Romu 14:9 - Ka Lamana'a Monoꞌi Lu Mu Tifiꞌehina Ka Yabe

⁹ Ya nohina'mu Kilisitou filito aku fili'ehinagati ho ti'ehinagi yatai fili'ahanamagihi lubu hiti mino lito nohutamofihi ai kaba bo nohinagihe.

Romu 14:9 ပူးပေါင်းရင်းမြစ်များ

Matiu 28:18

Yesu koko pana'amagihi ma luto lu epi'ehina: Kokulumalugu hiti melugu hiti asaga'na kaba hilane lutomo Afo'nifu ya'ma nimi'ehina.

Luku 24:26

Henabe lutobe? Mesiahi yata'a gabu foya kofiloto su henogo Hu'mau le'mo ho tigo alihi Hu'mamofihi fana mehena'agu ti'ehibe, luto,

Yoni 12:24

Lusiga lu nolepube. Mone nose'na biha'a melugu melimilina, fa'mene minoto pata sito boloto metilina'mu. To nose'na biha'a mone tili hu mo ito bololoto tito legeya'a babu luto halina'mu yabe.

Aposolo 10:36

Isilaeli bona'i koguna ite fulunaguti minalabe luto asaga bona'magihi Sipi Bo'ani Yesu Kilisitotoga ka lamana'a malago limi'ehina kaga, lenali kehelilata nehabe.

Aposolo 10:42

Filise bona'ifi to kosaba bona'ifi enali kaga'ani loko hu epalalina bo Hu'mau le'mo ho ti'ehina'mu luto loho lifigo lu yege nohone.

Romu 10:9

To lali mana lu yege nohone. Kai kabagakaguti Yesu nani kibina bo'ni nohibe luto lilata to Hu'mau fili'ehinagati le'mo ho ti'ehibe luto komopakagu ma'naka luto kehelilata nohatogo ai kele'mo bati hinogo minoba minoba hilane.

2 Koliti 5:14

Ya hu'ehina'mu Kilisitou ai meha'a limilata nohinauba lele'mo hetofa higo lalitigo lugufati lelito tiluta'a meni'ibe. Lali ya'ma luto keheli emilata nohune. Ai bo moneuba lali bona'i asaga kumu yabe luto fili'ehinamo ni'inagihe. To lali asaga'i ana suhi huto tafa hapatimo'mu fili'ohuta'a ya'ma keheli'ohune.

1 Tesalonika 4:14

Lali ya'ma Yesuya fili'ehinaguti aku ho ti'ehinamo keheli amuya nomolone. Ya'mu ma luto kehelilune. Hu'mau ai Yesuhi le'mo gelehe huto alina yupahiya Yesu kumu keheli emilata nehana'a hiti fili'ahana bona'i ai'a hiti enele'moto alube'mu hibe.

1 Tesalonika 5:10

Sipi Botiuba lali kumu luto fili'ehinamo ni'ibe. To henabe lutobe? Ai alina kanagu lali lubu hiti nohutamagita to afili su ho'ohutamagita lele'mo nupa higo ai hiti minalune luto yabe.

2 Timoti 4:1

Nani Hu'mamofihi bulo to Yesu Kilisito ai hiti minoto bona'i lubu hiti nohuta'a fili'ahana'a asaga'i ka foya lito guna molo letalina bo ai bulo ya'ma Yesu kaba huse'i to kapo'a hiti huto hilina nehetito kaba hu letalina'mu yabe luto ya'ma luto kaga lu moloto huto kelepilugi kehelibo.

Hibulu 12:2

Ya nohutoti keheli ule'ale huse'nati'mu lele'mo kohe tolatana to yanamofihi legeya'a li huto hulata bo, Yesu ya'ma babeyafa'amofihi suhi huto minoto aigo'isi bu go bati huloto hololu luto buto minalune. Ai gelo bise'na ya'ma o nehetibe luto lu'ohunamo yamofihi keheliloto li pigi bise'na fela'amofihi gupisalo ti'ehina'mu keheligo fa'menena lolo higo malipu yafalo sipi keke'i lu'ehina. Ya huloto Hu'mau nohina sekele mamu'a hiti kefa hisalo yahi lamaga'aga tito mino'ehina yabe.

1 Pita 1:21

Ya huto higo lenali ai kumu kehelite Hu'mamofitoga agoya hu emite neminabe. Hu'mau Kilisitohi fili'ehinaguti le'mo ho tito sekele mamu'a emito molo eto'ehina yabe. To ya higo lenali ananamomu'i kehelite amuya melete aitoga agoya hu emilata to fifa ilata nehana ni'ibe.

1 Pita 4:5

Ya nehanaya lenali ya'ma beto hilo. Enali enubu hiti nehananamagi hiti fili'ahana bona'i hiti alihi Hu'mau enele'mo nupa huto ka foya lilina kanagu aitoga hapa'ani lu hokolo hilana'mu yabe.

Huto Hilina Ka 1:18

To amuya bo afo'afita minomo buto minaluna'mu yabe. Nani fili'ohunagi aku'i ho tito to filise'na to yabalugu kafemofihi foloke'a nanigo li'ohube.

Huto Hilina Ka 2:8

To Semena hepatoga Hu'mamofihi yagapana'amagihi agelo ya suhi huto kaba hu epolo'ehina bouba kaga'a ma luto fayahi koyo eminogo lu epilibe: Kohe toto to alihi moloto ai filito aku'i ho tito minoba minoba hilata bo lenali kumu ma luto nohibe: