Romu 16:5 - Ka Lamana'a Monoꞌi Lu Mu Tifiꞌehina Ka Yabe

⁵ To etali noha'atitigu Kilisitohi naga'magi li nupa hilata nehana, nehafihe luto ya lu epilo. To nalalu'nifu sipi nebesise bo, Epanetusi nohapihe luto nolunagi lu emilo. Asaga Esia melugu bona'magi Kilisitohi keheli ule'ale huto nehana, ai kohe toto Kilisitohi kehelito yata'a huto hu'ehina bo yabe.

Romu 16:5 ပူးပေါင်းရင်းမြစ်များ

Matiu 18:20

To bo loefi to loegi monegifi nani nigi'nimu enekesa kehelilete moneko hepato li nupa hite minalana ya'mana hepato nani folagaha'anigu enali hiti minaluna'mu yabe.

Aposolo 16:6

Enali Filigia kegi'a hiti Galesia kegi'a hiti folagaha'atigu bi'ahana. Ya hago Sikalafu'uba Esia kegi'a mono ka lu yege mehalabe luto laga hu epolo'ehina yabe.

Aposolo 18:12

Ya nohigo alihi Galiohi Lomu gamani bo Gilisi melugu le'mo ho tigo minana kana'alo Yuta bona'i li nupa hite ho tilete Poluhi yato lite ka foya le'mo melelete ma li'ahana:

Aposolo 18:27

Alihi Apolosiu Gilisi metoga bilube'mu nohigo Efeso Yesuhi agoya hu emi'ahana bona'magi he'mete fayahi mone Gilisi hepalugu minela bona'anitoga Apolosihi ya hepatoga be tigite le'mo bati hilo lite fayahi gete emi'ahana. Apolosiu ana hepatoga nehetiloto luga'a bona'i Hu'mau enele'mo koyone huloto komopa'ani aitoga emite minalanana ai'a epi'ehina. Enali Hu'mau enehe'mo'ehina bona'i ya'ma Yesutoga komopa'ani emi'ahanamagi Apolosiu kaba hu epoloto hetofana huto enehe'mo'ehina.

Aposolo 2:9

Maga li gehesa huto nohuta bona'iya Patia to Mitia to Ilama hepato bo yabe, to lali Mesopotamia bona'i yagi, Yutia to Kapatosia hepatoti, to Ponitasi to Esia bona'i yabe.

Romu 11:16

To mone beleti nose'na ni'igo mone'a enali li gofa hite Hu'mamofihi nose'na yabe lite ai'a molo emi'ohune lite li gehe li'ahana ni'igo aku ya'ma beleti nose'na asaga'i ai'a hiti ni'ibe. To ana suhi huto yafamo lufusa'a hiti bati huto ni'igo yaha'a ana huto bati huto ni'ilina'mu yabe.

Romu 15:26

Enali Yelusale hepatoga Hu'mamofihi bona'a mone'amagi enumuhi meni'ina nehago Masetonia hepato bona'magi hiti to Akaiya hepato bona'magi hiti li kehelite mone efaha'ani li nupa hite nimigo nani ana efahi lito Yesusale hepatoga bilube'mu hube.

Romu 16:12

To loe bole Tilifane hiti to Tilifosa hiti Sipi Bomofihi lili'na neli'inaya neha'ifiye luto nolube. To Pesisa, ai lusina nebesina bo nohigo nohapihe luto lu emilo. Ai gobi hago Sipi Bomofihi lili'na babu luto li'ehina yabe.

Romu 16:4

Koyapa'i bona'magi nahalana kanagu etali etugufa kaba mehise nehe'me'aha'ina yabe. Ya hi'aha'inaya nani nofokehi lito nanigo etali kumu ya liluna meni'ibe. Asaga Kilisitohi naga'magi etali kumu enofokehi lilata nehana yabe.

Romu 16:6

To a'i mone gi'a Malia, nohapihe luto li emi netalo. Ai gobi hana lili'na lenali kumu li'ehina yabe.

Romu 16:8

To nalalu'nifu nonebesina bo Apiliatusi nohapihe luto nolube. Ai hiti nani hiti Sipi Boti kumu bati huto koguna ito nomino'ibe.

1 Koliti 16:15

To nalalu'nigitabe, mone lu lepilugi kehelilo. Lenali Setefanasi to lalameha'a enali kumu ya'ma lite keheli'ahabe: Enali Akaiya hepatogati kohe tete Hu'mamofihi ka kehelilete komopa'ani li gelehe hite Kilisitotoga keheli emi'ahana. To Hu'mamofihi bona'a enalitoga kele kele foya minalune lite lilete lilata nehabe.

1 Koliti 16:19

Esia metoga Hu'mamofihi bona'amagi enali lenali kumu keke'i neli lepalago nolube. To Akuila to liha'a Pilisila etali nonugu mono kumu li nupa hilata nehana bona'magi enali Sipi Bomofi kumu yabe lite lenali kumu keke'i neli lepalago nolube.

2 Koliti 1:1

Poluita nani Yesu Kilisitohi aposolo nele'mo ho ti'ehinamofita to bo mone lalalutifu hiti moneka nohutoti'a Koliti hepatoga Hu'mamofihi bona'a to Giliki melugu mine'ahana'a hiti asaga'i mineme bite ete hi'ahana lenali fayahi ya'ma koyo nolepito ma luto nolube.

2 Koliti 9:2

Ana foya'mu komopatini topa nohago keheliloto lenigitini li ho tito lenali hapatini'mu Masetonia bonatoga ma luto lu epi'ohube: Hu'mamofihi agoya hu emise bona'i Akaiya hepatoga nehanamagi tafa kufugu mele'isi le'mo bati hilete kefahi huto hulata nohina kapo'a li huto hi'ahanamofihi ka'a ya'ma Masetonia bona'i lu noepugo bona'i luga'amagi enali amuya melete katini kehelilete ana foya'mu enipagu keta mehuse hu'ehina.

Kolose 4:15

To lenali Leotisia bonatoga enebe tigite ka'ni lu epilo. To mone a'mo, gi'a Nifa aitoga to Yesuhi naga'i ai'a nonugu li gehesa nehana bonatoga ana hite enebe tigite ka'ni lu epilo.

Filemoni 1:2

To letalitifu Afia yagi to mono foyalo amuya moloto lilata nohina panati, Akipasi to kai nohakagu mono kalo li gehesa hilata nehanamo boana'i yagi ya'ma moneko fayahi koyoto nolepu'ibe.

Yemesi 1:18

Lali Hu'mamofihi yagapana'amagita yata'a hapi fito lolo hilune luto Hu'mau ekesa keheli'ehinalo ai kaga'alo keheli amuya melenogo lemehati kosaba'i limi'ehibe.

3 Yoni 1:1

Oho, Gaiyasio, nalalu'niga komopa'ni kimi'ohuna bona'ise. Olopa bo kohe'amofita nani fayahi nasana ya'ma koyoto nokumube.

Huto Hilina Ka 14:4

Enali ya'ma anatoga mebi'ahana komopa'animofihi hapa'a bati huto neheya kola bona'i ya suhi mine'ahana. Enali ya'ma sipisipi nala'a nohinaga mege'i melete bilata nehana enali noto noto bona'i luga'a enalitogati enubuto bi'ehinamagi Hu'mamofihi maha'aga to sipisipi nala'amofihi maha'aga neminana'asigo hapi fito enele'mo mele mele nehabe.