Romu 15:7 - Ka Lamana'a Monoꞌi Lu Mu Tifiꞌehina Ka Yabe

⁷ To Yesu Kilisitou lenele'mo'ehina'mu lenali ana hite Kilisitohi bona'a enebe tigite folagahatinigu nehana ya'ma komopatini epilo. Ya hilenogo Hu'mamofihi gi'amu hofa talibe.

Romu 15:7 ပူးပေါင်းရင်းမြစ်များ

Matiu 10:40

Bo moneubafi moneuba lenebe tigilinaya nani'i nebe tigilina'mu yabe. To nani'i nebe tigilina bona'iya ai noho lifigo limi'ohuna bomofihi be tigilina'mu yabe.

Maki 9:37

Bo moneuba nani kumu luto ya'ma yagapana'magihi mone'a be tigito le'moto gulu hilina bouba ai ana huto nebe notigibe. To nani nebe tigilina bouba ai ana huto noho lifi'ehina bo Hu'mau ana huto be notigibe. Yesu ya luto lu epi'ehibe.

Luku 15:2

Ya nehago Felosi bona'i to keya ka tisa bo bu gelete gulu gulu bite ma lite Yesuhi ka emeki'ahana: Ma bouba ai foipa bona'i hiti enele'mo bati huto enali hiti nose'na nolata nohibe.

Luku 9:48

ma luto lu epi'ehina: Bo moneuba ma lagaso yagapana'i nani kumu he'malina ai nani'i nehe'malina'mu yabe. To bo moneuba nani'i nehe'malina ai nani'i noho lifigo limi'ohuna bo he'malina'mu yabe. Bo mone folagahatiniguti nesi bo laba huto nohilina ai sipi bo nohibe.

Yoni 13:34

To yuhufa kaga lu molo'ohuna ma lu nolepube. Lenali komopatini lenogotinifihi emilo. Nani komopa'ni lenalitoga lepi'ohunagi lenali ana hite ai komopa'a eminogo ai eminogo hite ya hilo.

Yoni 6:37

Asaga bona'i nani Afo'nifu nimilinamagi nanitoga alana'mu yabe. To nanitoga alana bona'i enubunepa ito enele'mo mehe'miluna'mu yabe.

Romu 15:9

To fegutoga bona'magi Hu'ma ginaga fi epigo aitoga enegelo bilabe luto o'ehina yabe. Ana ginaga fise'namu mono bukugu fayahi keye'ahana: Nani fegutoga bona'i nehanalo kai kumu negelo bilunagihe. Kigika liyafa huto kanipo fise nama lilunagihe.

Romu 5:2

Yatai ya'ma fulunagu minoto keheli ule'ale huse'namofihi ai'a kapo li hokolo hu letago Hu'mamofihi lehe'mose'nagu ti'ohune. Ya'mu luto Hu'mamofihi fana mehenagu bilune luto bu mego'ohutana geba hu'ohuta legelo bito nohuto lilune.

Efeso 1:12

To ya'mu lali Yuta bona'i kohe toto Kilisito kumu agoya hu emito geba huto minota bona'magita lali Hu'mamofihi hetofa gi'a liyafa huto minalune.

Efeso 1:18

To lenegekesa yigise'namofihi li hokolo hulenogo Hu'ma hiti alihi mine bati hilana hapa'a kehelilabe luto, to lenali panana'a alihi lepilube luto lu molo'ehina'a kehelilabe luto, loka nohobe.

Kolose 3:13

Foipanatini ai li he'metenogo ai li he'metenogo hite minalo. To lenali folagahatinigu mone bouba kele'mo sibina nohinogomo kai kipagu fulu hinogo nohuto le'mo bati hubo. Sipi Botiuba lenali sibina nohuto le'mo bati hubo. Sipi Botiuba lenali sibina hi'ahanana ali he'mi lepoloto lenele'mo bati hu'ehinagihe. Ai hapa'a mege'i malalo.