Romu 2:25 - Ka Lamana'a Monoꞌi Lu Mu Tifiꞌehina Ka Yabe

²⁵ Kai Yuta bona'i enugufa laga hi'ahananaloga keheli emito to keya ka mege'i mololetogo hetofana huto hilibe. To kai keya ka mege'i memololetogo ya'ma kugufa laga hu'ahata ni'inamo fenene hilina suhi hilibe.

Romu 2:25 ပူးပေါင်းရင်းမြစ်များ

Aposolo 7:51

Lenali kegeiyo bona'i. Lenali kaga mana'a Hu'mau molo'ehina li komopatinigu melete meminana bona'i yabe. Lenali asaga'i tatatinigi hi'ahana ana supo lite nehabe. Asaga yupahi lenali Sikalafu'i le'mo he'milata nehabe.

Romu 2:13

Hena'mube? Keya ka enegekesatu anasi keheli'ahanamagi yanauba enele'mo bati hilinamo meni'ibe. Keya ka kehelite hapa'a mege'i nemalanamagihi ya'ma Hu'mau enele'mo bati hilinamo ni'ibe.

Romu 2:23

Kai Hu'mamofihi keya ka keheli bati hu'ohune luto yalo ana kaga'a mege'i memalalatamo ni'inaya to Hu'mamofihi gi'a le'mo melugu nomalane, ya huto ni'ifihe?

Romu 2:26

To fegutoga bona'i moneuba gufa laga mehuse'uba keya ka mege'i mololata nohigo Hu'mau bu'alo bebe sose bo nohibe luto lilina'mu yabe.

Romu 2:27

Mone yupahi fegutoga bona'magi lenali Yuta bona'i lenifisa ilabe. Hena'mube? Lenali ya'ma keya ka fayahi ge'ahanana hiti lite to lenugufa laga hi'ahanana hiti ni'inagi yalo lenali keya kamofihi li gofa hilata nehana. Fegutoga bona'magi enali enugufa laga mehi'ahanamo keya ka mege'i melelata nehabe.

Romu 2:28

To kaga su holenogo lusi Yuta bona'i kiyi'afu nohibe? Ai'a gufa'a laga hu'ehina bo ya'ma lusi Yuta bo nohifihe? O'e. Ya'ma gufa'a laga hu'ehinauba ana bomofihi Yuta bo lolo mehilina'mu. Ya'ma bati mehu'ehina yabe.

1 Koliti 7:19

Enugufa laga hite minalana to enugufa laga mehise minalana enali'i nasana fa'menena meni'ibe. Hu'mamofihi bagaguti kaga'a kehelite lite minalana nasana yamofihi lamana'a ni'ibe.

Galesia 6:13

To enugufaga keya'i laga hi'ahana bona'i enali Moseu keya ka lu'ehina ka mone kegi'a mege'i menemalabe. To lenali ma lite nekehelibe. Lenali hiti enali hiti keya'a hiti nehite molo emilenogo enali'ani enugufa'ani lelite tilune'mu nehabe.

Galesia 6:15

Lugufalo Hu'mamofihi keya'i laga hu'ehina ya ni'ifihe? Laga mehu'ehina ya ni'ifihe? Yamofihi ya'ma lamana'a meni'ibe. Kosaba lemehati hiti minaluta nasana moneko'isi lamana'a ni'ibe.