Romu 15:12 - Ka Lamana'a Monoꞌi Lu Mu Tifiꞌehina Ka Yabe

¹² To lu huto huto bo, Aisaiyau ana huto Kilisito kumu ma luto fayahi go'ehina: Bo moneuba Tebitihi afo'afihi Yesehi naga'i huto huloto fegutoga bona'magihi kibina bo lolo hilibe. Ya nohinogomo enali ai lele'mo bati hilina bo yabe lite, keheli emite geba hite komopa'ani aitoga mele melete minalabe.

Romu 15:12 ပူးပေါင်းရင်းမြစ်များ

Matiu 12:21

To asaga bona'i aitogago komopa'ani molo emite minalana'mu yabe.

1 Koliti 15:19

To lali Kilisitou yatai ma melugu nohuta kana'asigoko lele'mo bati hilina ni'itita bona'i luga'a asaga'magi lali kumu kehelite keke'i nelinogo ate ate luto minotita'mu yabe.

2 Timoti 1:12

To nani keke'i luse'na kehelilatana yamofihi nugupisalo tilata nohina yana'mu nubuya'ni menohibe. Nani nokehelugo amuya molo'ohuna bo ya'ma keheli'ohube. To negekesa loegu mekehelise ya'ma luto keheli fe nolube. Hu'mau amuya afo'afu nohinaya komopa'ni emi'ohuna. Ya'mu kaba hu netoto nobibe. To nani emi'ohunana ya'ma kaba huto buto kana'a molo'ehina huto hilina'mu yabe.

1 Pita 1:21

Ya huto higo lenali ai kumu kehelite Hu'mamofitoga agoya hu emite neminabe. Hu'mau Kilisitohi fili'ehinaguti le'mo ho tito sekele mamu'a emito molo eto'ehina yabe. To ya higo lenali ananamomu'i kehelite amuya melete aitoga agoya hu emilata to fifa ilata nehana ni'ibe.

1 Yoni 3:3

To ya huto ni'igo lali asaga'i yamofihi fifa ito minaluta ya'ma Kilisitou ai komopa'agu bati huse'na'a ni'ina ya suhi huto minalune luto komopati li keheli keheli hiluta'mu yabe.

Huto Hilina Ka 22:16

Nani Yesuita ya'ma agelo'ni ho lifinogo ai ya'ma bona'ni li gehesamu li gehesamu lenali'i ya'ma kaga'a lu yege hoto lu lepilibe. Nani ya'ma Tebitihi tata'agihi to ai'a naga'i nohube. To go'i lilube'mu nohigo sonofi'i ofu'yahi fana meha'a nohube luto lu'ehina.

Huto Hilina Ka 5:5

Yibi nohugo olopa kaba bona'i luga'amagihi enalitogati moneuba ma luto lu nimi'ehina: Yibi mehubo. Bu gobo. Yutaha nagaluguti luba kala laeoni tegi huto mino'ehina bo huto hu'ehina ai Tebitihi yagapana'a ya'ma Satahi luba'a be ligiloto pepa naga'a 7 li sala ke'ahana ya'ma aigo li paka soto bu galina'mu yabe.