Romu 15:19 - Ka Lamana'a Monoꞌi Lu Mu Tifiꞌehina Ka Yabe

¹⁹ To huse mehuse suhi huto ule'ale nasana lito oto mololoto nohuto Sikalafu'amofitogati amuya liloto topa hose'na'a hiti lilenogo kehelilabe. To nani Yelusale hepatogati hapi fito Kilisitohi ka lamana'a asaga'i lu huto holito buba buba huto ya'ma me'i le'mo bego bego huto Ililikamu metoga buto lu yege ho'ohuna.

Romu 15:19 ပူးပေါင်းရင်းမြစ်များ

Matiu 12:28

Ai Hu'mamofihi Sikalafu'auba amuya nimigo foipa fele hesi nohe'mi nogo'nimo lenali Hu'mamofihi kapo'a lalitoga a'o leba notanagi lite kehelilabe, luto Yesu lu epi'ehina yabe.

Yoni 4:48

Ya higo Yesu lu emi'ehina: Lenali kaga'ni keheli menimise nehite babeyafana fato fato'i li huto hinogo'ni bu gelete nani kumu keheli ule'ale hilata nehabe.

Aposolo 1:8

Ya hu'ehinaya Sikalafu'uba lenalitoga alina yupahi lenali amuya lilete, Yelusale kegi'afi, to asaga'i Yutia to Samalia kegi'a buto nohe'muna to melugu foto'i nekisa'aga nani kumu'i lu yege halana'mu yabe.

Aposolo 13:14

Enali Pega hepa'i he'milete kapo melete Atioki hepato Pisitia kegi'a bi'ahana. Ya hilete fuli yupahi kana'alo Yuta bona'magi mono nonuga tite mine'ahana.

Aposolo 13:51

Ya hago etali etigigusagu su'atiti kisite mumusopa i tili hilete Ikoniu hepatoga bi'aha'ina.

Aposolo 14:10

Ya huloto Polu ana bomofihi kehe napa ito lu emi'ehina: Kigigusaka fi su toto ho ti fefe lubo. Ya luto ligo ana'asilo ana bouba gigusa'a bati higo ho tiloto leke hoto mone'a kapo molo'ehina.

Aposolo 14:20

Ya hago Yesuhi kaga'a kehelise bona'magi Poluhi bite le'mo bego hago ai ho tiloto tauniga ya'ma aku'i ti'ehina. Eteka'a ai'a hiti Banabasi hiti Tebe hepato bi'aha'ina yabe.

Aposolo 14:25

Etali Pega hepatoga ka lamana'a lu yege helete yaloti he'mite Atalia hepalugu limi'aha'ina yabe.

Aposolo 14:6

Ya lite lana kaga etali akehelilete ana hepa'i he'mite koli hite i minigite bite Likonia kegi'a loe tauni Lisitala hepa'i hiti to Tebe hepa'i asaga lagaso meso hepa'i ana loe tauni lebato ni'inalo bula ola hite mine'aha'ina.

Aposolo 15:12

Pitau ya luto kaga lulago asaga bona'i li gehesa hite nehanamagi kaga'ani lege'nete legeso hi'ahana. Ya hilete Polugo Banabasiugo la'ina kagalo enekesa mele'ahana. To ya hago etali etayato Hu'mau babeyafana fato fato'i ya'ma topa hose nasanamofihi fegutoga bona'magi folagaha'anigu li huto hu'ehina kaga lu epi'aha'ina yabe.

Aposolo 16:18

Babu yupahi ya'ma pa'uba ya lumofa'na higo Poluhi kosele'a hago i behe huto ana foipa felemofihi ma luto lu emi'ehina: Yesu Kilisitohi gi'alo kehe nounagi leke ho limito bufa hubo. Ya ligo ana foipa feleuba ana'asilo ana pa'mofihi komopa'aguti mele'isi hele ko limi'ehina.

Aposolo 17:10

To ana folugu'i sinihi ginogo Yesutoga agoya hu emi'ahana bona'magi Polunogo Silasinogo Belia hepato mele'isi etoho lifi'ahana. Ya hago etali Belia hepato henetilete Yuta bona'magi mono li gehesa huse nonuga bite ti'aha'ina yabe.

Aposolo 17:15

To Poluhi le'mete moneka bana bona'magi le'mo foto'i melete Atenisi hepato bi'ahana. Ya hilete enali aku'i i behe hite Belia alune'mu nehago Polu Silasinogo Timotinogo etali kumu mele'isi nani nohunaga aliyo luto kaga malago lite bi'ahana yabe.

Aposolo 18:1

Alihi Polu Atenisi hepatoti he'mito Koliti hepato bu'ehina.

Aposolo 18:19

Enali Efeso hepalugu henetilete Pilisilanogo Akuilanogo he'mi etoto'ehina. Ya huloto Yuta bona'magi li nupa lite mono kaga beto hilata nehana nonugu ai tiloto Yuta bona'i hiti kaga lu keheli fa keheli hi'ahana.

Aposolo 19:1

Apolosiu Koliti hepatoga minana kana'aluga Polu kosa ubago hina kapo luga kapo moloto oto Efeso hepato neheti'ehina. Ya huloto Efeso hepalugu Yesutoga agoya hu emi'ahana bona'i luga'a bu enogoloto enoloka ho'ehina:

Aposolo 20:20

To kaga lu yege hoto mono nasana'mu lenelepito mone lenehe'malina ka fala mekise lu lepi'ohuna. Ya'ma asaga bona'ni li gehesa nehanogo lu lepilata huto to lenali nohatinigu moneko'na moneko'na nehago lu lepila huto mino'ohuna yabe.

Aposolo 20:6

To lali ya'ma fuli yupahi beleti nose'na yisititu lolo mehise nenana ya'ma su hago lali Filipai hepatogati botigu tito buto 5 yegegu bu'ehigo lali Toloasi hepatoga nehetiloto anaga enali nehanalo li nupa hutoti 7 yegegu mino'ohune.

Romu 15:13

Nani Hu'mamofihi loka noho lepolobe. Lenali Hu'mamofihi keheli ule'ale hite neminenogo ai'a gelo bise'na to fuluna'a hiti lenalitoga huto hinogo lenifita ilata nehana'a mone hiti le'mo hofa talina'mu yabe, nolube. To Sikalafu'uba lenele'mo amuya melenogo lenifita ilete kanihi sipi fino, luto nolube.

Romu 15:16

Nani Yesu Kilisitohi lili'nalo bo nohunagi nani fegutoga bona'i Hu'mamofihi baga'aguti lamana ka lito lu yege ho epologo keheli'ahanaya, enali mamufa molo emi'ehina suhi hite nehabe. To nani lusa gilata bo suhi huto nohube. To Sikalafu'uba enele'mo bati hinogo Hu'mau fokehi luto, enele'malube ligo ya'ma mono bona'i lolo huto lili'na nolube.

1 Koliti 2:4

Ya huto nohuto Hu'mamofihi kaga lu'ohuna lenegekesa lilube luto metoga bona'magi kehelise'na'ani ni'ina kagaguti lenimi molose ka lu melepi'ohube. Hu'mamofihi amuya'auba to Sikalafu'uba nani'i kaga'ni le'mo hetofa hu'ehigo legeya'a lolo hulata hu'ehibe.

2 Koliti 12:12

Nani lenalitoga foya bati huto lugo topa hose suhi to ana'ina kosaba'i bu go bati huse nasana kosele'i meho'ehina'a hiti huto hulata nohina yanauba aposolo bomofihi hapa'ni li huto hulata hu'ehina.

Galesia 3:5

Hu'mau ai'a Sikalafu'a molo lepolola to amuya nasana lenalitoga topa hose'na huto hula nohina bouba henabe luto ya nohibe. Keya ka keheliya ite mege'i melelago lenele'mo bati hulata nohifihe? To Kilisitohi ka lamana'a keheliya ite agoya hu emilago lenele'mo hetofa hulata nohinamo ni'ifihe? O'yo, ya'ma ni'ibe.

Kolose 1:25

Hu'mau nani Kilisitohi naga'i nehana bona'magihi koko pana'ani nele'mo'ohuto'a noho lifigo buto lenali Yuta gegisaguti fegutoga nehana bonatoga buto Hu'mamofihi suguna ka lu lepilube'mu hunogo keheli bai talana'mu yabe.

1 Tesalonika 1:5

Ka lamana'a ito buto lu lepi'ohuta yabe. Lali labagagutiko ka lepi'ohuta meni'ibe. O'e, Hu'mamofihi amuya'a hiti ni'igo ai Sikalafu'uba ya'ma lamana'a ni'ibe luto lu lepi'ehinamo yabe. Lali lenalitoga mino'ohuta hapati abu ge'ahanamo ni'ibe. Lenali kumu yabe luto lenele'mo bati hilune luto lamana huto mino'ohuta bu ge'ahabe.

2 Timoti 4:17

Sipi Bouba mehi nimito nele'mo hetofa hu netoto ka lamana'a lu yege hoto lu epito lu su halane luto to fegutoga bona'magi keheli baga ilabe luto lufusa'ni amuya molo neto'ehina. To lubanamofihi bagaguti Sipi Bouba nubuto bito gulu ho neto'ehina yabe.

Hibulu 2:4

Ya nohigo ana kanagu Hu'mau ya'ma lubuto bilatanamofihi kaga'a lusiga lu'ehinamoya ai'a fato fato suhi to amuya'amofihi nasana to topa hose'namofihi ana'ina kosaba'i to babeyafa'alo fato fato'i li huto huto molo'ehina yabe. To Hu'mau ai lu kehelito ya'ma Sikalafu'mofihi nasana amuya'a ai'a lu'ehinalo moloto guna ito limi'ehina yabe.

1 Pita 1:12

Ana ka lu huto huse bona'magi enali ma lite keheli'ahana. Ya'ma sa sa hite keheli'ahana kaga enali'ani kanagu huto hilina meni'igo lenali kanagu huto hilina ni'ibe luto Hu'mau lu hokolo hu epolo'ehina. To enali lu yege he'ahana kaga lenali yatai kanagu nekehelibe. Ya'ma Hu'mau ho lifi'ehina Sikalafu'uba kokulumaluguti limito enele'mo amuya mololago enali ka lamana'a lenalitoga lite bi'ahana bona'magi Kilisito kumu lu lepi'ahana ka ni'ibe. To ana kaga agelomagi ana hite kehelilune lite sa sa hilune'mu nehabe. Ana kaga lenalitoga huto hu'ehina ni'inagihe.