Romu 15:6 - Ka Lamana'a Monoꞌi Lu Mu Tifiꞌehina Ka Yabe

⁶ Ya hinogomo lenali asaga'i moneko'na hite lenonogotini Hu'mamofihi kanipo filana'mu yabe. Sipi Boti Yesu Kilisitohi afo'afitoga lenegelo bilabe. Ya'ma aitoga loka ho lepoloto nunumu nohube.

Romu 15:6 ပူးပေါင်းရင်းမြစ်များ

Yoni 20:17

Ya ligo Yesu lu emi'ehina: Kai nunu mekibo. Nani yata'a aku afo'nifitoga metise nohugo nogona'ni nehanalo buto ka lu epi netobo: Nani kokulumalugu Hu'mamofitoga tito afo'nifu afotinifu aitoga tilube'mu nohube.

Aposolo 4:24

Ya hila'igo enali asaga'i akehelilete komopa'ani monetoga melelete ma lite Hu'mamofitoga nunumu hi'ahana: Sipi Bo, kai kokuluma hiti me'i hiti to hege nagami'i hiti to asaga'na sigina mehinanalo ni'ina kaika lolo hu'ahata yabe.

Aposolo 4:32

Hu'mamofitoga komopa'ani emite minana bona'i enali moneko kaga liyafa hite mine'ahana. To bo moneuba ai fe'noha'alo bu goloto nani'ni nasana'ni ni'ibe luto melu'ehina. Asaga fe'noha'a enali asaga'i nehanamagi enali'na hiti li baga i'ehina.

2 Koliti 1:3

Sipi Boti Yesu Kilisitohi ai afo'afihi Hu'mamofihi fokehi lilune. Ai fulunamofihi afotifu to lele'mo fulu hulata afotifu nohibe.

2 Koliti 11:31

Sipi Bo Yesuhi afo'afu Hu'ma ai'a ya'ma nani kumu bati huto nokehelibe lama'naka luto'nimofihi keheli'ehibe. Ai gi'a li saga huto fokehi luba luba hulata hiluna'mu yabe.

Efeso 1:17

To Hu'mau Yesu Kilisito Sipi Botimofihi afo'afu, fana meha'a hiti afotifu, ai mehi lepito lenegekesa le'mo hokolo hinogo to Hu'mamofihi hapa'a lu lepilenogo lenali keheliya ite Hu'mamofihi hapa'a keheli fotogo hite ya hilabe luto loka nohobe.

Efeso 1:3

Sipi Boti Yesu Kilisitohi afo'afu Hu'ma ai lele'mo fulu huto kokulumaguti mono lusa fato fato'mofihi Kilisitotoga buto mino hepina'mu yabe luto limi'ehina yabe. Limina'mu yabe luto fokehi lilune.

Kolose 1:3

Le'ali asaga yupahi lenali kumu Hu'mamofihi loka noho'ina kanagu Hu'mamofihi fokeha'a nolu'ibe. Ai Sipi Boti Yesu Kilisitohi afo'afu nohinagihe.

1 Pita 1:3

Lali Sipi Boti Yesu Kilisitohi afo'afihi Hu'ma ai kumu foke ka lilune. To sipi ka'ya Yesu Kilisitohi fili'ehinaguti le'mo ho ti'ehibe. L'emo ho ti'ehibe luto komopa'a sipi huto li hokolo lu limigo kosaba komopati hiti huto hulata nohune. Huto huto minomo buto minolatanamofihi legeya'a kehelito geba huto minolata nohune.

Huto Hilina Ka 1:6

Ya huloto ai'a afo'afu Hu'mamofihi le'mo hetofa hulenogo minalabe luto ai foya'a li etalabe luto analo mamufa gilata bona'i kapo'alugu lele'mo molo'ehina. Aitoga ya'ma fana meha'a hiti to amuya'a hiti ule'ale huto minalina minomo buto minalina'mu yabe. Lama'na ka.