Romu 16:10 - Ka Lamana'a Monoꞌi Lu Mu Tifiꞌehina Ka Yabe

¹⁰ To Apelesi nohapihe luto nolube. Ai Kilisito kumu ule'ale huto lusi bo nohina'mu asaga bona'magi akeheli'ahabe. To Alisotobuluhi noha'agu neminana bona'i nehafihe luto lu epilo.

Romu 16:10 ပူးပေါင်းရင်းမြစ်များ

Romu 14:18

To lenali Kilisitohi ka'a kehelite agoya hu emilenogo Hu'mau lenali kumu fokehi lilata nohibe. Ya nohigo bona'magi ana hite ma'naka lite ananamu'i enofokehi lilabe.

Romu 16:3

To alobole loemo Akuilagi to Pilisikagi neha'ifihe luto koyonamo lu etimilo. Etali hiti Yesu Kilisitohi lili'na moneka li'ohuta yabe.

Romu 16:7

To nalalu'nile'i Yuta bo Atolonikusigi to Yuniasigi, etali nani hiti kalabusigu mino'ohuta bole neha'ifiye li etimilo. Yata'a nanimo fa'mene nohugo etali kohe tete Kilisitohi naga'i lolo hite mine'aha'ina yagi asaga aposolo bona'magi etali kumu keheligo noenebesibe.

Romu 8:11

To Hu'mamofihi Sikalafu'i Yesu fili'ehinaguti le'mo ho ti'ehinauba lenali komopatinigu nominenogomo ya'ma Kilisito le'mo ho ti'ehinauba komopatinigu minoto lenugufatini fililinalo kosaba'i le'mo huto hilina'mu yabe.

1 Koliti 11:19

To loko hi'ahanauba hiya bona'magi Hu'mamofihi bulo mono ka'mu amuya melelata nehana le'mo huto hulata nohibe?

2 Koliti 12:2

Nani Kilisitohi bona'a mone'i keheli'ohube. Nani ya'ma nasana mone bu go'ohuna kana'a kufu 14 nobigo bo mone ai'a ya'ma Sipi Bouba fa'mene le'moto tito kokuluma ifo muya gupisalo ni'inagu ya'ma ti'ehina. Nani gufa'a hiti ni'ifi to gufa'a gololo tilago ni'ifi luto ya'ma keheli bati mehube. Hu'mau ai'a ya'ma keheli'ehibe.

2 Koliti 2:9

Nani ma luto le'mo bati hulata nasana'mu luto yata'a fayahi koyoto lepi'ohunamo ya'ma ka'ni kehelilafihe luto yamofihi hapa'a huto hilibe luto fi taga hu lepoloto koyoto lepi'ohunamo ni'ibe.

2 Koliti 5:17

Ya hu'ehina'mu bona'i moneuba Kilisitotoga hepiloto molo emi'ehilina ai yuhufana lolo nohilibe. Tafa hapa'a su ho etolago kosaba hapa'a ahuto hu'ehilina yabe.

2 Koliti 8:22

Lali ya'ma etali hiti lalalutifu mone'i hiti enoho lufutogo foiya nebabe. Ana bo ya'ma babu yupahi fi taga hu etoto bu go'ohuna amuya nasanamofihi hapa'a huto hu'ehibe. Yatai ya'ma lenali kumu keheligo ule'ale nohuto amuya babu luto nomalabe.

Galesia 1:22

To Yutia melugu Yesuhi pana'alobo'a ya'ma nogokabalo bu mege'ahana yabe.

Filipai 2:22

Timotiu ai minoto lito nohinamofihi hapa'a bati hu'ehigo akeheli'ahanamo ni'ibe. Ai pana'i moneuba afo'afi he'malata suhi luto ka lamana'amofihi foya'a nehe'moto li'ehina yabe.

1 Timoti 3:10

Kai ya'ma bona'i bati hilafi luto kohe toto hapa'ani babeyafa huto fi taga hu epoloto bu enegenogo bati hinogo mono foya epilenogo mono lili'nalo bo lolo hilabe.

2 Timoti 4:19

To ya'ma Pilisika to baha'a Akuila yagi to Onesifoluhi lalameha'a ya'ma keke'i lu noepolona nehafihe luto lu epibo.

1 Pita 1:7

To hena'mube? Fono ka lu lepilugi kehelilo. Bona'magi goli efahi meluguti yuhufasi nelina kanagu mone laga mehilina'a hiti ni'inogo enali sibi logogu melelago ana logouba ya'ma laga mehilina'a lo su halina'mu yabe. Ya hilenogo goli efahi eto huto bati huto minalina'mu yabe. Ana suhi huto lenali Kilisitohi keheli amuya molose'na tito mino'ehina ni'igo ya'ma keke'i luse'na guna molo lepolose'nauba lenele'mo bati hilube'mu nohinogo amuya melete nehinogo Yesu Kilisitou ai nehetilina kanagu lenigitini le'mo saga huto lenofokehi luto nohinogo to fana meha'auba le'mo ho tito le'mo ho tinogo lenalitoga minalina'mu yabe.