Romu 15:25 - Ka Lamana'a Monoꞌi Lu Mu Tifiꞌehina Ka Yabe

²⁵ Ya bilunamoya yatai nani ma'asi Hu'mamofihi bona'a Yelusale hepalugu nehanamagihi enehe'malube luto enalitoga nobube.

Romu 15:25 ပူးပေါင်းရင်းမြစ်များ

Aposolo 18:21

Ya luto ka'ani pelesa iloto ma luto lu epi'ehina: Ai Hu'ma linogomo nani aku'i lenalitoga oto bu lenagalube. Ya luloto botigu tiloto Efeso hepa'i he'mito bu'ehina.

Aposolo 19:21

Alihi anana huto hu su holago Polu kapo moloto Masetonia kegi'a buto Gilisi melugu nehetiloto yagati he'mito Yelusale bilube luto ekesa keheli'ehina. Ya'ma melugu bu baga iloto'ni ana huto alihi Lomu kegi'a bilube luto lu'ehina.

Aposolo 20:16

Polu Yelusale hepatoga mono fuli yupapogu ya'ma gi'a Petikosu yupahi yabe ana yupapogu nehetilube luto to Efeso hepatoga buloto Esia kapogu minaluna kana le'mo yatama hilibe luto ligo lali Efeso hepa'mo bege ligito buto Miletusi hepatoga neheti'ohune.

Aposolo 20:22

To yatai kehelilo. Hu'mamofihi hetofa Sikalafu'uba amuya moloto noho lifigo Yelusale hepatoga nobube. To anaga buto nehetilenogo hena hi netalabe nani keheli bati menohube.

Aposolo 24:17

To nani Yelusale hepatoti he'mito buto fato hepatoga kufu kana nominonati aku anaga moni efahi lito buto nani bona'ni epila to kuguhi gola hilube'mu bu'ohuna.

Aposolo 9:13

Ya ligo Ananiasiu ka'alo nona'a lu emi'ehina: Sipi Bo, babu bona'magi ya'ma bomofihi kaga'a nelago nokeheluna bo nohibe. Kai boanaka Yelusale'i enegene mane ise bati mehina suhi babu luto ya'mana bouba li huto nohibe lago nokeheluna yabe.

Romu 12:13

Lenali Hu'mamofihi bona'a enumuhi meni'ina'amagihi fe'nohatini fuku lite li epilo. To bonoho bona'i elenogomo nohatinigu enele'mo melenogo tilenogo nose'na epite malo kalo lite, ya lu epilo.

1 Koliti 16:4

To lenali kehelinogo bati hinogomo nani hiti moneka bilune.

2 Koliti 8:4

Nani enegekesa lito ya mehu'ohugo enali'ani kehelite logo'na hete Yutia kapogu Hu'mamofihi bona'amagihi komopa'ani bati hinogo kehelilana nasana li huto hite enele'mo bati hilana kefahi epilane lite loka heba heba hite li'ahana.

2 Koliti 8:6

Enali ya suhi hilago Taitasiu ya'ma lenali komopatini keheli bati hilana foya hapi fi'ehina ya'ma li su hoto lilibe luto yamofihi lu eto'ohuta yabe.

Galesia 2:10

Enumuhi meni'ina bona'i enali limite nehana'a i pebisa meho epolose enehe'malane lite nelite ya'ma kaga'asigo lu nimi'ahana. To ana foya emasana amuya moloto li'ohube luto kehelito nohunalo nohube.

Hibulu 6:10

Hu'mau ai'a mone li sibina huto ya huto menohibe. Lenali ai kumu yabe lite foya'a lite komopatini minalanamofihi lamana'a yamofihi Kilisitohi yagapana'a enele'mo bati hite lenemehi emite enehe'malata nehanamo yamofihi ai'a yana'mu ekesu mehalina'mu yabe.