Romu 16:20 - Ka Lamana'a Monoꞌi Lu Mu Tifiꞌehina Ka Yabe

²⁰ To hupa mone kana bulenogo Hu'mau komopatigu fuluna'a limi'ehina bouba ma'asi lenele'moto lenigigusatu Satahi iti kalana'mu yabe. To Sipi Boti Yesu lehe'mose'na'a lenalitoga minalibe luto nunumu nohube.

Romu 16:20 ပူးပေါင်းရင်းမြစ်များ

Matiu 4:10

Ya ligo Yesu Satahi ho lifito ma lu'ehina: Satao, abufa hubo. Mono kauba: Hu'mamofihi Sipi Bo aisigo gi'a li saga huto fokehi hoto agoya hu emibo, luto lulata nohibe.

Luku 10:19

Kehelilo. Osifa gufalo fito kakamuke'magi luba nehana yagakafamagihi ibe lilika ibe hite nebite ana hite fatehatinimagihi asaga amuya'ani li gofa halabe luto nani amuya lepi'ohube. To ana'ina moneuba lenugufa li sibina mehilina'mu yabe.

Romu 15:33

To Hu'mau, fuluna hapa'a nohina bouba lenali hiti minalina'mu yabe. Ma'naka.

Romu 16:23

To nalalu'nifu, Gaiyasiu nehafihe luto nolibe. Ai'a noha'agu Kilisitohi naga'i mone'amagi li nupa hilata nehana. To Elasatu gamanimofihi efahi kaba bo, to gonamu tamu bo mone Kuotasi hiti lenali kumu nehafihe lite nela'ibe.

Romu 16:24

Sipi Boti Yesu Kilisitou lenehe'mose'na lenalitoga minalibe. Ma'naka.

Romu 8:37

Ya'ma huto hu letalana asaga'namofihi Yesu be ligi'ehigo bati huto minalune. Yesu ai sipi ginaga fi limito kaba hu letago aitoga ule'ale huto minolata nohune.

1 Koliti 16:23

Sipi Boti Yesu lehe'mose'na lenalitoga mino moloto mineno.

Galesia 6:18

Nalalu'nigita, Sipi Boti Yesu Kilisitohi lenehe'mose'nauba komopatinigu mino lito buto mineno. Lama'naka.

Filipai 4:23

Sipi Bo Yesu Kilisito lenehe'mose'nauba lenalitoga asaga'i bu foloto minalibe.

1 Tesalonika 5:28

Sipi Boti Yesu Kilisitohi lenehe'mose'na'a lenalitoga minomo buto mineno.

2 Tesalonika 3:18

Sipi Boti Yesu Kilisitohi ai lenehe'mose'na'a lenali asagatoga mino moloto mineno.

2 Timoti 4:22

Sipi Bouba kaitoga meha'a hiti minalibe. To Hu'mamofitogati lehe'mose'na lenalitoga mino moloto mineno.

Filemoni 1:25

Sipi Bo Yesu Kilisitohi lehe'mose'na'a lenalitoga mino moloto mineno.

1 Yoni 3:8

To luga'amagi foipana lilata minalana enali Sataha bona'a neminabe luto lilune. Satau ai foipa nasana koyapa emagati lelito buto mino'ehina. To liloto nohigo Hu'mamofihi pana'auba ai'a Satahi foya'a ya'ma laga huto li sibi sibi huto he'milube luto oto huto hu'ehinamo ni'ibe.

Huto Hilina Ka 12:10

Ya nehago kokulumaga ka sipi ma luto huto higo keheli'ohuna: Hu'mau lubuto bilata nohina to ai amuya bo to gulu ho letalibe luto lu leto'ehina bomofihi kaba hulata amuya'a ya'ma ahuto hu su habe. Le'mo ho ti'ehina bo, Mesia ai amuya'a huto huto nohinagihe. Ligibo lalalutigihi enali kalana'i molo epolo'ehina'mu Hu'mamofihi gobisalo ho tito kana'amu kana'amu utehi etehi ka foya li epoloba li epoloba hu'ehina bo ai ya'ma kokulumatogati fitu fo he'migo limi'ehibe.

Huto Hilina Ka 22:21

Sipi Boti Yesuhi lehe'mose'na'a lenalitoga mino moloto mineno.