Romu 15:17 - Ka Lamana'a Monoꞌi Lu Mu Tifiꞌehina Ka Yabe

¹⁷ Ya hina'mu nani Yesu Kilisitotoga hepito nehe'mago Hu'mamofihi lili'na'a li'ohunana'mu negelo nobito nugufa'ni li saga nesi'asi nohube.

Romu 15:17 ပူးပေါင်းရင်းမြစ်များ

Romu 4:2

Ai hetofa suhi babu luto hulata mino'ehina'mu lamana bo nohane lutita Abalaha gufa'a limo titi hutita'mu yabe. To Hu'mamofihi bulo gufa'a limo titi mehilina'mu yabe.

2 Koliti 12:1

Nugufa le'mo hofa taluta ka'a kosaba'i yamofi mone le'mo bati mehilinaya fa'mene yamofihi lilube. Komopa'ni li gelehe higo ana'ina bamu'i bu go'ohuta to Sipi Bouba lu belegepa ito lu'ehina yamofihi yata'isi beto huto lenelepilugi kehelilo.

2 Koliti 7:4

Lenali Hu'mamofitoga ule'ale hite neminana komopa'nitu keheli'ohuto lenofokehi nolube. Lenali komopa'ni le'mo fulu nehago keke'i luse'namofihi gupisalo nominoto'ni bati huto minoto negelo'ni sipi nobube.

Filipai 3:3

Ya'ma lugufati laga hilutauba Hu'mamofihi yagapana'i lele'mo lolo hilina meni'ibe. Lali Hu'mamofihi yagapana'i nohuta bona'i ya'ma lugufalo hu'ohutanamomu'i lamana huto minalune luto menolune. Lali Hu'mamofihi Sikalafu'uba nolehe'menogo Hu'mamofihi agoya emilata nohuta to Yesu Kilisitou lele'mo mino bati higo legelo bito nohuto nominone.

Hibulu 2:17

Ya hu'ehina'mu Yesu ai lali'i mamufa gi letolata boti sipi bo komopa'a molo letoto to Hu'mamofihi gobisalo foya amuya moloto lilatanamofihi minalibe luto bona'i lali'i foipanati okala hu letalibe luto ya'ma ai henana hu'ehibe? Ai lali hiti gonamu tamu'a lolo huto'a fili'ehinamo ni'ibe.

Hibulu 5:1

Melugu bona'i enalitogati mamufa gilata bona'mofihi le'mo ho ti'ehinauba Hu'mamofihi lili'na'a liloto to bona'i enele'mo eto hu'ehina. Ai asaga bona'magitoga enali kumu yabe luto Hu'mamofitoga huto hu emiloto foipana'animofihi nasanalo lokiya fi emilabe luto enele'mo molo'ehina.