Romu 2:15 - Ka Lamana'a Monoꞌi Lu Mu Tifiꞌehina Ka Yabe

¹⁵ To enali keya kauba ya hilo ya mehilo luto lu'ehinamofihi hapa'amu kehelite komopa'anigu bati huse'nafi sibina huse'nafi ya'ma loe lae ni'ina keheli'ahana. Ya hite enegekesa kehelite minelata nehago bu go'ohune.

Romu 2:15 ပူးပေါင်းရင်းမြစ်များ

Yoni 8:9

Enali ya luto epi'ehina ka kehelilete moneko moneko bila bila hite bu su he'ahana. Yata'a olopa bomagi bilago ana mege'i bila bila hi'ahana. Ya hago Yesu ai'ago nohinalo ana a'i ho tiloto analo mino'ehina yabe.

Aposolo 23:1

Polu kanisolemagi enubugu bu go fiya i'ohuto ma luto lu epi'ehina: Nalalu'nimagita. Nani ana'ina mone li sibina mehuse Hu'mamofihi bu'alo kapo molomofa'na huto nugufa'nigu laga higo minomo tito tito yatai hiti ana nohube.

Aposolo 24:16

Ya'mu luto asaga yupahi Hu'mamofihi bulofi to boana'magi enubulofi foipana mone li huto hu lalugi luto komopa'ni bati suhi huto minalube'mu keheli amuya moloto minolata nohuna.

Romu 2:14

Ya huto ni'igo fegutoga bona'magi enali keya ka mekeheli'ahana aku'i mege'i melenogomo keya kamofihi hapa'a komopa'anigu keheli'ahanamo ni'ibe. Ya'ma Mosehi keya ka meni'igo ana kamofihi hapa'a komopa'anigu keheligo keya ka'ani lolo nohibe.

Romu 2:27

Mone yupahi fegutoga bona'magi lenali Yuta bona'i lenifisa ilabe. Hena'mube? Lenali ya'ma keya ka fayahi ge'ahanana hiti lite to lenugufa laga hi'ahanana hiti ni'inagi yalo lenali keya kamofihi li gofa hilata nehana. Fegutoga bona'magi enali enugufa laga mehi'ahanamo keya ka mege'i melelata nehabe.

Romu 9:1

Nani lusiga nolube. Nani Kilisitohi bona'a nohuto'ni faga menolube. To Hu'mamofihi Sikalafu'uba komopa'nigu nomina'auba lusiga nolane luto ai nelepi'ehina.

2 Koliti 1:12

Laliti'mu kehelutogo nesi'a tilata nohina. Ya'ma ya hu'ohuto'mu komopati lusiga noluto to lama'nakagu ya'ma metoga nohutogo komopatiuba nasana mone kumu li fitu falina'a meni'ibe. Lali Hu'mamofihi ka mekeheli'ahana bona'i enali enubulo ya suhi huto minoto mono ka kehelilata nehana bona'i lenali lenubulo bati huto minolata nohune. To lali metoga bona'magi kehelilata nehanalo amuya moloto bati huto mino'ohuta meni'ibe. Hu'mau lele'mago ai amuya'alo bati huto minolata nohune.

2 Koliti 5:11

Sipi Bomo lelesa nolinogo nohuta ni'ibe. Yamofihi keheli'ohutoti bona'magihi enegekesa lito ka lamana'a keheli emilo lu epilata nohune. Hu'mau ai hapati asaga'i bu golata nohibe. To lenali ana suhi hite hapa'ni ya'ma komopatinitu kehelilata nehafihe luto nokehelube.

1 Timoti 4:2

To faga fagalo bona'i enali laga mehina hapa'ani to kaga'animofihi legeya'a meni'ina komopa'ani logouba lo fili su ho'ehina legi huto neminana bona'magi enali ya'ma ka lu epilata nehana, faga yabe.

Taitasi 1:15

Komopa'ani fana tago nehanamagi enali ana'ina'mu keheligo gulu gulu ligo neminabe. To luga'amagi ka lamana'a keheli meemi'ahana foipa nasana'mu enegekesa'anigu hiti komopa'anigu sifolohi gito kolota kolota hu'ehinamo yana'mu enali ana'ina'mu keheligo ana suhi huto sifolohi gito kolota kolota higo nehabe.