu Hu'mau lu molo eto'ehina kaga ya'ma li pili koto keheli'ehina bo nohinaya pana'a moneko'i ya'ma lepa ito kuguhi kayalube luto keheli moneko hu'ehina.

Hibulu 11:7

To Noa ai keheli ule'ale huse'na'a hiti bo mino'ehina Hu'mau alihi lipoti molo emilago ekesa kehelito kohe toto ka'a ekesa lito lu emigo Noau ya'ma kagalo keheli amuya moloto yagapana'a hiti enubuto bito minalabe luto ya'ma luloto nagamilugu boti sipi'a lolo hu'ehina. Ya huloto Noau Hu'mamofitoga agoya hu emito keheli ule'ale hilata yana'mu Hu'mau lamana bo nohane luto lu molo'ehina yauba ya'ma melugu bona'i foipana li'ahana'amagihi enifisa i'ehina suhi huto mino'ehibe.

Hibulu 9:28

Kilisitou ai ana huto kana moneko'i silaga bona'magihi foipana'ani ai gupisalo tigo he'mu kito Hu'mamofihi kuguhi koyo emiloto fili'ehina. Aku'i foipa nasana li su halibe luto ni'igopa aimofihi geba hite fifa ite minelata nehana bona'i Kilisitou enubuto bise foya aliha'a li su haluna'mu yabe luto aku'i kokulumaluguti limito huto hilube'mu hibe.

Hibulu 9:5

Ifo'alo ya'ma Hu'mamofihi fana mehena'amofihi babeyafa'alo kene'i loemale'i etali foipana okala hu epololata hitalo ya'ma koke'na'atititu lite ifi telete mine'aha'ina. Yamofihi ka'a yatama hu lalibe luto asaga'na ana'ina'mu molo emito lu su mehaluna'mu yabe.

1 Yoni 1:10

To ai foipanatini lilata nehabe luto noligo lali foipanati mehu'ohune luto nolutoti ya'ma Hu'mamofi kumu fagalo bo yabe luto lulata nohuto to ya'ma ai kaga'a komopatigu meminalina'mu yabe.

1 Yoni 2:2

Kilisitou ai'a ya'ma foipanati'mu Hu'mamofihi le'mo fulu hulata bo nohibe. To ya'ma lali foipanatigo ya hu letalata meni'ibe. Noto noto bona'i silaga kumu yabe luto foipana'ani li he'mi epololata bo nohibe.

1 Yoni 4:10

Komopati epilata'namofihi hapa'a ma huto ni'ibe. Lali kohe toto komopati meemi'ohutogo ai'a ya'ma komopa'a limito pana'a ho lifigo limi'ehina foipanati su halinamofihi kapo bili leto'ehina.

Huto Hilina Ka 1:5

to Yesu Kilisito aitogati ya'ma lehe'mose'na to fuluna'a lenalitoga mino moloto minalibe. Yesu ai ya'ma Hu'mamofihi ka'a beto huto ligo ule'ale nohina bo to kohe toto pana'a filise'naguti ho tise'na yamofihi lamana baga'a to noto noto kaba bona'i Sipi Botini lenali bo lenogotinifu kaba huto nohibe. Ai komopa'a limito ai'a golaha'atu foipanatiguti li okala hu leto'ehinamo ni'ibe.

Huto Hilina Ka 13:8

To melugu bona'i asaga'i enali enalapusa fi emi'ahana keke bake li etalabe. To luga'a enigi'ani ya'ma sipisipi nala'a he fili'ahana ai ya'ma enemeha'a minoba minoba nehana bona'magihi enigi'ani koyo'ehina bukugu koyapa'i me'i huto mehu'ehina kanalo fayahi koyoto molo'ehina enali'anigo ya'ma akafu yagakafa ya'ma ya suhi mehi etalana'mu yabe.

Huto Hilina Ka 20:15

To ana bona'i ya'ma enigi'ani amuya minoba minoba nehana bona'magihi enigi koyo molo'ehina bukugu meni'ina'a enali ya'ma logomofihi hefuha'agu kala efahi logogu loto ni'inagu fitu fo he'migo limite mine'ahana.

Huto Hilina Ka 5:9

Nama kosaba'i mone ma lite li'ahana: Kai bati bo nohatagi kelebe gi'ahana pepamo lito naga'i gulu foto li paka salata babeyafa huto nohane. Kai kahago filito kai golahakatu bona'i asagatoga fato fato bona'i to fato fato enonogo hiti to fato fato enugufa hiti to fato fato metoga bona'i mina fito enele'mo fato fato huto Hu'ma nohinaga enele'mo molo'ahatamo ni'ibe.