Romu 2:13 - Ka Lamana'a Monoꞌi Lu Mu Tifiꞌehina Ka Yabe

¹³ Hena'mube? Keya ka enegekesatu anasi keheli'ahanamagi yanauba enele'mo bati hilinamo meni'ibe. Keya ka kehelite hapa'a mege'i nemalanamagihi ya'ma Hu'mau enele'mo bati hilinamo ni'ibe.

Romu 2:13 ပူးပေါင်းရင်းမြစ်များ

Luku 18:14

Yesu lu'ehina: Nani lu nolepube, takisi lilata bo ai Hu'mamofihi ipa'a emi'ehinamofihi ai ya'ma lamana bo yabe luto ligo noha'aga nobibe. Ya hu'ehina to ya'ma fato bo ai bati mehu'ehibe. To bo moneuba gi'a li saga hilube'mu lilina Hu'mau le'mo melugu nomoloto ni'ibe. To bo moneuba agoya huse to gi'a laba hilina Hu'mau fokehi hoto gi'a li saga hilina'mu yabe, luto Yesu lu'ehina yabe.

Luku 8:21

Ya noligo Yesu ma luto asaga'i lu epi'ehina: Enali Hu'mamofihi ka'a kehelilete mege'i nemalana boana'magiya nani ito'nigi nogonamu tamu'ni nehabe.

Yoni 13:17

Ya'mu lusiga lu lepi'ohuna, yatai lenali keheli'ahana. Kehelilete mege'i melete nehago komopatinigu babahi hilina'mu yabe.

Aposolo 13:39

Mosehi keya ka'auba lenele'mo lenubuto bito foipatini li he'mito bebe sana bona'i yabe luto lenigi mehalina'mu yabe. Ya hu'ehina ya'ma bomofitoga komopa'ani emite minalanamagi asaga foipana'ani li he'mi epoloto enele'mo enubuto biloto bebe sana bona'i yabe luto enigi molo'ehibe.

Romu 10:5

Bona'i moneuba keya kamofihi li pili kalina Hu'mamofihi bulo bona'i lamana'i hilinamu Moseu keya ka ma fayahi go'ehina: Keya ka mege'i malalina bouba minoba minoba huse'i lilina'mu yabe.

Romu 2:25

Kai Yuta bona'i enugufa laga hi'ahananaloga keheli emito to keya ka mege'i mololetogo hetofana huto hilibe. To kai keya ka mege'i memololetogo ya'ma kugufa laga hu'ahata ni'inamo fenene hilina suhi hilibe.

Romu 3:20

To bona'i moneuba keya kalo mege'i moloba moloba nohigo keya kauba ana bomo Hu'mamofihi bulo le'mo bati mehilina'mu yabe. Ya'ma keya kauba ana bomofihi foipana'a lepilube'mu nohigo kehelilibe.

Romu 3:23

Hiya huto moneko babeyafa nehabe? Lali asaga bona'magita foipana li'ohutogo Hu'mamofihi fana mehena'a meliluta'mu ana'alo i fetaga hu'ohune.

Romu 3:30

Hu'mau loe lae nohina bo menohibe. Yuta bona'magi aitoga agoya hu neeminogo enele'mo bati hilibe. To ana huto fegutoga bona'magi aitoga agoya hu neeminogo enele'mo bati hilibe. To ana huto fegutoga bona'magi aitoga agoya hu neeminogo enele'mo bati hilibe. To ana huto fegutoga bona'magi aitoga agoya hu neeminogo ai enali hiti enele'mo bati hilina'mu yabe.

1 Koliti 4:4

Nani nipa'nigu keta mehuse nohuto foipana'ni ni'ifi meni'ifi mekehelube. To ya hu'ehina lenali folagahatinigu lili'na li'ohunogo foipana'ni meni'igo nohube luto melilube. Nani hapa'nimofihi Sipi Bo moneko'uba li huto hilube'mu hibe.

Galesia 2:16

yama luto kehelilata nohune. Moseu keya ka lu'ehina ya ema keheliya iloto foya'a lelito buto minenogoti foipanati su halina'a meni'ibe. Yesu Kilisito kumu yabe luto keheli ule'ale huto foipanati meminenogo komopatigu le'mo bati hu'ehinogo minalune'mu hune. Ya luto keheliloto keya ka lu'ehina ka'amofihi foya'a lito buto minenogo foipanati meminenogo minalune luto Yesu Kilisito kumu keheli emi'ohune. Keya ka lu'ehina kamofihi mege'i melelata nehanaya Hu'mau enele'mo lamana hilina'a ya'ma meni'ibe.

Galesia 5:4

Lenali luga'amagi keya ka kehelinogo foipanati meminenogo Hu'mamofihi bulo lamana bona'i nohune lite nelana lenali Kilisito hiti hepite mu tifi'ahanamofihi laga hilete nehago aitogati lenehe'mose'na'a nehe'mibe.

Yemesi 1:27

Megusa yagapana'i to keto ana'i ete keta noepesinogo enele'mo bati hiluta to metoga bona'magihi enipakafa hose'nauba lele'mo sibina hu laligi luto kaba huto minaluta ya'ma Hu'mamofihi amuya'amu kehelito lusi mono kagalugu minaluta nasana hiti Hu'mamofihi bulo mino fe luto lama'naka, minalube'mu nohibe.

1 Yoni 2:29

Hu'mau bebe salata nohinalo nohibe lite lenali keheli'ehilanamo ya'ma to enali fotogo suhi hite minalata nehana bona'i enali Hu'mamofihi yagapana'a nehana yabe luto anokehelune.

1 Yoni 3:7

Palala'ni pana'nise, mone'amagi ete laga mehina ka ya hilo lite lu lepinogo ka'ani mekehelilo. Kilisitou ai mino fotogo huto minolata nohinagi to bona'i luga'amagi ana suhi hite bati hina suhi hilata nehinogomo enali kumu ya'ma fotogo hite neminana bona'i yabe luto lilune.