Romu 15:18 - Ka Lamana'a Monoꞌi Lu Mu Tifiꞌehina Ka Yabe

¹⁸ Ya'ma foya hena'ni huto lutita ni'ibe? Ya nohuto'ni nelesa meligo Yesu Kilisitou nehe'mago'ni fegutoga bona'magihi Hu'mamofitoga enele'mo'ohunamofihi kagasigo lu epilata nohube. Yesu Kilisitou nele'mo hetofa higo fegutoga bona'magihi mono ka keheliya ilabe luto foya'a li etoto mino'ohuna. Ya'mu keta mehuse huto lu lepilugi kehelilo. Nani ya'ma mono ka lu huto huse'a lu noepube.

Romu 15:18 ပူးပေါင်းရင်းမြစ်များ

Matiu 25:16

Ai ana kaba bo'ani abufa hulago 5,000 kina lina bouba hololu luto ana efatoti bisinisi mololoto 5,000 kina aku'i molo emito mone'a hiti efahi huto li'ehina yabe.

Maki 16:20

To enali bu gelete, bite asaga hepatoga biba biba nehite Yesuhi hetofa kaga'a lu yege helata mine'ahabe. To Sipi Bouba enehe'moto enalitoga minago, enali sipi lili'na amuya'a hiti topa hose suhi lite hi'ahabe. To yana'mu bona'magi ya'ma bu gete enali: Lusiga nelabe lite keheli'ahana yabe.

Aposolo 14:27

Etali Atioki hepalugu nehetilete Yesutoga komopa'ani melete neminana bona'i kehe i nupa hilete Hu'mau etali'i kaba hu etoto'ehina hiti to fegutoga bona'magi kapo'ani li hokolo higo enali hiti ana hite aitoga komopa'ani mele'ahanamofihi kaga'a lu epi'aha'ina yabe.

Aposolo 15:12

Pitau ya luto kaga lulago asaga bona'i li gehesa hite nehanamagi kaga'ani lege'nete legeso hi'ahana. Ya hilete Polugo Banabasiugo la'ina kagalo enekesa mele'ahana. To ya hago etali etayato Hu'mau babeyafana fato fato'i ya'ma topa hose nasanamofihi fegutoga bona'magi folagaha'anigu li huto hu'ehina kaga lu epi'aha'ina yabe.

Aposolo 15:4

To enali Yelusale hepato henetigo Yesuhi kaga kehelise bona'magi hite aposolo bona'i hiti to olopa bona'magi etebe tigi'ahana. Ya hago etalitoga Hu'mau etoto'ehinamofihi hapa hapa'a lu epi'aha'ina yabe.

Aposolo 21:19

Polu enebe tigito'a kaga'a asaga'i lu epito ya'ma Hu'mau fegutoga bona'i hetofa hu epolo'ehina'a ya'ma Poluhi foya'a li'ehina'mu asaga'na yamofihi kaga lu epi'ehina yabe.

Aposolo 26:20

Nani yata'a hapi fito Tamasiko hepa'alugu bona'i lu epiloto'ni alihi Yelusale bona'i lu epiloto to asaga Yutia kegi'a hepa'i ni'inalo ni'inalo lu epimofa'na huloto'ni to ana huto fegutoga bona'i hiti ma luto lu yege ho epi'ohuna: Lenali foipa fato fato suhi nehanamofihi he'mi su helete Hu'mamofitoga i behe hite bilete hetofa sunogo hite bona'i enubulo minalanauba mana'a huto hilibe.

Romu 1:5

To Hu'mau Yesu kumu ai koko pana'ni nohane luto lu nimito nele'mo ho ti'ehina. Hena'mube? Nani asaga melugu bona'i kaga'a lu epinogomo ka kehelite komopa'ani Hu'mamofitoga mele emite minalabe luto ya'ma noho lifito ana lili'na sipi'a nimi'ehina.

Romu 16:26

Ya'ma kaga koyapa fala kito mino'ehinaya, yalo lu huto huto bomagi ana kaga fayahi keyete yanauba li hokolo hu'ehigo akeheli'ohune. Yatai huse mehuse suhi nohina bo, Hu'mau lu epilo luto lu molo'ehinamofihi lali noto noto bona'magi asaga'i lu epilata nohune. Ya lu epito nohunogo enali asaga bona'magi ana kaga kehelite aitoga agoya hu emite mege'i malalabe.

Romu 6:17

Koyapa'i lenali foipanamofihi koko pana'a mine'ahanaya to yatai Hu'mamofihi hetofa kapa lu lenelepi'ehinanamu'i kehelite ana kaga ma'naka luto mege'i melelata nehabe. Yana'mu Hu'mamofitoga lofokehi nolune.

2 Koliti 11:31

Sipi Bo Yesuhi afo'afu Hu'ma ai'a ya'ma nani kumu bati huto nokehelibe lama'naka luto'nimofihi keheli'ehibe. Ai gi'a li saga huto fokehi luba luba hulata hiluna'mu yabe.

2 Koliti 12:6

Nugufa le'mo hofa taluna ka'a lilube luto lutita lama'naka luto lutitamo ni'inaya negi nagi bo meminotita'mu yabe. Ya hu'ehinaya, nani kumu kehelinogo ti lalibe luto yamofihi mone melilube'mu lube. Ana'ina'mu lugo to lolo huto moloto nohugo lenalitini bu gete akehelilata nehana ana legegeto huto minalina'mu yabe.

2 Koliti 3:5

Foyatimofihi legeya'a mone lalitigati huto hulata nohibe luto ya hu tegi ka luto keheliloto kehelise'nati amuya moloto mone meminabe. Ana'ina lolo hutogo bati hulata nohina ya'ma Hu'mamofitogati yamofihi ni'ibe.

2 Koliti 6:1

Hu'mamofihi le'mo bati nehana bona'i lali lenegekesa lito ma luto lu lepilata nohune. Hu'mamofihi lehe'mose'na'a molo lepalalina buto fa'menena lolo mehino.

Galesia 2:8

Pitau ai Hu'mamofihi amuyalo ya'ma Yuta bona'magihi aposolo lolo hu'ehina. Ana suko huto nani ya'ma Hu'mamofihi amuyalo fegutoga bona'magihi aposolo lolo hu'ohuna.

Kolose 3:17

To asaga'na hilana'a to kaga lilana'a Sipi Boti Yesuhi gi'a liyafa nehite minalo. To ai kumu Hu'mamofihi fokehi lilo.

Hibulu 11:8

Abalahau keheli ule'ale huse bo mino'ehina Hu'mau kehe ito ai me'i mone enali felisa fe'nohi minalibe luto kele'mo bati hilugi kai mekagati he'miloto mone kegi'a buto minalane luto kaga lu moloto lu emigo keheli emito me'i magafi hiya'agafi lu'ehina ya'ma mekehelise fa'mene agoya hu emito bu'ehina yabe.

Hibulu 5:9

Ya huloto bu segito mino'ehina bo lolo huto ai ka'a keheli emi'ahana silaga bonatoga enali'i enubuto bise'namofihi nekisa'a meni'inamofihi afo'anifu lolo hu'ehina.

Yemesi 1:22

Hu'mamofihi kaga'a ya'ma keheliya ilo. Fa'mene kehelite alihi he'milana yamofihi haya kalalana'mu yabe. Kaga'a kehelilete mege'i malalo.

1 Yoni 3:18

Palala'ni pana'nimagitabe. Lali komopati Hu'mamofi hiti lalalutigi hiti noepito ya'ma kagatuko to labagagutiko melilune. Komopatiguti layatuko to labagatuko luto moloto hilune.

Yute 1:9

Agelomagihi bo enogo'anifu Mikaeliu ya'ma faga mono'i lilata nehana bona'i hi'ahana suhi huto mehu'ehibe. Ai Mosehi sekuya'a ki'afu lilibe lite Satahi kenasabo bilete ihega ahega helete Satahi ka'a foipa hilibe luto keheli'ehina, ya'ma keta higo ai Satahi megeka meluse ma luto luloto lu emi'ehina: Sipi Bo aliha'a ka kemekilina'mu yabe luto lu emi'ehina.