Romu 16:4 - Ka Lamana'a Monoꞌi Lu Mu Tifiꞌehina Ka Yabe

⁴ Koyapa'i bona'magi nahalana kanagu etali etugufa kaba mehise nehe'me'aha'ina yabe. Ya hi'aha'inaya nani nofokehi lito nanigo etali kumu ya liluna meni'ibe. Asaga Kilisitohi naga'magi etali kumu enofokehi lilata nehana yabe.

Romu 16:4 ပူးပေါင်းရင်းမြစ်များ

Yoni 15:13

Kene moneuba ai gibo lalu'agi kumu yabe luto minoto lito nohina'aloti he'miloto fililina ya'ma komopa'a epi'ehinamofihi hapa'a huto hilube'mu hibe. Fato suhi komopa'a ai epilata nohinamofihi nasana be meligilina'mu yabe.

Aposolo 15:26

Etali Sipi Boti Yesu Kilisitohi foya koli mehise lite neba'igo filise'na li etugufalo babu yupahi mele'aha'ina yabe.

Aposolo 15:41

Polu Silia kegi'a hiti Silisia kegi'a hiti buloto Hu'mamofitoga komopa'ani emi'ahana boana'i kaga lu epito enele'mo amuya molomo bu'ehina.

Aposolo 16:5

Ya hilago Hu'mamofihi boana'magi aitoga amuya melete ule'ale hite komopa'ani emite neminago luga'a bona'i ete enalitoga ikele ikele hago asaga yupahi babu bona'i huto hi'ahana yabe.

Aposolo 9:31

Ya hulago Yutia kegi'afi Galili kegi'afi Samalia kegi'afi Yesutoga komopa'ani mele'ahana bona'magi fuluna agoyanaguti bati hite mine'ahana. Ya hago bona'i luga'a babu lite huto hilete enalitoga ete ikele'ahana. Ya hilete enali Sipi Bomofihi mege'i melete minago Sikalafu'uba enele'mo amuya molo'ehina yabe.

Romu 16:3

To alobole loemo Akuilagi to Pilisikagi neha'ifihe luto koyonamo lu etimilo. Etali hiti Yesu Kilisitohi lili'na moneka li'ohuta yabe.

Romu 16:5

To etali noha'atitigu Kilisitohi naga'magi li nupa hilata nehana, nehafihe luto ya lu epilo. To nalalu'nifu sipi nebesise bo, Epanetusi nohapihe luto nolunagi lu emilo. Asaga Esia melugu bona'magi Kilisitohi keheli ule'ale huto nehana, ai kohe toto Kilisitohi kehelito yata'a huto hu'ehina bo yabe.

Romu 5:7

To bati bo mone'mofito bo moneuba fili etenogo lali topa halune. Bati bo mone'mofihi bo moneuba fili etalifi mefili etalifi ya'ma keta huto'i ni'inaya ana huto mehilibe luto lali lekesa kehelilata nohune.

1 Koliti 16:1

To yatai lenali Hu'mamofihi bona'magi Yelusale hepato nehana kumu yabe lite moni efahi li nupa hilabe luto lu lepilugi kehelilo. Galesia hepatoga mono bona'magihi lu epi'ohuna suhi hite hilo.

1 Koliti 7:17

Lenali lenemeto lenemeto hite Sipi Bomofihi suhi lolo hite minete lite hilabe luto lu lepolo'ehina to Hu'mau elesa molo emina yupahi lolo huto moloto minolata nohina yanamofihi mono kagagu minalo. Nani noto noto Yesuhi naga'amagihi ya'ma kaga lu epito lu laga hulata nohube.

Filipai 2:30

Ai Kilisitohi foya'amu yabe luto filise'namu koli mehuse li'ehina yabe. Ya huto lenali foto minete nele'mo bati mehago ai kele kele'i hu netalibe luto gufa'a katiya'i hilube'mu keheligo keta mehu'ehibe.

1 Tesalonika 2:14

Lalalutigita, Hu'mamofihi yagapana'a Yuta melugu Yesu Kilisitotoga bite i ke'me'ahana enali hiti lenali hiti moneko'i lolo hite nehabe. Enalitoga huto hu'ehina suhi ana huto lenalitoga huto hu'ehina yabe. Enali bona'animagi enele'mo sibina hi'ahana ni'igo to ana hite lenali bonatini luga'amagi kalana'i mele lepelete ya hi'ahana yabe.

1 Yoni 3:16

Yesu Kilisitou ai lali kumu yabe luto minoto lito hulata'a he'miloto fili'ehibe. Ai ya higo komopati ai eminogo ai eminogo hiluta hapati li yege holago bu go'ohune. Yana'mu lali ana huto lalalutigihi enali kumu luto minoto lito hiluta'a ya'ma he'miluta babeyafalo enalitoga minalutamo ni'ibe.

Huto Hilina Ka 1:4

Yonita nani'i Esia metoga Hu'mamofihi bona'a li gehesa 7 nehana lenali'i fayaha nasana ya'ma koyoto nolepube. Hu'ma koyapa mino'ehina bo to minoto nohina bo to koyapa koyapa minalina bo aitoga ni'ina to sekele mamu'a hiti kefa hisa gobisa'alo hetofa kene'i 7 enalitogati ni'ina,