Romu 2:7 - Ka Lamana'a Monoꞌi Lu Mu Tifiꞌehina Ka Yabe

⁷ To bona'i luga'amagi Hu'mamofitoga agoya hu emite hetofana hiba hiba nehana to fana tose hepato bilune'mu nehite Hu'mau lele'mo ho tilibe lite nelana mino kosaba huse'namofihi kapogu bilune'mu nehana enali'i Hu'mau enele'mo kosaba hilibe.

Romu 2:7 ပူးပေါင်းရင်းမြစ်များ

Matiu 25:46

Ya linogo ya'mana bona'i enali enagabu ginogo minoba minoba hepalugu bite minalabe. To bati bona'a enali hetofa hepa'i minoba minoba hilana hepato bilana'mu yabe, luto Yesu lu epi'ehina yabe.

Luku 21:19

Lenali amuya melete kehelise ule'ale hite mino bati hite nehite aku'i lenali mino bati huse hepatini lilabe.

Luku 8:15

To nose'na biha'a me'i bati huto nogoya'a ninalo limo ito bati huto tinamofihi hapa'a ma huto ni'ibe, bona'i enali ka keheli ule'ale hite lilete amuya melete minago enaliluguti nose'na biha'a huto huba huba hulata nohibe, Yesu ya lu'ehina yabe.

Yoni 4:36

Bo mone ai nose'na legeya'a ligi nupa nohinalo mina'a lito minoba minoba husemofihi nose'na'a li nupa nohibe. Nose'na he kololata nohina bo hiti ligi nupa hulata nohina bo hiti etali moneko suhi lite etegelo bila'ibe.

Yoni 5:44

Mone lenalalutinigitogati sipi lenigi lilata nehana lenigi Hu'mamofihi aitogatiko olata nohina lenali melilata nehabe. Ya hi'ahana hiya'a keheli ule'ale hite komopatini emilabe?

Romu 2:10

To Hu'mau asaga bebe sose bona'magihi ya'ma Yuta bonatoga kohe toto yalo fegutoga bonatoga hiti fana tose'na yagi enele'mo hofa tose'na yagi to fuluna'a ya'ma asaga'na epilube'mu nohibe.

Romu 6:23

Foipanauba ai'a koko pana'magihi lili'nalo nona'a epilata nohinaya filise'na yabe. To Hu'mau fa'mene limilinamofihi ya mino kosaba huse'i ni'ibe. Ya'manamofihi Sipi Boti Yesu Kilisito hiti lele'mo hepito moneko'na liluta'mu yabe.

Romu 8:18

Nani mana keheli hokolo hu lepoloto Yesu kumu lagabu'i nogigo minaluta yamofihi alihi fana meha'a sipi'a moneuba lalitoga huto hilina be ligilina'mu ya'ma lilune luto lu nolepube.

Romu 9:23

To bona'i mone'amagihi fana meha'agu enele'mo moloto keke'i lu epoloto minalina ana huto ai foya'a yabe. Ai ya huto lalimo Yuta bona'magitogati fegutoga bona'magitogati mone'a kehe ito lele'moto fuluna'a limito komopa'a lalitoga fi limi'ehina. To henabe lutobe? Asaga bona'magi ai'a fana meha'a sipina ni'ina'mu enali kehelite fokehi lilabe.

1 Koliti 15:42

Filise'naguti ho tilatanamofihi hapa'a hiti ana suko huto ni'ibe. Lugufa keli halatana yamofihi fa'mene pata sise'na ni'ibe. To lugufa gololo tilina'a yamofihi pata mesise minoba minoba huto su mehalina'mu yabe.

1 Koliti 15:50

Bogiyo, kaga mone'ya lilugi kehelilo. Me lugufatu Hu'mamofihi kapogu mebiluta'mu yabe. To fulupa ito fa'menena lolo hilina lugufauba nasana amuya'a hiti minoba minoba huse nasana mone melilinamo ni'ibe.

1 Koliti 15:58

Ya hu'ehina'mu nalalu'nigita, lenali amuya melete ho ti kibi kibi hite ule'ale hite minalo. Ya nehite Sipi Bomofihi foyagu kana'amu kana'amu amuya melete lelite bilabe. Sipi Bomofi kumu yabe lite foya'a lelite binogo buto fa'menena lolo mehilibe lite nekehelite lilo.

Galesia 6:9

Ya huto ni'igo ana'ina lamana'amu ya'ma kosele'i mehose amuya moloto lito ho tito hilune. Buto kosele'i melahalutamofihi Hu'mau molo'ehina kana'alo minoba minoba huse nasana li huto hilutana yamofihi legeya'a lilune.

Efeso 6:24

Sipi Boti Yesu Kilisitotoga i hepinogo komopatini emilata nehana bona'i lenalitoga Hu'mamofihi lenehe'mose'na'a yamofihi minomo buto minalibe.

1 Timoti 1:17

Yana'mu amuya gihiti Bo, mefililatanamofihi bu megolatanamofihi Hu'mamofihi moneko'i ai gi'a li saga hinogo ai fana meha'auba minoloto mino lito tito minalibe. Ma'naka.

2 Timoti 1:10

Legeya'a halinagu yamofihi ya'ma kana'alo lubuto bilatanamofihi afo'afu Yesu Kilisito limilago ana nasana ho filito amuya moloto mino kosaba huse nasana mefilise'na yamofihi ka lamana'atu yatai li huto hu leto'ehina.

Hibulu 2:7

Yamofihi kana'a hupasi hinogo kai bona'i lebato agelomagitoga legege hu epolo'ahane. Kai gihiti bomofihi gi'aloti sekele mamu'a hiti liyafa huse'na'a hiti bona'magihi epi'ahatamo ni'ibe.

Hibulu 6:12

To lenali fa'mene fuli meminese bona'i luga'amagi keheli ule'ale hi'ehite to kosele'i melenehenogo geba hilete minete ana'ina'mu lu molo lepolo'ehina yamofihi lilata nehana bona'magi bilata nehana kapo analo enigigusa ite bilabe luto nolube.

Hibulu 6:15

To Abalahahi Hu'mau lu eto'ehina kaga'mu yabe luto kosele'i mehago geba huto mino lito buto legeya'a ligo ai'na lolo hu'ehina.

1 Yoni 2:25

To ya'ma Kilisitou lele'mo lamana hilibe luto lu molo leto'ehinamo ya'ma minoba minoba babeyafalo minolata'namo ya'ma ni'ibe.