Romu 2:19 - Ka Lamana'a Monoꞌi Lu Mu Tifiꞌehina Ka Yabe

¹⁹ Kai yananamofihi keheli bati hulata nohuto bu pisi lu'ehina bo suhi huto hetofa kapo enele'moto bilata to metepugu nomina bo libi'a mone suhi huto fana to epololata nohapihe?

Romu 2:19 ပူးပေါင်းရင်းမြစ်များ

Matiu 15:14

To lenali he'mi epelenogo enali mineno. Enali enubu pisi lina bona'i nehite enali ana hite enubu'ani pisi lu'ehina bona'i fato'amagihi kapo enelepilune'mu nehabe. Ya hu'ehinaya bu'a pisi lu'ehina bouba fato bo ana huto bu'a pisi lu'ehina bo kapo lepilube'mu hilinaya etali loe sana sana ho kete keli kapogu limila'ibe.

Matiu 4:16

Bona'i enali metepunagu neminana enali sipi logo fana mehena'a abu ge'ahabe. Enali bona'i metepu ito filisemofihi hepa'i ninalo neminana enalitoga fana mehena ahuto hu epolo baga i'ehibe.

Matiu 5:14

Lenali melugu fana mehena'a legi hite nehabe. To hepa'i mone kosagu minolata nohina ana hepa'i bona enubulo fala kito meminolata nohibe. Ai huto'i minolata nohibe.

Matiu 6:23

To kubuka sibina hu'ehigomo asaga kugufakalo metepu i baga noibe. To kailugu fana mehena ninauba aku'i metepu hapi fito gilotomo analo sipi metepu i baga noibe.

Maki 10:15

Bo moneubafi moneuba lagaso yagapana'mofihi suhi huto Hu'mamofitoga agoya hu emilina bouba, ai Hu'mamofihi kapogu tilina'mu yabe. To bo moneubafi moneuba lagaso yagapana'mofihi suhi huto Hu'mamofitoga agoya hu meemilina bouba, ai Hu'mamofihi kapogu metilina'mu yabe.

Yoni 9:34

Ya ligo enali kaga'alo nona'a emi'ahana: Kai foipanagu keketona bose. Laliti'mu kaga mone li lelepilata nohapi? Ya lite nelite ana bomofihi le'mete mono nonuguti he'mi ete'ahana yabe.

Aposolo 26:18

To kai enubu'ani li gili gili huto metepunaguti fana mehenagu enele'mo nomoloto Sataha amuya'aguti Hu'mamofihi kapo'agu enele'mo malalane. Ya hitogo enali komopa'ani nanitoga niminogo foipana'ani kele li epelenogo Hu'mau enele'mo eto higo nehana bona'magi folagaha'anigu hepa'ani lilabe.

Romu 2:18

To kai hetofana hiti foipana hiti ni'igo fuku luto foipana li he'mito ya hilata ni'ifihe? To kai Hu'mau laga besi'ehina'amofihi kehelito to keya kaluguti bebe sose hapa'a kehelito hulata nohapihe?

Romu 2:20

To kai babafi bo, keheli sibina hu'ehina bona'mu kaga lu enelepito enehe'malapihe? To mone yagapanauba kaga mekehelise nominana'a suhi huto nohigo kai mono kaga lepilata nohapihe? Hu'mamofihi keya kaluguti lama'naka kaga hiti to keheli bati huse'na kaga hiti ya'ma bai tago ni'ibe luto lulata nohane.

1 Koliti 3:18

Lenali komopatini keheli sibina mehilo. Lenalitogati moneuba nani ma melugu bona'magihi kehelise'na'ani bati huto li'ohuna bo nohube luto lilina ya'ma ai kehelise'na'a he'mito bona'magihi enubulo kehelise'na bati mehina bo lolo huto minalibe. Henabe lutobe? Ai ya hulenogo lusi kehelise'na Hu'mamofitogati lilibe luto yabe.

1 Koliti 4:10

Lali ya'ma Kilisito kumu yabe luto negi bona'i lolo huto nohutaya, lenali ya'ma Kilisitotoga nokeheluta nasanati bai toto ni'ibe lite kehelilata nehabe. Lali amuya hiti menohutaya lenali amuya hiti bo likibina bo tegi hite lolo nehana. Ya lite nekehelifihe? Bona'magi lama'naka luto lali'i ya'ma lele'mobe hokobe hilata nehanaya to fato bona'magi lenali lenugufa le'momo tilata nehabe.

Filipai 2:15

Ya nehite foipanatini meminose komopatini gulu gulu linogo minalabe. Ya nehite bona'i li nupa hilata lisipa bise bo to li sibina sabana hilata nehana bona'i enali metepu komopa'agu ya'ma lenali Hu'mamofihi panala'a pana'a komopatini bati hulenogo lolo hite minete sonofi'i lolo hite fi fana talabe.