Romu 3:2 - Ka Lamana'a Monoꞌi Lu Mu Tifiꞌehina Ka Yabe

² O'yo, bati hu'ehibe. Hena'mube? Hu'mau yata'a kaga'a Yuta bonatoga molo epolo'ehina. Yuta bona'magi Hu'mamofihi hapa'a akehelite agoya hu emi'ahana yabe.

Romu 3:2 ပူးပေါင်းရင်းမြစ်များ

Yoni 5:39

Lenali mono bukugu fayahi keye'ahanamofihi mino kosaba hilana limilibe lite ana fayahi loko luku hite asaga kaga go'ehina bu gelata nehabe. To ya'mana fayahuba nani hapa'ni kumu lu huto huto lu lepilata nohibe.

Aposolo 7:38

Ya'mana bouba Isilaeli bona'i ka melugu ai hiti li nupa hi'ahana. Ai tatatigi hiti to agelouba Sainai kosagu Moseu hiti kaga li'ahana yabe. Hu'mamofihi kaga'a minoba minoba huse'mofihi liloto ya'ma lalitoga lu limi'ehina bo nohibe.

Romu 1:2

Koyapa'i Hu'mau kaga lu huto hulata bona'magihi ya'ma hetofa ka lamana'a molo epigo to ana kaga mono bukugu fayahi ge'ahana yabe.

Romu 2:18

To kai hetofana hiti foipana hiti ni'igo fuku luto foipana li he'mito ya hilata ni'ifihe? To kai Hu'mau laga besi'ehina'amofihi kehelito to keya kaluguti bebe sose hapa'a kehelito hulata nohapihe?

Romu 3:1

To ya hu'ehina Yuta bona'magi fegutoga bona'i enebe ligi'ahanafiye? To Yuta bona'magi enugufa laga hi'ahanamoya enali kumu bati hu'ehinafihe?

Romu 3:3

To ana Yuta bona'i mone'amagi mono kaga mege'i memele'ahago Hu'mau kaga lu molo'ehinana asaga'i huto mehilifihe?

Romu 9:4

Hena'mube? Enali Hu'mau enele'mo ho ti'ehina bona'i nehabe. Ai enali'i mehuba hina'a pana'ni nehabe luto to sipi fana meha'agu enele'mo molo'ehina. Ai agoya hu niminogo'ni kaba hu lepalalube ya'ma kaga luto lu molo'ehina. Ai ana huto keya ka lu epito molo'ehina. Enali Hu'mamofihi gi'a liyafa huse hapa lamana'a keheli'ahana. Ai enalitoga alihi le'mo huto hilina ka hetofana lu molo'ehinamofihi kehelite li'ahana.

1 Koliti 9:17

Foya ya'ma nani'ni negekesa kehelito li huto huto lutita yamofihi minomo buto mina'a lutita'mu yabe. Nani'ni negekesa kehelito meli'ohunamo ni'inago yamofi kumu ma luto ni'ibe. Hu'mau ana foya nugupilo molo netago lilata nohube.

2 Koliti 5:19

Lu limi'ehina'mu Hu'mau ai'a Kilisitohi ho lifigo oto minoto metoga bona'i asaga'i hiti ai'a hiti enele'mo ketipa ilube'mu huto mino'ehibe. Ya huloto foipana'ani li he'mi epololoto aku'i leka so su meho'ehina yana'mu ka foya melilina'mu yabe. To lele'mo ketipa iloto kaga'a ya'ma folagahatigu molo leto'ehinamo ni'ibe.

Galesia 2:7

Enali ma lite keheli'ehite: Hu'mau ai Pitahi ya'ma Yuta bona'i enalitoga ka lamana'a lu huto huto lu epilibe luto lu eto'ehinamo ana suhi huto nani ya'ma fegutoga bona'i enalitoga ka lamana'a lu huto huto lu epilane luto lu neto'ehina, enali ya'ma keheli'ahana yabe.

1 Timoti 6:20

Oho, Timotio. Ya'ma amuya nasana Hu'mau ya'ma kimi'ehina'a kaba hu bati huto lito minobo. To fa'mene kaga futu'a ya'ma bona'i luga'amagi lite nehite lali mono ka pelesa ilete ma lite lilata nehabe. Ananamofihi hapa'a akeheli su ho'ohune lite faga hiti enegekesa keheli sibina hilata nehabe. Ya'ma enali kagamofihi li he'mi'ohubo.

Hibulu 5:12

Lenali kana'a yatama mono ka kehelite biba biba hite minatita luga'a fi lehe tete giyaka giyaka lite li epitita bati hitine. To ya'amagihi lenali mono'mofihi hapi fise'na'alo ya'ma aku'i lu lepilatanamofitoga mine mele'ahabe. Lenali komopatinimofihi nose'na amuya'a hiti menalana'a hite minalana legegeto nehabe.

1 Pita 4:11

Luga'a enali mono ka lu huto hilanamagi Hu'mamofihi keheli lamana hilete lu epilabe. To luga'a enali bona'i enele'mo bati hilanamagihi ya'ma Hu'mau amuya epilenogo yanatu'i lolo hi epalalabe. Lenali ya suhi ma suhi lolo nehinogo Hu'mamofihi fayahuba bati huto minalibe lite kehelite ya hilabe. Yesu Kilisito ai kumu yabe luto fayaha'auba hu lamana hilibe. Yamofihi sekele mamu'a hiti fana mehena amuya'a hiti aitoga minalina'mu ya'ma minomo tito buto mino bai toto minalibe. Ma'naka.

Huto Hilina Ka 19:10

Ya luto lu nimigo nalapusa fito lipi emilube luto nohugo o'e noluto ma luto lu'ehina: Ya melubo. Nani kele kele bo kalalukafita kigiboka Yesu lu hokolo hu'ehina ka'a li pili kete lilata nehana bo enali enalalu'anifita nohube. Kai Hu'mamofihi aigo ya'ma lipi emilane, luto lu'ehina. Yesu lu hokolo hu'ehina kauba mono ka leli'ali bona'i enele'mo babahi higo mono ka lilata hi'ahanamo ni'ibe luto lu'ehina.

Huto Hilina Ka 22:6

To agelouba ma luto lu nimi'ehina: Kaga ya'ma lamana'a nolugo ule'ale nohinamofihi ni'ibe. Sipi Bo, Hu'ma ai Sikalafu'a ya'ma lu enabagalo enabagalo nohina bona'i noepilata bo ai'a ya'ma agelo'a ho lifigo kele kele bona'a lenali'i kana'a yatama mehu'ehinogo huto hilibe luto lu'ehina nasana lamana'a yabe luto lu epito kelepugo bu nogane.