Romu 2:26 - Ka Lamana'a Monoꞌi Lu Mu Tifiꞌehina Ka Yabe

²⁶ To fegutoga bona'i moneuba gufa laga mehuse'uba keya ka mege'i mololata nohigo Hu'mau bu'alo bebe sose bo nohibe luto lilina'mu yabe.

Romu 2:26 ပူးပေါင်းရင်းမြစ်များ

Matiu 15:28

Ya ligo Yesu ai a'mofihi lu emi'ehina: Akae, ma a'i yale. Kaga keheli fe luse'naka sipina ni'ibe. Ana'ina lolo hu netalane luto nolatanaya huto hu kimilina'mu yabe. Ya ligo ana'asilo ana a'mofihi pa'a ka'muya hepalugu nohigo bati hu eto'ehina yabe.

Romu 2:25

Kai Yuta bona'i enugufa laga hi'ahananaloga keheli emito to keya ka mege'i mololetogo hetofana huto hilibe. To kai keya ka mege'i memololetogo ya'ma kugufa laga hu'ahata ni'inamo fenene hilina suhi hilibe.

Romu 2:27

Mone yupahi fegutoga bona'magi lenali Yuta bona'i lenifisa ilabe. Hena'mube? Lenali ya'ma keya ka fayahi ge'ahanana hiti lite to lenugufa laga hi'ahanana hiti ni'inagi yalo lenali keya kamofihi li gofa hilata nehana. Fegutoga bona'magi enali enugufa laga mehi'ahanamo keya ka mege'i melelata nehabe.

Romu 3:30

Hu'mau loe lae nohina bo menohibe. Yuta bona'magi aitoga agoya hu neeminogo enele'mo bati hilibe. To ana huto fegutoga bona'magi aitoga agoya hu neeminogo enele'mo bati hilibe. To ana huto fegutoga bona'magi aitoga agoya hu neeminogo enele'mo bati hilibe. To ana huto fegutoga bona'magi aitoga agoya hu neeminogo ai enali hiti enele'mo bati hilina'mu yabe.

Romu 8:4

To lamana ka molo'ehinamofihi liyafa hite mege'i malalabe luto lu'ehina. Hena'mugope lali koyapa'i mino'ohuta suhi huto yatai menohune. Lali kosaba kapolo mege'i nomolone. Sikalafu'mofihi kapolo nomolonogo keya kauba lamana suhi hilo lulata ya'ma hetofa kamofihi lali kehelito ya huto nominone.

Galesia 6:15

Lugufalo Hu'mamofihi keya'i laga hu'ehina ya ni'ifihe? Laga mehu'ehina ya ni'ifihe? Yamofihi ya'ma lamana'a meni'ibe. Kosaba lemehati hiti minaluta nasana moneko'isi lamana'a ni'ibe.

Efeso 2:11

Lenali koyapa'i fegutoga bona'i mine'ahana lenegekesu meheno. To yamofihi kana'agu Yuta bona'magi enali Hu'mamofihi keya'i kumu yabe lite enugufalo laga hi'ahana hiti mine'ahana lenali kumu fayahatini meni'ina bona'i nehabe lite mega enugufalo faya kumu li'ahanamo ni'ibe.

Filipai 3:3

Ya'ma lugufati laga hilutauba Hu'mamofihi yagapana'i lele'mo lolo hilina meni'ibe. Lali Hu'mamofihi yagapana'i nohuta bona'i ya'ma lugufalo hu'ohutanamomu'i lamana huto minalune luto menolune. Lali Hu'mamofihi Sikalafu'uba nolehe'menogo Hu'mamofihi agoya emilata nohuta to Yesu Kilisitou lele'mo mino bati higo legelo bito nohuto nominone.

Kolose 2:11

To lenali Kilisitotoga elago ai lenugufatini laga mehuse komopatinigu foipa hapatini amuya'a laga hu he'mi lepolo'ehina. Ya nohuto enugufa laga nehana suhi huto komopatinigu hu lepolo'ehina.