Romu 2:22 - Ka Lamana'a Monoꞌi Lu Mu Tifiꞌehina Ka Yabe

²² A'i gumina mefolobo luto lu epilata aku'i kai a'i gumina nofalapihe? To faga lugefa laga'ni menebesibe luto lulata nohuto aku'i ana lugefa noha'alugu tito fe'noha'afi efaha'afi gumina nolipihe?

Romu 2:22 ပူးပေါင်းရင်းမြစ်များ

Matiu 12:39

Ya lago Yesu enali kaga'anilo lu epi'ehina: Lenali yatai boana'ise, lenali bati mehana foipa boana'i nehabe. Lenali topa hose'na li huto hubo nelanaya lito mehiluna'mu yabe. To moneko ya'ma koyapa lu huto huto bo Yonaha topa hose'namo li huto hinogo'ni bu galana'mu yabe.

Matiu 16:4

Lenali bati mehana boana moko fako lite neminana boana'magita nani kumu'i topa hose'na li huto hu lubulo molobo nelabe. Ya nelana nani topa hose'na mone li huto hu lenubulo memalaluna'mu yabe. Lenali koyapa bo Yona huto hu'ehinanamofihi topa hose'na'ago anasi bu galana'mu yabe. Ya luto luloto Yesu he'mi epololoto bu fa hu'ehina yabe.

Maki 11:17

To asaga bona'i ma luto kaga lu epi'ehina: Hu'mamofihi kagu henabe luto koyo'ehina ni'ibe? Ma luto koyo'ehina: Nani noha'nigu asaga bona'i noto noto bona'i enali nunumu hite minalabe. Ya'mu nunumu nopo yabe lite gi halabe. Ya luto koyo'ehina ni'inagi, aku lenaliya ana nonugu efahi gumina nelina yabe. Ya nehago guminalo nohi alolo hu'ehina yabe, Yesu ya luto ka epeki'ehina.

Aposolo 19:37

Lenali ya'ma bo loemo etele'mete e'ahana bomale'i etali ana'inatini gumina felela to lali ana'ina Atemasi lugefati kumu lu sibina hila mehi'aha'ibe.

Romu 12:9

Lenali leniginaga fise'namu fato bona'mofihi leniginaga fi emite lusiga lite komopatini emilo. Foipa faipa huse'namofihi hapa'a lagati melebesibe lite lenemegesa hu emilo. Ya hite, asaga lamana huse'namofihi li pili kete mineme bite minalo.

Yemesi 4:4

Ka mekeheli'ahana bona'ise. Melugu bona'magi kumu kehelilata nehana ya suhi hite laga lepesilina nasana'mu kehelilana ya'ma Hu'mamofihi fateha'a lolo hilabe lite lenali menekehelifiye? Mono'ani meni'ina bona'magi kehelilata nehana nasana'muko lepesilina ya'ma Hu'mamofihi bona'a meminalana'mu yabe.