Romu 3:11 - Ka Lamana'a Monoꞌi Lu Mu Tifiꞌehina Ka Yabe

¹¹ To Hu'mamofihi kaga keheli bebe sose bo mone menohibe. Ana huto ai kumu kehe ito sa sa hilata bo menohibe.

Romu 3:11 ပူးပေါင်းရင်းမြစ်များ

Matiu 13:19

Asaga bona'i enali hetofa kaga kehelilete enali enekesa yigi bati menehana Satau hololu luto enalitoga nehetiloto enalilugu Hu'ma hetofa kaga nohekalana komopa'aniguti li he'milata nohibe. Ya'mamofihiya ai nose'na legeya'a kapogu limo koko nohinamofihi hapa'a yabe.

Romu 1:22

Enali keheli baga i'ohune lilata nehanaya faga faga lite negi nagi nete mine'ahana yabe.

Romu 1:28

Hu'mau ana bona'i yege yege'na enalitogati he'mi'ehigo enali ya'ma Hu'mamofi kumu lusi kaga ni'ina ya'ma mekehelite pelesa ite enegekesa keheli'ahana fato fato'i ya'ma mege'i nemalabe. Bati mehina supo hite neminabe.

Romu 3:10

Mono bukugu ma kaga fayahi keye'ahanamo ni'ibe: Lamana bo melugu mone menohibe.

Romu 3:12

Asaga bona'magi Hu'mamofitoga he'mite sibi sabana hite enemegesa hu emi'ahana. Mone bati huse bo menohibe. Ya'ma yege yege bonaluguti bati bo mone menohibe.

Romu 8:7

To bona'i enugufa'aniuba laga besise'nalo mege'i nemalanamagi nehago kehelise'na'aniuba kaba hu epalago enali Hu'mamofihi fateha'a nehana yabe. Henabe lutobe? Enali Hu'mau kaga lu molo'ehina'amofihi keheli he'mite pelesa i'ahana. Ya'ma Hu'mamofihi kaga'a amuya'anitu mekehelite to analo mege'i memelelata nehabe.

Taitasi 3:3

To laliti koyapa'i ana suhi huto mino'ohuta lali negi nagi noto minolata, ka keheli he'milata to keheli sibina hulata huto mino'ohuta yabe. To ya nohutogo lele'mo hapotili hilata hi'ahanamo ya hulototi libita hulata nohina nasanamofihi laga'a kehelilata foipa nasanamofihi agoya hu emito minoto bona'i enele'mo sibina hu epoloto bona'magi lolo hite melete hanana'mu ya suhi huto minose ni'inaya ya luto lulototi siko hulata hu'ohutamo ni'ibe. Ya nohutogo lali kumu keheli sibina nehago enali lipakafa lahago lali enipakafa enohonogo hulata hu'ohutamo ni'ibe.

1 Yoni 5:20

To ma luto mone'a hiti keheli'ohune. Hu'mamofihi pana'a ai'a melugu limito keheli fe lulata'na li huto hu limi'ehinamo ni'inaya, Hu'mamofihi lamana'amofihi hapa'a keheliya ito kehelilata nohune. To Hu'mamofihi ka lamana'alo i segito ya'ma pana'a Yesu Kilisitohi nosipenuga minoto lito nohune. Ai'a ya'ma Hu'mamofihi lamana'a to minoba minoba huse'namofihi afo'afu nohibe.