Romu 2:1 - Ka Lamana'a Monoꞌi Lu Mu Tifiꞌehina Ka Yabe

¹ Nalalu'niga, kai ana bona'magihi foipana'ani samahi tito ni'inaya laga'ni menebesibe luto ya nolapiye? To kai henabe luto ana bona'i enifisa ilata nohane? Kai ana huto foipana hulata menohapiye? Kai foipana hulata nohataya kaga meni'ibe. Kai ana suhi luto minalataya ya'mu kubuyaka hino.

Romu 2:1 ပူးပေါင်းရင်းမြစ်များ

Luku 12:14

Ya ligo Yesu ka'alo ma luto lu emi'ehina: Ma bose. Hena hibe nolane? Kuyu'afu nani'iyasiba nele'mo ho ti'ehigo kagatiti loko hoto yaga fe'nohatiti guna ise bo nohube?

Luku 19:22

Yalo gihiti bouba ana lili'nalo pana'a ma luto lu emi'ehina: Kai bati mehata lili'nalo pana'i yabe. Kaika kagakamu ka foyagu kele'mo malaluna'mu yabe. Nani'ya bo nohuto'ni bona'magi ana'ina'ani nolito to nose'na foya'anigu hekele'ahana yana'ani lilata nohuna bomo nohube. Keheli'ahapi, ya?

Luku 6:37

Lenali bona'i enele'mo yegelo memelenogo Hu'mau ana huto lenele'mo yegelo memalalibe. To lenali bona'i enifisa fato fato meinogo ya hinogo Hu'mau lenali'i lenifisa fato meilibe. To lenali bona'i foipana'a hu lepololenogo li he'milanaya Hu'mau ana huto foipanatini li he'mito pa so lepalalina'mu yabe.

Romu 14:22

Lenali ya'ma ni'ina'mu lenipagu kehelite Hu'mau bati huto yabe linogomo lenali kehelite mine lite bite lu hokolo mehilo. Bo moneuba nose'na mone noloto ekesa kehelito bati huto nalube luto ligo komopa'agu keta mehinogomo ana bo gepohi lilata nohibe.

Romu 2:2

Hu'mamofihi hetofa hapa'a akeheli'ohune. Bona'magi ana foipana hilenogo Hu'mau osahi epilina'mu akeheli'ohune.

Romu 2:3

Kai kekesa yigito Hu'mau ya hite foipana huse bona'magihi enifisa iloto halube'mu nohuto nani kumu bu gofa'na fa'na huto mekehelilibe luto nolapiye? Kai hiti foipanaka nolita ni'igo henabe luto Hu'mau bu megalina'mu yabe?

Romu 3:9

Ya'mu henana ni'ibe? Lali Yuta bona'magita fegutoga bona'i enebe ligi'ohupi? O'e, ya huto meni'ibe. Foipanauba lali asaga Yuta bona'i hiti fegutoga bona'i hiti ifito leto'ehigo lali moneko suhi huto nohune.

Romu 9:20

O'e ya melubo. Kai Hu'mamofihi kagalo nona'a emilata bomo kiyi'afu kele'mo ho ti'ehibe? Bona'i moneuba me somomo lolo hu su holenogomo somomouba: Kai henabe luto ma huto lolo hu neto'ahane luto lilifiye? Ya kaga melilina'mu yabe.

1 Koliti 4:5

Ya hu'ehina'mu lenali bona'magihi hapa'ani'mu lilata nehana amuya memalalo. Sipi Bouba ai'a i behe huto oto suguna'i fenene huto ni'ina nasana yamofihi le'mo hutotoga malalube'mu hibe. To bona'magita legekesa kehelilata nohutaga hiti ya'ma li huto hu su halube'mu hibe. Ya huloto Hu'mau ai'a bona'magihi hapa'ani moneko moneko'isi bu galina guna moloto enele'mo hetofa hu epololota liyafa hilube'mu hibe.

1 Koliti 7:16

Ya ni'ina'mu a'i kai bahaka hiti hepite minala'ina yamofihi Hu'mamofihi kapogu bahaka le'moto alapihe le'moto mealane? Ya'ma keheli'ahapi, ya? To bo kai lihaka hiti epite minala'ina ya'ma lihaka Hu'mamofihi kapogu le'moto alapihe le'moto mealane? Ya'ma keheli'ahapi, ya? Ya'mu lenali mele'isi mehe'miliyo luto nolube.

Yemesi 2:20

Lenali ka keheli sibina hise naga'ise. Lenali kumu nolube. Bona'i luga'amagi keheliya ilana mono kamofihi legeya'a mone melilana ya'ma keheliya ise'na'ani pata si'ehibe luto nolube.

Yemesi 4:11

Nalalu'nigita, lenalitini ka foipa'a melilo. Moneuba ai lalu'afi kumu ka foipa'a lu etalina ai ya'ma Hu'mau keya ka lu'ehina kagamofihi li sibina hulata nohuto ana kagamofihi loko nohibe. Kai Hu'mau keya ka lu'ehina li sibi hilata ya'ma kegekesa yigito ka lamana'a meni'ibe luto lilatamoya, ana keya kalo mege'i mololata menohane. Ana kagamofihi loko huto fa'mene nominane.