Romu 2:16 - Ka Lamana'a Monoꞌi Lu Mu Tifiꞌehina Ka Yabe

¹⁶ To mone sipi yupahi Hu'mau ka foya molobo luto Yesuhi lu emilina kanagu ai bona'magihi suguna ka lilatana to enegekesa kehelilatana komopa'anigu lolo hi'ahanamofihi lu hokolo hu epololoto kaga'ani loko hilibe. Yana'mu nani Yesuhi hetofa ka lamana'aluguti lu yege holata nohube.

Romu 2:16 ပူးပေါင်းရင်းမြစ်များ

Matiu 16:27

Kokulumaguti limi'ehina Bouba Afo'afihi fana mehena'a hiti aku'i noenogo to agelo'a hiti alana'mu yabe. Ya hilina yupahi asaga boana'magi fato fato suhi hi'ahana hapa hapa'animofihi nona'a li yege ho epalalina'mu yabe.

Luku 8:17

Asaga'na fala kito ninana alihi ai hepa'i kugumato huto hilina'mu yabe. Asaga'na bona'magi ifi togo ninana alihi ai hepa'i kugumato huto hulago logo fana meha'alo huto hulata nohibe.

Yoni 12:48

Bona'magi enemegesa hi nimilana to ka'ni keheli he'milana enali'i kene'i moneuba ka foya li epoloto kaga'ani loko hilibe. Ya'ma lu epi'ohuna kaga'auba me'mo hiti kokulumamo su halina kana'agu hapa'animofihi loko hilibe.

Aposolo 10:42

Filise bona'ifi to kosaba bona'ifi enali kaga'ani loko hu epalalina bo Hu'mau le'mo ho ti'ehina'mu luto loho lifigo lu yege nohone.

Aposolo 17:31

To ai asaga melugu bona'i ka foya liloto guna ilube luto limilina kana'a molo eto hu'ehibe. To ai ya'mana lili'na lilibe luto bo mone le'mo ho ti'ehinauba guna i epalalibe. Ai ana bo fili'ehinagati le'mo ho tilotomo ya'mana asaga bona'i enelepigo be gete keheli'ahabe.

Romu 16:25

Lali Hu'mamofihi gi'a liyafa hilune luto nolube. Ai kehelise'natini le'mo amuya hinogo lenali loe lae mehise aitoga ule'ale hite minalabe. Yesu Kilisito kumu ka lamana'a nani lepi'ohunana ya ni'ibe. To ana huto Hu'mau koyapa kanagu suguna ka mone emasana fala ki'ehinamofihi yatai Sipi Botiuba hepa'i kugumato li huto hu'ehina ka ya'ma lu hokolo hu lepolo'ehina yabe.

Romu 2:5

Kai komopaka ule'ale huto higo Hu'mamofihi kaga mekehelise nohatogo foipanaka munu munu suhi huto hilibe. Ya'mu'i Hu'mau ka foya malalina to kaga loko hilina yupahi noenogo ai bona'magihi sipi enipakafa enohoto to kai hiti osahi kimilina ya'ma huto hilinagi bu galune.

Romu 3:6

Ya huto meni'ibe. Hu'mamofihi hapa'a bati mehitita asaga melugu bona'i kaga'ani loko mehitine.

1 Koliti 15:1

Nalalu'nigita ka lamana'a alu lepugo keheli'ahabe. Ana kagamo aku'i lu lepilube. Giyaka giyaka fito lu lepugo lite lufusatini alolo hu'ehinamo ni'ibe.

1 Koliti 4:5

Ya hu'ehina'mu lenali bona'magihi hapa'ani'mu lilata nehana amuya memalalo. Sipi Bouba ai'a i behe huto oto suguna'i fenene huto ni'ina nasana yamofihi le'mo hutotoga malalube'mu hibe. To bona'magita legekesa kehelilata nohutaga hiti ya'ma li huto hu su halube'mu hibe. Ya huloto Hu'mau ai'a bona'magihi hapa'ani moneko moneko'isi bu galina guna moloto enele'mo hetofa hu epololota liyafa hilube'mu hibe.

2 Koliti 5:10

Yamofi kumu ya'ma luto ma keheli'ohune. Mega lugufa hiti nohuto ana'ina lito moloto hu'ohuta bati huto ni'ifi to sibina huto ni'ibe yamofihi mone kegi'a ai eto eto huto kaga loko huto pa sose'na limilibe luto minoto lali asagatoga Kilisitohi ka foya kefa hisalo ho tiloto kululu tito nehetilune.

Galesia 1:11

Nalalu'nigita nani ya'ma kaga lu lepilugi kehelilo. Ka lamana'a lu lepi'ohunamo yamofihi bona'magi enegekesa kehelite yamofihi li huto hi'ahana meni'ibe.

1 Timoti 1:11

Ana hetofa mono kaga'a Hu'mau ka lamana'a molo neto'ehina yagu nohuto Hu'ma fana meha'a hiti bo, ana bebe sose to hetofa bouba ai lu huto hulata hu'ehinagi yana'mu nani lu yege holata nohube.

2 Timoti 2:8

Kai Yesu Kilisito Tebitihi tata'afu yagi ai kumu kehelito beto huto minobo. Ai fili'ehinaguti aku ho ti'ehina bo yabe luto ai ka lamana'a lulatanamofihi ya'ma lu yege holata nohube.

2 Timoti 4:1

Nani Hu'mamofihi bulo to Yesu Kilisito ai hiti minoto bona'i lubu hiti nohuta'a fili'ahana'a asaga'i ka foya lito guna molo letalina bo ai bulo ya'ma Yesu kaba huse'i to kapo'a hiti huto hilina nehetito kaba hu letalina'mu yabe luto ya'ma luto kaga lu moloto huto kelepilugi kehelibo.

2 Timoti 4:8

To ya hugo ya'ma kokulumaguti be ligi'ohutamofihi mina sekele mamu'a hiti kakili'i lamana'a Sipi Bouba ya'ma hetofa nona'a guna malalina bo ai anana nimilibe. Minoto kana'a sipi yupahi Sipi Bouba ai'a le'mo bebe soto guna mololata bouba nani hiti silaga bona'i ai nehetilina kana'amu fifa ito geba hulata nohuta bona'i ya'ma ana kakili'i bi letalina'mu yabe.

Hibulu 9:27

Silaga bona'magita kana'a moneko'i fililune luto to yanamofihi ifo'alo Hu'mau nohinalo ai'a foipanati'mu ka foya lilube luto lu leto'ehinamo ni'ibe.

1 Pita 4:5

Ya nehanaya lenali ya'ma beto hilo. Enali enubu hiti nehananamagi hiti fili'ahana bona'i hiti alihi Hu'mau enele'mo nupa huto ka foya lilina kanagu aitoga hapa'ani lu hokolo hilana'mu yabe.

2 Pita 2:9

Ya hu'ehina'mu Sipi Bomofihi hapa'a ahuto hibe. Ai ya'ma Hu'mamofihi ka lite neminana bona'i enimi'i mololata nasana'agu minenogo enubuto bilata bo amuya'a hiti nohibe. To Hu'mamofihi ka'a meni'ina'a enali'i kana'a sipi yupahi guna molo epilube luto naga'i epilata bo amuya'a hiti nohibe.